Nag-launch na ang Bank of New York (BNY) Mellon ng tokenized deposit service kung saan puwedeng i-convert ng mga institutional client nila ang cash papunta sa digital tokens.
Kasama sa bagong project na ito ang mga bigatin sa crypto tulad ng Ripple at Circle, gamit ang isang private blockchain na designed para pabilisin ang transfer ng cash.
BNY Bibida sa ‘Always-On’ Markets Gamit ang Bago Nilang Digital Deposit
Sa bagong service na ito, puwedeng i-convert ng mga institutional client ng bangko ang mga tradisyonal na cash deposit nila papunta sa digital tokens gamit ang isang private ledger. Basahin dito.
“Gamit ang tokenized deposits, nabibigyan kami ng pagkakataon na i-extend ang trusted bank deposits namin papunta sa digital rails. Dahil dito, mas mabilis na magagamit ng mga client ang funds nila para sa collateral, margin, at payments — at lahat ng ito ay sa isang framework na kayang mag-scale, matibay, at pasok sa mga regulasyon,” pahayag ni Carolyn Weinberg, Chief Product at Innovation Officer ng BNY. Basahin ang buo dito.
Target ng hakbang na ito na gawing mas moderno ang finance infrastructure, kasi puwede nang mag-settle ng transaksyon kahit anong oras — 24/7, para sa mga tipo ng deals tulad ng margin management at galawan ng collateral na kadalasan natatagalan pag sa tradisyonal na bangko.
Sabi ng BNY na ang service na ito ay tugma sa global trend papunta sa “always-on” model sa financial markets.
Ayon pa sa kanila, mas kailangan na ngayon ng mga institutional investor na makapaglipat ng assets instant para masakyan ang opportunities sa market. Kailangan din ito kapag may biglaang margin calls kahit outside banking hours.
Solusyon dito ang tokenized deposits dahil nababawasan nito ang friction sa settlement. Gamit din ang programmable payments, automatic na natutupad ang transaction kapag nag-meet ng specific conditions.
Kahit digital na ang interface, nilinaw ng BNY na naka-record pa rin ang mga balances ng client sa traditional system ng bangko para sure na walang sablay sa regulatory reporting.
Dahil dito, nagagawa ng bangko na mag-offer ng blockchain utility pero panatag pa rin ang seguridad at compliance na required para sa mga malalaking global bank. Alamin pa dito.
“Nakakatulong ang interoperability ng mga system na ito para magkaroon ng tulay sa pagitan ng real world economy at internet finance. Pinapakita rin nito na puwedeng pagsabayin ang bilis at mga bagong use case, nang hindi nagsa-sacrifice ng safety na hinahanap ng mga top financial institution,” paliwanag ni Dante Disparte, Strategy Officer at Head of Global Policy and Operations ng Circle.
Kabilang sa mga unang gumagamit ng service ang Ripple Prime, na subsidiary ng blockchain payments firm na Ripple.
Lalong bumabaon ang partnership ng dalawang kumpanya dahil dito, kasi BNY na rin ang pangunahing tagabantay ng reserves para sa RLUSD stablecoin ng Ripple.
Gamit ang integration sa digital ledger ng BNY, mas flexible nang mamanage ng Ripple Prime ang cash liquidity nila at maipapakita pa ang on-chain balances para halos instant din ang settlement.
“Habang mas maraming tradisyonal na financial institution ang napupunta sa digital-native services sa 2026, nauuna na ang BNY at dinadala nila mismo ang digital assets sa loob ng banking system,” sabi ni Noel Kimmel, Presidente ng Ripple Prime.
Maliban sa Ripple Prime at Circle, nag-announce pa ang bangko ng iba pang early participants na sumusubok ng platform. Kasama dito ang digital asset firms na Securitize, Talos, at Paxos, pati na rin ang mga traditional asset manager na WisdomTree at Invesco.
