Pumapasok sa kritikal na yugto ang MYX Finance matapos ang ilang linggo ng matinding selling pressure. Sobrang bumagsak ang token dahil na rin sa laganap na bearish na galaw sa crypto market ngayon.
Matindi yung profit-taking at forced exits kaya lalong bumagsak ang presyo. Ngayon, MYX ang laging pinag-uusapan at pinoproblema ng mga trader.
MYX Finance Token Gumawa ng Kasaysayan
Grabe nagbago ang galaw ni MYX kumpara sa Bitcoin simula pa noong February 8. Mula sa negative 0.42, naging positive 0.47 na ang correlation coefficient. Ibig sabihin, halos sabay na gumagalaw ang presyo ng MYX at ng Bitcoin ngayon.
Pero delikado rin ang ganitong sitwasyon. Simula pa ng February 8, nagco-consolidate lang ang Bitcoin at wala pang matinding rebound. Dahil mas lumalakas ang positive correlation nila, mukhang susunod pa rin ang MYX kung mahina si Bitcoin. Hanggang walang breakout sa BTC, puwedeng magpatuloy ang bearish market para sa MYX.
Gusto mo pa ng mas marami pang token insights? Mag-sign up sa Daily Crypto Newsletter ni Editor Harsh Notariya dito.
Ipinapakita ng Money Flow Index kung gaano kalakas ang bentahan nitong mga nakaraang araw. Grabe ang capital outflow dahil nagmamadaling mag-exit ang mga investor. Dahil sa panic selling at mga leveraged liquidation, lalong lumalim ang bagsak ng presyo.
Dahil dito, napunta ang MYX sa oversold na zone — unang beses itong nangyari sa history ng token mula nag-umpisa ito. Usually, kapag sobrang oversold na, puwedeng bumagal ang bentahan dahil pumapasok na yung mga buyer na naghahanap ng value. Sa maraming sitwasyon, nauuna ang oversold indicator bago magka short-term relief rally.
PERO, mahalaga pa rin ang context. Hindi ibig sabihin na laging may automatic bounce kapag nag-oversold — lalo na kung mahina ang galaw ng market at tiwala ng mga tao. Kung hindi makabawi si Bitcoin, baka mahirapan pa ring makakuha ng mga bagong investor ang MYX kahit oversold na siya ayon sa technicals.
Mukhang Malabo Nang Maka-Recover ang Presyo ng MYX
Bagsak ng halos 30% ang presyo ng MYX sa nakalipas na 24 oras. Nasa $1.50 ang token ngayon. Sobrang tindi ng pagbagsak dahil sumama pa sa 70% na drop simula noong February 8. Lalo nitong pinapatunayan na matindi talaga ang correction.
Ayon sa technicals at sa galaw ng market ngayon, malakas pa rin ang risk na bumaba pa ang presyo. Kung mananatili ang correlation ni MYX kay Bitcoin at tuloy ang mga outflow, puwedeng mas bumaba pa ang MYX. Mukhang possible pang mag-retest sa $1.22 bago maganap ang isang matinding stabilization dahil sa oversold na levels.
Puwede ring biglang magbago ang galaw ng mga investor. Kapag tumigil na sila sa pagbenta at nag-umpisang mag-accumulate ulit habang mura pa, pwedeng bumalik ang momentum. Kapag na-reclaim ang $1.68 support level, senyales ito na baka maaga ang recovery. Kung magtuloy-tuloy ang bounce, pwedeng umangat ulit ang MYX papuntang $2.01 o mas mataas pa, kaya maaaring matapos na ang bearish sentiment.
