Inanunsyo ng Radiant Capital na unti-unti at maayos nitong isasara ang mga operasyon ng DAO nila matapos ang 18 buwan ng bigong pagsubok na mabawi ang mahigit $50 million na nawala sa matinding attack noong October 2024.
Ibabahagi namin dito kung bakit tuluyan nang nagsara, kung ano ang magiging epekto nito sa mga user, at kung anong mga mahahalagang aral ang naiiwan nito para sa DeFi.
Ano Ba Talaga ang Ibig Sabihin ng Wind-Down ng Radiant Capital?
Ang wind-down sa DeFi ay yung maayos na pagsasara ng protocol pero bukas pa rin ang smart contracts para pwedeng mag-withdraw ng pondo at mag-manage ng positions ang mga user. Nagsimula na mismo itong proseso na ‘to sa Radiant Capital noong June 1, 2026.
Maliwanag ang naging dahilan. Matapos ang 18 buwan ng effort kasama ang zeroShadow, nabigo ang DAO na mabawi kahit kaunting parte ng pondo na na-hack noong October 2024 kung saan mahigit $50 million ang nadrain mula sa protocol.
Bago pa ‘yung main hack, may nauna nang dagok. Noong January 2024, na-flash loan attack na umaabot sa 1,900 ETH kaya napilitan ang DAO na gamitin ang treasury funds nila para bayaran ang communal bad debt at malaki ang nabawas sa operating reserves nila.
Hindi rin dumating ang bagong kapital. Walang strategic investors, allocators, o grant mula sa ecosystem ang sumuporta para pahabain pa ang operasyon. Habang patuloy na nababawasan ang tiwala ng users, lumiit ang user retention, at unti-unting bumaba ang revenue ng protocol buwan-buwan.
Kung ipagpapatuloy pa nila ang operations sa ganitong sitwasyon, mabubuhay lang sila pero limitado ang kayang gawin at walang kasiguraduhan ang future. Nagdesisyon ang DAO na itigil na ang active development at mag-focus na lang sa safety ng users at sa patuloy na recovery efforts.
Mananatili pa ring buo at naka-on-chain ang mga smart contract na na-deploy nila. Hawak pa rin ng users ang buong kontrol sa pag-withdraw ng pondo, pagbayad ng loans, pagsara ng lending positions, pag-claim ng rewards, at pag-unlock ng DLP tokens nila diretso sa smart contract.
Mga Mahahalagang Pagbabago sa Users at Aral para sa DeFi 3.0
Ilang pagbabago ang agad na ipinatupad: Hindi na gagana ang borrowing sa lahat ng Core at RIZv1 markets, ititigil na ang RDNT token emissions, at ang treasury gagamitin na lang para sa pinaka-importanteng operations.
Mananatiling online ang website at front-end hanggang sa matapos ang taon. Magbubukas pa rin ang Discord, Telegram, at X para sa support ng users pero mas mabagal na ang response at limitado na ang direktang tulong mula sa dev team.
Pagkatapos ng announcement, bumagsak ang presyo ng RDNT token ng 4.4% at nag-trade sa $0.001444 ayon sa CoinGecko data. Ibig sabihin, halos 99.1% na ang total na ibinaba ng altcoin kumpara sa all-time high na $0.5853 noong September 2022.
Hindi pa rin tapos ang mga recovery effort. Bukas pa rin nang walang deadline ang remediation portal, patuloy na tutulong ang zeroShadow hangga’t may resources, at anumang perang mababawi pa mula sa October 2024 hack ay direktang ipapamahagi sa mga naapektuhang user.
Hinighlight din ng Radiant team na malaking aral ito para sa buong crypto space. Para sa kanila, papunta na raw sa tinatawag nilang DeFi 3.0 ang industry, kung saan ang pangunahing tinitingnan ng mga institutions ay security — hindi lang basta feature, kundi yun na mismo ang “product” na binibigyan ng value.
Sa panibagong yugto na ‘to, mas tinitingnan ng mga nagpopondo ang security features kaysa nominal yields. Mahalaga para sa kanila yung structural risk isolation, predictable na ugali ng protocol kahit under stress, operational security, at malinaw na recovery plan kung magka-problema — ‘yung mga protocols na ganito ang makakakuha ng matinding capital allocation ngayon.
Diretso ang huling mensahe nila: Baka sa susunod, mas titingnan na ng lahat kung paano nag-fail ang protocols — hindi lang kung gaano kaganda ang performance pag okay ang lahat. Kaya sobrang importante na may pang-contain agad at recovery plan na nakalinya bago pa magka-crisis.
