Medyo mabigat ang naging 2025 para sa TON ecosystem kahit may potential syang maabot ang mahigit isang bilyong users dahil sa partnership nito sa Telegram. Bumagsak ng 65% ang presyo ng TON mula sa pinakatuktok nito sa simula ng taon.
Pero nitong huling bahagi ng December, may mga lumabas na magagandang senyales. Posibleng maging basehan ang mga ito para umasa na baka makabawi ang TON pagpasok ng Q1 2026.
Trading Volume at Network Activity Mas Umaarangkada na Uli
Una, sobrang tumaas ang daily trading volume ng TON.
Ayon sa Tonscan, pagdating ng ikatlong linggo ng December 2025, lumampas na sa $154 million ang daily trading volume ng TON. Mas mataas ito ng higit 41.7% kumpara sa dati.
Ito na ang pinakamataas na trading volume sa buong December. Ibig sabihin, bumabalik ang excitement sa trading ng TON matapos humina dahil sa negative sentiment sa altcoin market.
Nananatili ang presyo ng TON na nasa ibabaw ng $1.4 level nitong mga nakaraang araw. Ang pagtaas ng volume na sabay sa unti-unting paghina ng pagbaba ng presyo nito ay nagpapakita ng panibagong buying pressure.
Kabilang din sa mga magandang balita ay ang pagbabalik ng TON sa “trending” status sa CoinGecko. Ibig sabihin nito, dumami ulit ang nagse-search at nagti-trade ng TON nitong December. May kinalaman din ito kung bakit biglang tumaas ang trading volume.
May dagdag pang positive vibes mula sa on-chain data.
Oo, malaki ang binaba ng daily active users (DAU) ng TON kumpara sa 2024 pero mukhang nagsisimula nang mag-stabilize ito ngayon. Dati, umabot sa record high ang user activity dahil sa airdrop at GameFi campaigns.
Sa datos, tumaas din ang bilang ng daily active users sa nakalipas na tatlong buwan — mula 70,000 papuntang halos 100,000. Habang nangyayari ito, ang presyo ng TON bumaba naman mula $3 pababa na lang sa $1.4. Ipinapakita nito na balik na ulit ang tiwala ng market at baka tinitignan ng mga investors na mura o undervalued na ang TON.
Ano Kayang Mangyayari sa TON Pagdating ng 2026?
Sa Blockchain Life 2025 event nitong October, binigyang-diin ni Pavel Durov — founder ng Telegram — na mas magiging hands-on sila sa development ng core technology ng TON pagdating ng 2026.
Noong December, in-announce ni Durov ang opisyal na pag-launch ng Cocoon — isang decentralized at secure computing network. Pwede nang kumita ng TON ang mga GPU owners na nagpapagamit ng computing power nila para sa network.
Kaya naman naniniwala ang mga investors na tuloy-tuloy pa rin ang expansion ni Durov at Telegram para maabot ng TON ang potential na bilyong users buwan-buwan.
“Sa 2026, magfo-focus pa lalo ang Telegram sa pag-develop ng TON, gaya ng sabi ni Pavel Durov. Kaya expect natin na may malalaking announcement next year. Sana maging bullish ang 2026 para sa TON ecosystem,” predict ng investor na si Mr. Satoshik sa kanyang X.
Isa pa sa pinakamalaking updates ngayon ay ang announcement ng Kraken na nag-su-support na sila sa xStocks platform.
Kaya na ring bumili, mag-hold, at mag-transfer ng tokenized U.S. stocks at ETFs nang direkta sa loob mismo ng TON Wallet ng mga Telegram users.
“After naming pa-uso ang tokenized equities sa Solana at nag-expand kami sa EVM gamit ang Ethereum, ngayon nasa TON na kami. Sa hakbang na ‘to, dala namin ang winning solution na pinili ng 50,000 users — may mahigit $13B na combined CEX + DEX volume — papunta sa blockchain na native sa Telegram,” ayon sa xStocks sa isang X post.
Lahat ng ito ay mga magagandang senyales para sa mga investors na umaasang makaka-recover ang TON. Pero sa totoo lang, hindi pa rin malinaw kung naabot na ng presyo ng TON ang pinakababa nito. Ibat-ibang macroeconomic signals pa rin ang nagdadala ng pressure sa buong altcoin market.
