Mukhang pinapalakas na ng Russian Federal Service for Supervision of Communications, Information Technology and Mass Media (Roskomnadzor) ang crackdown na gamit ang tech laban sa mga crypto media outlets.
Sa buong Russia, nagrereklamo ang mga users na hirap mag-access ng ilang crypto news sites kahit walang nilalabas na opisyal na paliwanag.
Para malaman kung may mas malawak na pattern ang nangyayaring ito, tinesting namin ang access sa iba’t ibang crypto media websites gamit ang iba’t ibang lokasyon at nag-run kami ng ilang network diagnostic.
May ilang sites na totally hindi naglo-load kapag gamit mo ang local na Wi-Fi, pero kapag gumamit ka ng ibang paraan ng internet—dire-diretso lang ang access sa parehong sites.
Ibig sabihin, hindi talaga galing sa websites o servers ang problema. Lumalabas na network-level ang aberya dito.
Mukhang ISP Level na ang Pag-block, Base sa mga Pattern
Habang nangyayari ito, patuloy din na nagbabago ang crypto regulation sa Russia at may mga hakbang na ginagawa para gumaan ang mga restriksyon sa personal na crypto trading.
Sa gitna ng mga pagbabago, base sa test na ginawa ng Outset PR analyst team, lumilitaw na network-level ang restriction sa karamihan ng international crypto media sites.
Para sa analysis na ito, pumili kami ng iba’t ibang crypto at finance media outlets para makita ang diversity ng language, location, at iba’t ibang atake sa content.
Kabilang sa listahan ang Benzinga, Coinness, FastBull, FXEmpire, CoinGeek, Criptonoticias, Cointelegraph, CoinEdition, The Coin Republic, AMBCrypto, at Nada News. Hindi ito full list ng lahat ng sites.
Ayon sa mga estimate ng mga analyst sa industriya, puwedeng makaapekto ang access restrictions na ito ng hanggang isa sa bawat apat na crypto at financial publications doon.
Kapansin-pansin na hindi naranasan ng BeInCrypto ang network issues nung tinest, kaya naging maganda itong comparison para malaman kung selective ba talaga ang restriction o buo ito sa lahat ng sites.
Hindi bago ang blocking na ganito sa Russia. Ginagamit na ng authorities ang network-level blocking para higpitan ang access sa social media platforms, messaging apps, at games online.
Matapos naming makumpirma na ‘di talaga naglo-load ang ilang domains sa local Wi-Fi, nag-run kami ng mas malalim na technical check para malaman kung paano ginagawa ang enforcement.
Nag-focus kami kung gumagana ba dito ang Deep Packet Inspection (DPI)—isang teknolohiya na ginagamit ng telcos para ma-analyze at ma-block selectively ang internet traffic.
Nung nag-activate kami ng DPI circumvention tool, biglang nag-load nang maayos ang dating blocked na websites. Ibig sabihin, DPI-based filtering ang ginagamit dito, hindi DNS manipulation o problema sa server/websites.
Para mas klaro kung iba-iba bawat internet provider, pinasubukan namin sa 10 crypto users mula sa iba’t ibang rehiyon ang magbukas ng parehong sites gamit ang local Wi-Fi na walang VPN o ibang bypass tool. Dalawa lang ang nakaranas ng konting hassle, pero yung walo hindi talaga naka-access ni isa.
Base sa natukoy namin, hindi centralized shutdown ang style. Parang distributed ang enforcement—meaning bawat provider may sariling paraan at timing ng pag-block.
Dahil dito, may mga networks na totally blocked, at meron ding ibang networks na medyo inconsistent—minsan pwede, minsan hindi.
Pero kahit magkakaiba ang epekto depende sa location, halos pare-pareho pa rin ang nagiging problema: pareho lang ang connection-reset na error na nakikita ng mga users kahit saan sila galing o anong provider gamit nila.
Walang Record sa Official Blocking Registries
Chineck din namin kung may official ban ba talaga sa mga websites na apektado. Pero wala naman sa public blacklist ng Roskomnadzor ang kahit isa sa mga domains na ito.
Ibig sabihin, hindi dumadaan sa usual content takedown process ang restriction na ito. Sinabi mismo ng Roskomnadzor na may access limitations na hindi kailangang ilagay sa public list:
“Pwedeng i-restrict ang access sa internet resources ayon sa Articles 65.1 at 65.2 ng Federal Law ng Russia na ‘On Communications.’ Hindi nakalagay sa public registry ang info ng mga ganitong restriction.”
Pag-pinagsama, lumalabas na iba-iba ang pag-block ng access sa maraming crypto at finance media websites depende sa network. Yung blocking, sa provider-level ginagawa, hindi centralized shutdown.
Wala talaga ang mga sites sa public registry ng Roskomnadzor at pare-pareho ang pattern ng connection issue kahit saan may restriction.
Sa kabuuan, lumalabas na hindi pantay-pantay ang paglagay ng network-level restriction sa mga crypto at finance media outlets sa Russia—depende ito sa mismong service provider.
