Tumalon ng 25% ang Mother Coin ni Iggy Azalea kasunod ng pag-launch ng Thrust, isang platform na nasa Solana na ginawa para dalhin ang transparency sa mga token na sinusuportahan ng celebrities.
Nangyari ito habang ang Bitcoin at Ethereum ay nahaharap sa matinding pagbaba ng presyo, kaya’t naghahanap ang mga investor ng alternatibong digital assets. Dahil plano ng ilang high-profile na token launches bago matapos ang taon, muling napapansin ang memecoin sector sa gitna ng mas matinding market volatility.
Thrust Platform Nag-launch ng Regulated Framework para sa Celebrity Tokens
Opisyal na nag-debut ang Thrust sa Blockchain Futurist Conference sa Miami noong ikalima hanggang ika-anim ng Nobyembre. Ipinuposisyon nito ang sarili bilang solusyon sa paulit-ulit na transparency issues sa memecoin market.
Nakipag-partner na ito kay Iggy Azalea at content creator N3on. Naka-schedule na lumipat ang Mother Coin sa bagong infrastructure sa katapusan ng 2025. Inaasahan ding mag-launch sa Disyembre ang token na tampok ang aktres na si Megan Fox.
Nakipag-partner ang platform sa law firm na Croke Fairchild Duarte & Beres para mag-establish ng legal agreements kasama ang mga creator. Layunin nitong iwasan ang pump-and-dump schemes na naging suliranin sa mga token launches na may celebrity involvement noong 2024.
Ine-emphasize ng modelo ng Thrust ang vetted partnerships at contractual obligations para sa mga token creators, taliwas sa existing platforms kung saan kulang ang accountability mechanisms.
Iba ang Ihip ng Hangin sa Market Habang Bumabagsak ang Mga Bigating Cryptocurrency
Bumagsak ang Bitcoin below $105,000 habang ang Ethereum at iba pang major cryptocurrencies ay nakaranas din ng matinding pagbaba. Ang kabuuang crypto market capitalization ay nabawasan ng $100 billion. Long positions na nagkakahalaga ng $1.14 bilyon ang nalugi kasunod ng mensahe ng Federal Reserve na may pag-iingat, na nagpapalakas ng risk-off sentiment sa mga institutional investor.
Pero ang sector ng memecoin, nagpakita ng tibay na may total market capitalization na umabot ng $40 bilyon noong 2025. Ang mga token tulad ng Dogecoin, Shiba Inu, at Pepe ay nananatili sa top 100 cryptocurrencies ayon sa market cap, na kinukuha ng karamihan ay mga retail investor na nasa kanilang 20s at 30s.
Dine-differentiate ng Thrust ang sarili nito sa pag-allocate ng 100% ng presale funds sa liquidity pools at pagpapatupad ng engagement-based reward mechanisms. Ang structure na ito ay kontrastado sa existing memecoin launchpads kung saan madalas ang bonding curve models ay pabor sa early participants kaysa sa community members.
Mga Hudyat sa Dulo ng Taon, Magpapalipad Ba sa Memecoins?
Ang kumukulong salubongan ng scheduled token migrations, celebrity launches, at major cryptocurrency weakness ay naglikha ng kondisyon na kung saan tinitingnan ng ilang analyst na maganda para sa memecoin activity. Ayon sa historical data, kadalasang umaangat ang meme coins tuwing nagko-consolidate ang Bitcoin. Noong Abril 2024, ang mga token tulad ng BONK at FLOKI ay tumaas ng 46% at 26%, habang ang Bitcoin ay umangat lang ng 1.5% pagkatapos ng halving.
Ine-emphasize ng Thrust ang verified partnerships at transparent tokenomics para i-legitimize ang celebrity-backed digital assets. Pero kung kaya nitong mapanatili ang momentum lampas sa unang mga launch ay nananatiling hindi sigurado, lalo na’t binibigyan diin ng sektor ang mabilis na pagtaas ng presyo.
Ang migration ng Mother Coin at ang mga paparating na celebrity token launches ay nagbibigay ng konkretong catalysts hanggang Disyembre. Gayunpaman, napapansin ng mga market participants na ang performance ng memecoin ay karaniwang mas nakadepende sa social media engagement at community sentiment kaysa sa fundamentals.
