Binan ng Polymarket, isang prediction market platform, ang mga account ng users na diumano’y nagbanta kay Times of Israel military correspondent Emanuel Fabian.
Sinabi ng platform sa isang recent na post na hindi nila tinotolerate ang pangha-harass at pagbabanta kay Fabian o kahit kaninong tao.
Nangyari ang action na ito matapos harassin si Fabian dahil sa report niya na isang Iranian ballistic missile ang tumama sa isang open area malapit sa Beit Shemesh, Israel, noong March 10, pero walang nasaktan. Dahil sa report na ’to, naging sentro ito ng isang coordinated pressure campaign ng mga bettors na matatalo ng malaki kung mananatili ang kwento niya.
“Yung simpleng report ko tungkol sa missile strike sa open area naging uli sa gitna ng betting war, kung saan yung mga tumaya ng ‘No’ sa Iranian strike sa Israel noong March 10 ay pinipilit akong baguhin yung article para manalo sila ng malaki,” sulat ni Fabian.
Nagsimula lang sa mga email na hinihingi ang correction, pero agad itong naging mas coordinated na pagpwersa. May ilan din na nag-message sa mga ka-trabaho niya sa ibang news outlet.
Isang tao ang nagkalat ng fake na screenshot sa social media na pinalalabas na inamin ni Fabian ang kamalian at pumayag maglabas ng correction.
Lalo pang lumala ang panggigipit nang may nagpakilalang “Haim” na nangbanta kay Fabian sa WhatsApp, dis-oras ng gabi. Sinabi niya na malulugi sila ng $900,000 at kaya nilang gumastos ng kasing laki para lang “tapusin” si Fabian.
Kasama sa mga message ang kumpletong detalye tulad ng address ng bahay ni Fabian, pati rin ang parents at kapatid niya. Nagpadala rin ng ultimatum na parang may countdown.
“86 minutes left. Ikaw lang ang responsable sa buhay mo,” sabi ni Haim, ayon sa kwento ni Fabian na nailathala.
Sinabi ni Fabian na pumunta siya sa pulis at iniimbestigahan na nila ngayon yung nangyari.
