Nasa 5.5% ang itinaas ng presyo ng Solana (SOL) nitong nakaraang linggo, at nananatili itong malapit sa $85 level. Itong rebound na ‘to ay nangyari pagkatapos ng matinding bagsak ng presyo kanina lang ngayong buwan.
Pero sa likod ng pagbawi na ‘yan, may nangyayaring malaking pagbabago pagdating sa supply ng SOL. Halos $870 million na halaga ng SOL ang tahimik na inalis mula sa liquid staking. Kasabay nito, patuloy pa ring gumagalaw ang Solana price sa loob ng bearish continuation pattern. Ibig sabihin, pwede talagang maging matindi ang galaw ng Solana sa mga susunod na araw depende sa magiging takbo ng market.
Simula June 2025, bumaba mula 45.66 million SOL papuntang 35.48 million SOL ang kabuuang SOL na naka-lock sa liquid staking protocols. Ibig sabihin, 10.18 million SOL, o mahigit 22%, ang umalis mula sa liquid staking. Sa presyo ng SOL ngayon, halos $870 million ang naging liquid ulit o pwede nang ibenta anytime.
Gusto mo pa ng ganitong token insights? Mag-sign up sa Daily Crypto Newsletter ni Editor Harsh Notariya dito.
Hindi naman ibig sabihin na automatic ay ibebenta agad ang mga SOL na naging liquid, pero mas dumami na ang available na supply ng SOL na pwede nang ibenta. Sa madaling salita, yung dating naka-lock, pwede nang ilabas anytime. Kapag humina pa ang market, tataas lalo ang selling pressure.
Ganito rin ang pinapakita ng validator staking trends. Ang direkta sa validator na naka-stake na SOL, bumaba rin mula 423.43 million SOL naging 419.07 million lang nitong mga nakaraang linggo. Ibig sabihin hindi lang simpleng lipat-lipat ng staking, may mga SOL na umaalis na talaga sa mga locked environment. Dahil dito, mas dumami pa ulit ang liquid supply risk.
Nangyayari itong shift sa supply habang medyo delicate pa rin ang presyo ng Solana. Mataas ang ibinagsak ng presyo – higit 50% ang binaba, bumawi saglit, pero mabilis ding nahinto ang pag-angat. Ngayon, malapit nang dumampi ang Solana price sa lower edge ng bear flag pattern.
Kapag bumagsak ang presyo ng SOL at lumagpas ito sa lower boundary, posibleng mag-trigger ito ng matinding crash. Nasa galaw pa rin ng mga investor kung mangyayari ito o hindi.
Dumadami ang Supply mula sa Short-Term Holders, Umaatras ang Long-Term Holders
Sa on-chain data, makikita nang humihina ang tiwala ng mga malalaking SOL holder, at mas umiinit ang galaw ng mga short-term trader. Isa sa major na indicators dito ay yung tinatawag na HODL Waves — sinusuri nito kung gaano katagal naiiwan sa wallet ang coins bago ilipat, at hinahati ang supply para sa mga short-term at long-term holder.
Ang mga short-term na Solana holder kadalasan hinahawakan lang ang coins nila mula isang araw hanggang isang linggo. Sila yung mga madalas magbenta agad tuwing may galaw ang presyo, imbes na mag-hold nang matagal.
Simula February 16, biglang tumaas ng sobra ang supply na hinahawakan ng mga short-term holder — mula 4.58% naging 5.85%. Ibig sabihin, mas dumami na ang SOL na kontrolado ng mga trader na historically ay mabilis magbenta. Mas tumataas tuloy ang chance ng biglaang pagbagsak kapag nagka-aberya ulit sa price.
Sabay nito, nababawasan din ang conviction ng mga long-term holder. Makikita ito gamit ang Hodler Net Position Change, kung saan sinusukat kung ang mga long-term SOL holder ba ay nagdadagdag pa o nagbabawas ng hawak nila over time.
Noong February 3, umabot sa 2,877,297 SOL ang idinagdag ng long-term holders sa loob ng 30 days. Pero ngayon, bumaba na lang ito sa 1,013,353 SOL. Halos 65% ang ibinawas!
Pinapakita ng matinding bagsak na ‘to na yung mga long-term investor, mabagal na silang mag-accumulate ng SOL. Sila pa naman yung kadalasang nagbibigay ng stability sa price kapag volatile ang market dahil hindi sila basta-basta nagbebenta. Pero kung mabagal na silang magdagdag ng hawak, mas nagiging risky at exposed sa matinding bagsak ang presyo ng SOL.
Nagiging delikado ang situation ngayon kasi pataas na ang liquid supply, hawak na ng mga short-term trader ang mas maraming coins, at humihina na ang suporta mula sa mga long-term holder. Dahil dito, mas tumataas ang risk na bumagsak pa lalo ang presyo.
Saan Papunta ang Market? Ayan ang Mga Solana Price Level na Bantayan
Ang presyo ng Solana ngayon ay malapit na sa isang critical na technical level na pwedeng mag-decide ng susunod na galaw nito. Kapag bumagsak ang SOL sa ilalim ng $82 support level, possible nang magsimula ang bear flag breakdown. Ang susunod na support na pwedeng pagdausan ay nasa $67 tapos maaari pang bumaba malapit sa $50 kung lalakas pa ang selling pressure.
Kung tuluyang mabuo ang buong bearish pattern, pwedeng dumerecho ang presyo ng Solana sa $41. Ibig sabihin, halos 50% na bagsak mula sa kasalukuyang level at solid na kumpirmasyon na tuloy-tuloy ang bearish trend.
Pero may chance pa rin na makabawi kung biglang dumami ang buyers. Kapag nabasag ng Solana ang $91 level pataas, mahihina ang immediate bearish pressure at magso-signal na bumabalik na ang malakas na demand.
Kung maka-recover ang SOL at tumaas sa $125, mababasag ang bearish pattern na ‘to. Pero para mangyari yun, kailangan ng matinding at sustained na accumulation mula sa mga trader at investors.
