Pasok ang balita: Hindi na magpapatuloy si OpenAI sa Sora AI video generation app nila. Sabi ng Sora team, malapit na nilang ilabas ang schedule kung kailan isasara ang app pati na rin ang API, at magbibigay sila ng instructions kung paano mase-save ng users yung mga nagawa nilang videos.
I-follow kami sa X para sa pinaka-latest na balita habang nangyayari ‘to!
Una nang pinakita ng OpenAI ang Sora noong February 2024. Na-launch ng team yung standalone app nu’ng September 2025. Pero ngayong roughly six months pa lang mula nang i-launch, tuluyan na nilang isasara ang serbisyo.
Ayon sa Wall Street Journal, ininform ni CEO Sam Altman ang mga staff na ititigil na ng OpenAI lahat ng products na gumagamit ng video models. Lilipat na raw sa mas long-term na projects kagaya ng robotics ang Sora team.
Nangyari ‘to matapos pirmahan ng Walt Disney Company ang isang malaking deal sa OpenAI. Base sa three-year licensing agreement nila, dapat gagamitin ng Sora yung kantaas-taasang 200+ characters mula Marvel, Pixar, at Star Wars para maggenerate ng videos batay sa prompts. Pero ayon sa The Hollywood Reporter, umatras na rin ngayon si Disney mula sa $1 billion agreement na yun.
Napansin ni Aakash Gupta, isang author at podcast host, na nakaabot ang Anthropic sa $19 billion annualized revenue by early 2026 dahil focus lang sila sa chat at code, pati sa computer use—hindi sila nag-branch out sa video, image generation, o consumer social products. Mukhang napansin na rin ito ng OpenAI.
“Tiningnan ng OpenAI kung saan nanggagaling talaga ang kita at nakita nilang nasa coding at enterprise. Kaya ginagaya na nila ngayon ang strategy na yun. Pagsasamahin na nila ang ChatGPT, Codex, at browser sa isang app,” sabi ni Gupta sa kanyang post.
Swak din sa business side yung desisyon. Ang total consumer revenue ng Sora sa iOS at Android mula September ay nasa $1.4 million lang. Bawat video na nagge-generate, nakakabawas sa GPU capacity na pwedeng sana para sa main na products ng OpenAI.
“Yung mismong head ng Sora ng OpenAI, nag-announce ng generation limits kasi ‘di na kaya ng chips. Eh kung forecasted nga na aabot sa $14 billion ang losses nila sa 2026, bawat GPU talaga, importanteng magamit ng tama,” dagdag ni Gupta.
Sa madaling salita, yung pagsasara ng Sora app ay malinaw na sign na gustong i-push ng OpenAI yung mas profitable na enterprise, code, at chat model — kapareho ng ginagawa ng pinaka-matinding kalaban nila.
