Bumawi ng halos 23% ang presyo ng Robinhood stock mula nang bumagsak ito malapit $71 noong Feb 5. Sa unang tingin, parang ang bilis ng recovery ng HOOD. Kakapost din lang ng kumpanya ng pinakamatinding financial year nito sa buong kasaysayan.
Pero kung titingnan mo ang kabuuang sitwasyon, ibang kwento ang lalabas. Mahina pa rin ang crypto activity, nauubos na yung mga pumapasok na pera, at tumataas yung teknikal na risks — mukhang hindi magtatagal ang rebound na ‘to. Sa ngayon, mas malakas pa rin ang bagsak na pressure.
Hatak ng Malakas na Kita at Bagsak ng Crypto, Magkasalungat ang Direksyon
Matindi ang financial performance ng Robinhood nitong 2025. Nasa $4.5 billion ang total revenue nila para sa buong taon — higit 50% ang tinaas mula noong nakaraang taon. Halos $1.9 billion naman ang netong kinita nila. Umakyat din ng 27% ang Q4 revenue at nilampasan ng earnings per share ang inaasahan ng mga analyst. Malakas ang paglago ng options trading, interest income, at Gold subscriptions.
Ipinapakita ng mga numero na gumaganda na yung core business ng Robinhood. Hindi na lang sila nakadepende sa meme stocks at crypto trading. Unti-unti nang nagiging mas diversified at mas stable ang kumpanya.
Nag-launch din ng public testnet ang Robinhood para sa Robinhood Chain. Isa ‘tong Ethereum Layer 2 network na gawa sa Arbitrum. Target nitong suportahan ang tokenized stocks, 24/7 trading, at mga DeFi tool. Long-term growth move ito at hindi short term na price driver. Pero problema pa rin ang crypto para sa kanila.
Bumagsak ng 38% ang crypto revenue nila kumpara noong nakaraang taon sa nasa $221 million. Konektado ito sa pagbagsak ng Bitcoin at mas mahina na trading volumes. Dahil malaki pa rin ang ambag ng crypto sa business nila, nabawasan ang total revenue dahil dito. Nasa $50 million din ang kinulang sa Q4 sales nila kumpara sa tinarget ng mga analyst.
Doon tumutok ang market.
Pagkatapos i-release ang earnings, bumagsak ng mga 7% ang stock sa extended trading. Dito mo makikita na para sa mga investor, malaki pa rin ang risk ng crypto. Kahit malakas ang kita at may bagong produkto, hindi na-offset ‘yung kahinaan na ‘yun. Dahil doon sa medyo sablay na crypto performance, muling bumalik ‘yung fears tungkol sa pattern ng bearish trend sa Robinhood stock price.
Nasira ng HOOD price yung falling channel noong Feb 2, kaya nag-trigger ng breakdown na halos 30%. Kahit nag-offer ng suporta ang $71, pwede pa ring hilahin ng walang lakas na crypto ang presyo paibaba.
Kaya pansin na mahina at parang manipis ang rebound mula Feb 5. Nasa loob pa rin kasi ito ng mas malaking downtrend, hindi pa ito palatandaan ng bagong uptrend.
Naglalaho ang Kumpiyansa Dahil sa Mahinang Money Flow at Death Cross Risk
Hindi lang price action ang nagpapaliwanag ng lahat. Base sa ibang money flow indicators, mukhang nag-iingat pa rin ang malalaking investor.
Pangunahing tool dito ang Chaikin Money Flow o CMF. Kinokombine nito ang price at volume para malaman kung malalaking player ay bumibili o nagbebenta. Kapag mas mataas sa zero, usually nag-aaccumulate ang mga institution. Kapag mas mababa, umiiwas o naglalabas na sila ng pondo.
Sa ngayon, negative pa rin ang CMF ng Robinhood.
Kahit tumaas ng 23% yung rebound, hindi naibalik ng CMF sa zero level. Nasa ilalim pa rin ito ng bumabagsak na trendline. Ibig sabihin, mababa o mahina ang suporta ng malalaking wallet sa rally na ‘to.
Gusto mo pa ng mas maraming ganitong insights? Mag-subscribe sa Daily Crypto Newsletter ni Editor Harsh Notariya dito.
Kaya mas hindi stable ang mga rebound. Warning din ang mga moving average ngayon.
Ang Exponential Moving Average o EMA, mas binibigyang bigat nito ang mga recent na presyo. Ginagamit ito ng mga trader para sukatin kung gaano kalakas ang trend. Kapag bumababa ang short-term average sa ilalim ng long-term, humihina ang momentum.
Nilalabanan ngayon ng Robinhood ang “death cross” risk. Nangyayari ito kapag bumaba ang 50-day EMA sa ilalim ng 200-day EMA. Kadalsan, senyales ito ng lalo pang kahinaan sa market.
Dalawang beses nang nakita ang bearish crossovers noong Jan 30 at Feb 4. Pagkatapos ng signal nung January, halos 30% din ang binaba ng presyo. Ngayon, bumababa na ulit ang 50-day EMA papunta sa 200-day. Kapag nag-confirm ang crossover, pwede pang lumakas ang pababang pressure.
Isa lang ang medyo good news.
Ang On-Balance Volume o OBV, sinecheck ang volume tuwing tumataas at bumababa ang presyo. Pinapakita nito kung sino ang mas dominante — buyers o sellers. Mula September hanggang February, mas tumataas ang lows ng OBV kahit bumababa ang lows ng HOOD. Mukhang may mga retail investor pa rin na nag-aaccumulate sa ilalim.
Kung magpapatuloy pa ang mahina ang galaw ng crypto, baka mawala na rin ang support na ‘to. Kapag walang matinding buying galing sa malalaking wallet, madalas “bitin” talaga ang retail buyers at hindi nila kayang baliktarin ang trend mag-isa.
May Bagong Falling Channel, Importanteng Presyo ng Robinhood Stock Pinapakita
Bearish pa rin ang itsura ng chart ngayon.
Simula pa noong October, napapansin ng Robinhood traders na umiikot lang yung price sa loob ng falling channel. Kapag falling channel, ibig sabihin puro lower highs at lower lows ang nangyayari sa price — parallel yung lines pero pababa ang direction. Usually, sign ito na tuloy-tuloy at kontrolado ang sell-off.
Ngayon, may bago na namang parallel channel na nage-emerge base sa latest galaw ng price. Itong bagong structure na ‘to, nagsa-suggest na pwedeng bumagsak pa ng over 40% yung price kung mabasag yung lower trendline. Ang pinakaunang critical level para sa HOOD ay nasa $71, ito na lang ang natitirang support zone.
Hangga’t nagpupumilit manatili ang price sa ibabaw ng $71, may chance pa rin maka-recover kahit nadadamay sa mahinang crypto market. Pero, kapag tuluyan nang bumaba ang price sa ilalim ng $71, asahan na lalong bababa pa ito. Ang susunod na malakas na support ay malapit na sa $55.
Kahit sa upside, matindi pa rin ang resistance. Kailangan ma-recover ng HOOD price ang $87 una, tapos ang $98 para gumanda ulit ang structure sa short term. Kapag nag-break pataas doon, $107 at $119 naman ang mga susunod na matitinding harang.
