Naglabas ng bagong guidelines ang US SEC at CFTC para ipaliwanag kung paano mag-a-apply ang mga batas tungkol sa securities sa mga crypto activity tulad ng airdrops at staking. Target nitong tapusin na ang matagal nang kalituhan ng mga user, developer, at investor.
Sa bagong framework na ito, nilinaw ng SEC ang isang mahalagang distinction: Kadalasan, ang isang crypto token mismo ay hindi itinuturing na security. Pero depende pa rin sa kung paano ito ino-offer o ginagamit, puwedeng mapasailalim ito sa mga securities law.
Para sa mga airdrop, sabi ng SEC na importante ang context. Kung ang mga token ay pinamamahagi lang ng libre na walang pangakong kikita o walang umaasa sa central team, mas mababa ang chance na ituring itong security.
Pero kung ang airdrop ay ginagamit para i-promote ang investment o may pangakong future returns, puwede na itong ituring na investment contract.
Ganun din sa staking, hindi automatic na covered ito bilang security. Ang tinitingnan ng SEC ay kung paano naka-setup ang staking process.
Kung nagla-lock lang ng tokens ang mga user para supportahan ang network at kumita ng protocol rewards, baka hindi ‘to pasok sa securities law.
Pero kung may third party na nangongolekta ng pondo at nangangako ng returns base sa effort nila, puwede nang ituring ito ng regulators bilang security offering.
Nagdagdag din ang bagong guidelines ng classification system para sa digital assets. Hinihiwalay dito ang tokens: merong category para sa commodities, collectibles, tools, stablecoins, at securities.
Mas mapapadali nito kung alin ang dapat i-monitor ng SEC o CFTC.
Mahalaga rin na kinilala ng SEC na puwedeng magbago ang classification ng isang token kung security ba ito o hindi habang tumatagal. Baka mag-umpisa itong investment contract pero kalaunan, puwede na itong mag-operate mag-isa at bababa na ang mga kailangan sundin na requirements.
Bilang general rule, gusto ng mga agencies na mas malinaw na ang rules pero hindi pipigilan ang innovation. Inaasahang magre-review ng guidelines ang mga player sa market para malaman nila ang responsibilidad nila sa US law.
