Matinding kritisismo ang natanggap ng NYC meme coin ng dating Mayor ng New York City na si Eric Adams mula sa crypto community, matapos bumagsak nang mahigit 80% ang presyo nito at bumaba ang market cap sa ilalim ng $100 million.
Kahit parehong dina-deny nina Adams at ng team ng project na may nangyaring masama, napansin ng mga analyst ang kakaibang galaw ng liquidity, na agad naging red flag para sa marami. Umabot pa sa puntong tinawag ng ilan ang token na posibleng rug pull. Sa exclusive na interview ng BeInCrypto kay Nansen analyst, binigyan siya ng 4 na dahilan kung bakit parang tugma ang NYC token sa mas malawak na definition ng “rug pull”.
60% ng Traders Nadale—Sunog Dahil sa NYC Token Meltdown
Ngayong linggo, iniulat ng BeInCrypto na nagpakita si Adams ng token sa Times Square. Biglang tumaas ang presyo pagkatapos ng launch, pero hindi nagtagal ang hype na ito.
“FORMER NYC MAYOR JUST RUGPULLED. Umabot agad ng $500 million ang market cap ng coin bago binawi ni Eric ang liquidity. Dahil dito, sumemplang ng 80% ang presyo at bumaba ang token sa ilalim ng $100 million,” post ni Ash Crypto.
Nahanap ng mga blockchain analyst ang kakaibang liquidity behavior. Ayon kay Rune Crypto, nag-withdraw si Adams ng $3.4 million mula sa token’s liquidity pool. Pati Bubblemaps, nag-flag din ng mga kahina-hinalang galaw sa liquidity.
Sa isang hiwalay na post, tinutukan din ni Bubblemaps ang naging epekto ng NYC token crash. Umabot sa mga 4,300 traders ang nakipag-transact sa NYC token, at halos 60% ng mga ito ang natalo o nalugi.
- 2,300 na traders ang nalugi ng less than $1,000.
- 200 na traders ang nawalan ng nasa $1,000 hanggang $10,000.
- 40 na traders ang natalo ng nasa $10,000 hanggang $100,000.
- 15 na traders ang nalugi ng lampas $100,000.
Na-Rug Pull Ba ang NYC Token?
Paliwanag ni Nicolai Sondergaard, isang Research Analyst sa Nansen, kay BeInCrypto, kaya napapasama ang NYC token sa mga possible rug pulls ay dahil sa paraan ng pagtanggal ng liquidity. Ilan sa mga dahilan na binanggit ng analyst ay:
- Walang advance na announcement na magre-rebalance ng liquidity ang team.
- Malaki ang tinanggal na liquidity at sabay-sabay pa, imbes na unti-unti.
- Hindi lahat ng tinanggal na liquidity ay binalik.
- Inalis ang liquidity nang mataas na ang presyo ng token.
“Kung legit ang galaw na ‘yon, asahan mo dapat na may announcements at parang dahan-dahang galaw lang, hindi biglaan. Hindi sanang ganito kabagsak ang epekto sa token kung naging transparent lang,” komento ni Sondergaard.
Pinaliwanag niya na kahit konti lang ang tinanggal na liquidity, malaki pa rin ang epekto nito—lalo na kapag may trader na nagbenta. Kapag manipis na ang liquidity, kahit maliit na sell order kaya nang pabagsakin ang market price, na madalas nagti-trigger ng panic sell at pwedeng mapilitan mag-cut loss ang maraming trader, lalo ‘yung may mga naka-set na limit order.
“Ang ginawa nila, parang naipit tuloy ang mga trader at napilitang magbenta kahit lugi dahil pumayat bigla ang liquidity sa market. Yung pagbalik nila ng liquidity, hindi na mababawi ang nadulot na damage. Pati ang pag-setup ng DCA orders, hindi rin solusyon, pang-tapal lang ‘yan,” dagdag ng analyst.
Pinunto pa ni Sondergaard na para sa integridad ng market, sobrang importante ang malinaw at transparent na communication tungkol sa liquidity. Kasi kung biglang nawawala ang liquidity nang walang abiso, mahirap para sa trader na i-manage ang risk nila.
Sabi niya, ang mga insidenteng ganito ay talagang nagpapababa ng tiwala ng buong crypto community. Dagdag pa niya, kung magiging mas transparent ang process at gamit ang analytics-driven na monitoring, mas madaling mapaghiwalay ang legit na projects sa mga bad actors. Nagsa-suggest pa si Sondergaard na,
“Makabubuting maging maingat ang mga investors lalo kapag nagta-trade ng memecoins. Maganda kung tinitingnan lagi ang holder distribution, kung mas marami ba talagang bumibili kesa nagbebenta, at kung one-sided lang ba ang liquidity (halimbawa, puro token lang ba o nagdagdag din ng USDC?).”
Itinanggi ni Adams ang mga Akusasyon ng Rug Pull
Habang usap-usapan pa ang isyu, naglabas ng statement si Todd Shapiro, spokesperson ng dating mayor, para tumuligsa sa mga alegasyon. Klinaro niya na hindi inilipat ni Adams ang pondo ng mga investor o kumita siya mula sa NYC token’s launch—puro kasinungalingan daw ang mga paratang na ito at walang ebidensya.
Nagdagdag pa ang spokesperson na normal lang daw ang price volatility na naranasan ng NYC Token, gaya ng ibang kakalunsad lang na digital assets. Pinaulit-ulit din ang commitment ni Adams sa transparency, accountability, at responsible na innovation.
Dati, sinabi ng NYC Token team na yung galaw ng liquidity ay parte lang ng rebalancing process, matapos tumaas ang demand nung launch.
