Mas umaangat na ang prediction markets kumpara sa tradisyonal na mga survey bilang forecasting tools — at ang pinaka-dahilan d’yan: financial conviction, o yung paninindigan tuwing may totoong pera na nakataya. Pag totoong pera na ang pusta, hindi ka talaga maglaloko.
Pinaikot ng mga platform tulad ng Polymarket at Kalshi ang traditional forecasting. Matagal nang monopolyado ng mga pollster ang panghuhula sa mga kaganapang politikal at economic. Pero dahil sa madaming epic fail ng mga survey mula pa noong 2016 US election hanggang Brexit, nabigyan ng chance ang isang challenger na nagbibigay parusa sa uncertainty gamit ang totoong pera.
Bakit Mas Solid na Data ang Money sa Crypto?
Ang pinaka-argument ng prediction markets ay behavioral. Maraming exit polls at survey ang palaging may problema: madalas nagsasabi ang mga tao ng sagot na tunog matino, o yung gusto nilang manalo, imbes na yung feeling nila talaga na mananalo. Kasi nga naman, walang mawawala sa’yo kung mali ang sagot mo sa survey.
Hindi ganun sa prediction markets. Kapag may market price na nagpapakita ng probability, ibig sabihin may taong willing mag-risk ng real money para sa outcome na yun.
“Kailangan mo ng matinding conviction bago ka maglagay ng prediction o taya,” sabi ni George Tung, founder ng ClashPicks at host ng sikat na CryptosRUs channel, sa BeInCrypto. “Kailangan talaga sure ka na mangyayari ito bago mo ilagay yung totoong pera mo.”
Itong conviction na ‘to ang dahilan kaya ibang level ang data ng prediction markets. Hindi lang basta-basta sentiment ‘yan — talagang may nakataya sa laro.
Pinapatunayan ito ng mga numero. Ayon sa independent research ni data scientist Alex McCullough na inilabas sa Dune dashboard, nasa 86% ang accuracy rate ng Polymarket sa pag-predict ng event isang buwan bago ito mangyari, at tumataas pa ng mga 91% sa huling apat na oras. Inaral ng study ang historical data ng Polymarket, at inalis ang mga markets na sobrang extreme ang probability para hindi masira ang resulta.
Problema sa Mga Survey
Halos sunod-sunod na rin bumabagsak ang performance ng mga tradisyonal na survey. Kahit nagbago na sila ng mga method matapos ang 2016 at 2020, masyado pa ring taas ang estimate nila kay Kamala Harris para sa 2024 US election, at na-underestimate naman nila si Donald Trump, lalo na sa swing states.
Pero sa prediction markets, iba agad ang kwento kahit bago pa mag-election night. Sabi pa ni Tung, hindi raw tsamba yun — skill-based daw talaga.
“Kapag nagpre-predict ka tulad ng sa presidential election o kung tataas ang gold ngayong linggo — skill-based ‘yan,” paliwanag niya sa BeInCrypto. “May mga tao talagang grabe mag-research at pinag-aaralan ang lahat.”
Mag-subscribe ka sa YouTube channel namin para mapanood ang insights ng mga leaders at journalists sa crypto
Isa pang big reason: bilis! Matagal ang proseso ng surveys — kailangan muna i-collect, i-process, tapos tsaka palang i-publish. Pero sa prediction markets, minutes lang mag-adjust ng price kapag may bagong info na pumasok.
Hindi Rin Perfect
Pero hindi ibig sabihin, perfect na ang prediction markets. Meron ring binabato ang mga kritiko: kapag concentrated lang sa iilang traders, pwedeng maapektuhan ng iisang biglang galaw — kaya minsan, nagsasalamin lang siya ng paniniwala ng iilan hindi ng totoong collective wisdom.
Isa pa, hindi rin diverse ang mga sumasali. Karamihan sa prediction market users, crypto-native at marunong sa finance — so hindi ito sample ng mga regular na tao. Kaya sabi ng mga kritiko, limitado pa rin ang “wisdom of crowds” kapag pare-pareho lang naman ang crowd.
Kinilala mismo ni Tung ang issue na ‘to.
“Tama na habang mas lumalaki ang platform at mas dumadami ang users, lalong tumataas ang accuracy niya,” sabi niya. Pero dumepensa rin siya na hindi lang prediction markets ang limited ang demographic. “Anong ibang data ang mas maraming nagpe-predict kaysa sa lahat ng prediction marketplaces combined? Anong data ang mas malawak pa ang demographic dito?”
Solid na hamon ito — at hanggang ngayon walang convincing na sagot ang survey industry.
Yung mga bagong platform na pumapasok ngayon, batak sa pagpalawak ng users. Yung ClashPicks na prediction market ni Tung na built sa Solana, ginawa niya para libre ang prediction, pang-hatak ng mga first-timers lalo na yung tipong ‘di kailanman magbubukas ng Polymarket account.
Anong Susunod na Mangyayari?
Kung talagang mapapalitan ng prediction markets ang mga survey, hindi na ‘yun ang issue — nagbago na rin kasi ang usapan. Mismong mga big investor, campaign strategist, at media orgs ngayon, sinasama na ang prediction market data katabi o paminsan ay kapalit ng dating survey data.
Malaki ang institutional interest at hindi mo pwedeng deadmahin: nitong October 2025, nag-invest ang Intercontinental Exchange (ICE) ng $2 billion sa Polymarket at na-value ang company ng $9 billion. Hindi ‘yan basta-basta crypto experiment lang! Ibig sabihin, siniseryoso na ng “traditional finance” ang prediction market bilang infrastructure ng data.
Sunod na challenge dito kung mapapalawak pa ng prediction market ang community nila nang hindi nawawala yung “may totoong risk” factor. Kasi dito rin galing yung value ng data nila. Pag mas marami ang sumali, mas diverse yung info — pero mangyayari lang ‘to kung yung mga sumasali ay mga may tunay na alam, hindi yung basta sabak lang sa speculation. Pinag-aaralan pa kung paano makahanap ng balance diyan.
Sa ngayon, prediction market talaga ang pinaka-transparent na salamin kung ano talaga ang pinaniniwalaan ng mga tao na mangyayari, kasi may risk na mawala ang pera kapag mali ang prediction nila.
