Umikot ngayon sa X ang bagong on-chain data na nagpapakita na mahigit 95% ng Pump.Fun users nalugi sa pag-trade ng mga meme coin. Dahil dito, parang naging sugal na ang dating ng trading at napigil tuloy ang altcoin season nung huling bull market, ayon sa maraming analyst.
Habang nangyayari ‘yan, naglabas ang Pump.Fun ng bagong creator-fee rule para mas gumanda ang trading experience sa launchpad nila.
Kahit medyo OA ang sinasabi ng social media about sa data, ‘di pa rin maganda ang sitwasyon. Sa mga naunang report, lumalabas na halos 50.6% ng mga wallet na nag-trade ng mga token na nag-launch sa Pump.fun ay nalugi rin.
Dalawang wallet lang ang kumita ng higit $1 million.
May Bago Bang Update Para Mabawasan ang Manipulation?
Dahil dito, nag-announce ang Pump.fun co-founder na si Alon ng protocol update para mabawasan ang manipulation. Target ng change na ito yung “vamping” at “griefing.”
Para simple, ang vamping ay yung mga creator na kumukuha ng value mula sa community, tulad ng biglang pag-dump ng tokens pag tumataas ang demand. Ang griefing naman ay mga galaw na nakakabuwisit o nakakasama sa ibang trader, tulad ng biglang pagbabago na nakakasira ng tiwala.
Sa update na ‘to, nilimitahan na kung paano mag-handle ng fees ang mga gumagawa ng token.
Dati, pwedeng baguhin ng mga creator kung saan napupunta ang earnings mula sa fees kahit kailan, kahit nagte-trend na ang isang token. Dahil dito, nagkaroon ng mga sitwasyon na bigla nilang binabago yung fee allocation sa gitna ng laro na naging dahilan ng galit at sunod-sunod na bentahan.
Ngayon, isang beses na lang pwedeng baguhin ng mga creator ang fee distribution. Pagkatapos nun, locked na ito maliban na lang kung dadaan pa sa mas komplikadong governance process.
Pinatupad na rin ang bagong rule na ‘to sa mga existing tokens.
Sinasabing makakatulong ang pagbabago na ‘to para mas transparent ang sistema at mabawasan ang mga panloloko ng mga creator.
Pero, hindi pa rin nito naaayos ang mga pangunahing problema ng pagkalugi—katulad ng sobrang dami ng token na lumalabas, bentahan ng mga insider nang maaga, at mabilis na liquidity extraction.
Kaya kahit mas mataas na ang tiwala sa platform, mukhang iilan pa rin ang totoong kumikita at karamihan ng trader na sumasali ay natatalo pa rin sa market structure.
