Hindi nagtagal ang rally ng Nvidia shares nitong Lunes kahit na sunod-sunod ang malalaking announcement ng kumpanya sa taunang GTC developer conference nila.
Saglit na tumaas ang presyo ng stock habang nagkekeynote si CEO Jensen Huang, pero bumaba rin agad ito, kaya maliit lang ang naging gain bago matapos ang araw.
Excited agad ang mga investor nang mag-announce ang Nvidia ng mga major update tulad ng bagong Vera Rubin AI architecture, mga bagong inference chip, at ang DLSS 5 — isang AI-powered tech na kayang gumawa agad ng lighting at materials sa video games.
Sinabi rin ng Nvidia na posible silang kumita ng hanggang $1 trilyon mula sa AI infrastructure hanggang 2027.
Pinapakita ng projection na ito na naniniwala ang kumpanya na lalakas pa ang demand para sa AI computing habang mas maraming negosyo ang mag-a-adopt ng AI sa malakihang level.
Pero kahit bullish ang mga balita, hindi nagkaroon ng matinding rally sa merkado.
Posibleng dahil lang din ito sa classic na “sell-the-news” move. Sobrang taas na kasi ng Nvidia shares nitong nakaraang dalawang taon dahil sa AI hype, kaya marami nang investor ang nakapwesto bago pa ang event.
Sabi rin ng mga analyst, yung $1 trillion forecast ng Nvidia ay long-term potential pa lang — hindi pa sure na agad na kikita sila ng ganyang kalaki.
Kaya para sa mga investor, mukhang naghihintay pa sila ng mas malinaw na palatandaan kung gaano kabilis ang AI spending na magta-translate sa pagtaas ng kita ng kumpanya.
Sa ngayon, nandiyan pa rin ang mga concern sa mas malaking merkado. Malaki ang invest ng mga cloud company sa mga AI data center, pero marami pa ring tanong kung hanggang saan ang tatagal ng cycle ng gastusan sa sector na ‘to.
Ngayon, malakas pa rin ang Nvidia sa hardware side ng AI, pero kitang-kita sa reaction ng stock nitong Lunes na kahit sobrang laki ng announcement, hindi na automatic ang matinding rally.
