Binabago ng Ripple kung paano naipapamahagi ang funding at suporta sa buong XRP Ledger ecosystem, ngayon tinutulak na nila ito papunta sa mas decentralized na modelo.
Announced ng Ripple ang mga pagbabagong ito noong February 26. Naka-focus ang 2026 bilang transition year para sa mga builders pagdating sa pagkuha ng kapital, mentorship, at technical support sa XRPL.
Bagong Phase Para sa XRP Ledger Habang Pinalawak ng Ripple ang Funding Channels sa 2026
Sa isang recent na blog post, sinabi ng Ripple na mula 2017, mahigit $550 million na ang in-invest nila sa iba’t ibang proyekto para sa XRP Ledger ecosystem, kasama dito ang mga non-equity grants, incentives para sa builders, strategic partnerships, at mga growth program.
Sinabi ng kumpanya na magshi-shift ang XRPL ecosystem sa 2026 patungo sa mas malawak at distributed na modelo ng funding. Ang target nila ay bigyan ng maraming pagpipilian ang mga builders kung saan sila pwedeng kumuha ng suporta at pondo.
“Habang mas nagiging mature ang ecosystem, nagfo-focus kami sa pagpapalawak ng access sa pondo gamit ang mas distributed at independent na mga paraan para marami ring options ang mga builders kung paano sila magda-scale,” ayon sa blog post.
I-follow kami sa X para lagi kang updated sa crypto news
Kabilang sa planong ito ang mga bagong inihandang proyekto at pinalaking initiatives na target ilunsad pagsapit ng 2026.
Ang XAO DAO ay isang hybrid na Decentralized Autonomous Organization (DAO) na ginawa para sa XRP Ledger. Bibigyan nito ng kapangyarihan ang mga miyembro para magdesisyon ng sama-sama kung paano ilalaan ang mga resources—pwede through community grants, feedback loops, at direct DAO proposals. Dahil dito, mas mabilis at convenient ang pagkuha ng pondo ng mga developers at mga bagong proyekto.
“Dahil mas pinalalawak ang decision-making power sa mas maraming stakeholders, malaking step talaga ang XAO DAO papunta sa mas matibay at community-driven na governance model para sa XRPL,” sabi ng kumpanya.
Magpapatuloy ang XRPL Commons, isang independent na organisasyon, sa pagbibigay suporta para sa mga builders gamit ang mga initiative tulad ng GLOW program at The Aquarium—isang 9-week incubator sa Paris na nagsimula noong 2023. May ginagawa rin ang Ripple na bagong regional group na tatawaging XRP Asia para mas matulungan ang APAC builder community na may local na pondo at suporta.
Dagdag pa dito, pinalalawak ang University Digital Asset Xcelerator (UDAX) program—na unang nailunsad sa UC Berkeley noong fall 2025—sa Fundação Getulio Vargas sa São Paulo, University of Oxford, at babalik ulit sa UC Berkeley para sa fall batch.
Para naman sa institutional level, magla-launch ang Ripple ng FinTech Builder Program na designed para suportahan ang mga startup na gumagawa ng financial applications sa XRPL na pang-institutional ang level.
Nailahad din sa blog na dumadami ang venture capital firms na nagtuturo, nag-i-invest, at nagko-connect ng XRPL builders sa international capital networks. Kasama sa partners dito ang a100x Ventures, Superscrypt, Reforge, New Form Capital, Dragonfly, Pantera, Franklin Templeton, at Tenity. Ang partnership na ‘to ay nagpapahiwatig ng mas matinding kumpiyansa ng mga institutional player sa XRPL.
Para mas mapadali ang access sa lumalawak na ecosystem, inanunsyo ng Ripple na malapit nang mag-launch ang isang dedicated na XRPL funding hub. Dito pwede mag-apply ang mga builders para sa grants, accelerators, at support programs na sakop ang buong ecosystem—one-stop shop kumbaga.
Bumagsak ang Presyo ng XRP Kahit Mag-eexpand ang Ripple sa 2026
Dumarating ang mga bagong initiative na ‘to habang sumasabay pa rin ang galaw ng XRP sa general na market trend. Batay sa data ng BeInCrypto Markets, bumaba ng 2.24% ang altcoin nitong nakaraang araw. Sa ngayon, nagtratrade ang XRP sa $1.41.
Sa short term, malabong gumalaw agad ang presyo ng XRP dahil sa pagbabago sa funding. Karaniwan, ang galaw ng presyo ay naaapektuhan ng liquidity conditions, macro trends, at mga regulasyon—hindi talaga agad ng ecosystem restructuring.
Pang-middle hanggang pang-matagalang panahon, depende pa rin ang epekto sa execution. Kapag naging successful ang FinTech Builder Program, XAO DAO, at mga venture engagement at nag-lead ito sa mas matinding activity sa blockchain, institutional pilots, at tunay na financial use cases, mas lalakas ang kumpiyansa ng mga trader at investors.
Mag-subscribe sa YouTube channel namin para makita ang insights ng mga eksperto at analysts sa crypto world
Para magkaroon ng matinding epekto sa presyo, kailangan ng tuloy-tuloy na adoption, lumalaking transaction volumes at mas malalim na integration ng XRP sa payments o tokenization flows. Sa huli, usage metrics—hindi headlines tungkol sa funding—ang magsasabi kung magla-last ang pagtaas ng value ng XRP.
