Matindi ang binagsak ng presyo ng Solana nitong mga nakaraang linggo—nasa 40% ang nawala sa loob lang ng isang buwan at mahigit 54% mula nung pinakamataas nito noong January. Weak pa rin ang trend sa ngayon at karamihan ng mga trader ay tumataya pa rin na babagsak pa lalo ang presyo. Pero may ilang whale na gumagawa ng kabaligtaran—nag-o-open sila ng aggressive na long positions kahit bearish pa rin ang market.
Dito nagkakaroon ng malinaw na hati. Down pa rin ang overall trend, pero may ilang signal na parang nagsa-suggest na baka nagsisimula nang magbago ang sitwasyon. Ang tanong ngayon: Ano nga ba ang napapansin ng mga whale na ‘to?
May Whale na Naglo-Long Kahit Tinetest ng Solana ang Matinding Reversal Conditions
Bearish pa rin ang major trend ng Solana, pero lumalabas na yung mga unang reversal signal. Ang una rito ay makikita sa relasyon ng price at ng Relative Strength Index (RSI). Ang RSI ay isang indicator na susukat kung mas lumalakas o humihina na ba ang selling pressure.
Simula pa noong November 21, tuloy-tuloy na gumagawa ng mas mababang lows ang presyo ng Solana. Pero ang RSI naman, unti-unti nang nagpo-form ng mas mataas na low. Ang tawag dito ay bullish divergence, na kadalasan ay sign na namamayani na ang buyers at humihina na ang sellers. Pero hindi pa confirmed ang signal na ito. Para makumpirma talaga, kailangan pa matupad ang dalawang kondisyon.
Una, kailangan mag-form ng daily candle na nasa ibabaw ng $77 ang Solana, na siyang latest na pinakamababang presyo. Kapag nag-close ang susunod na candle na nasa taas ng level na ito, ibig sabihin ‘di na kaya ng sellers ibagsak pa lalo ang presyo ng SOL.
Pangalawa, kailangan manatili sa ibabaw ng 30 ang RSI, na siyang dating mababang level noong November 21. Kung bababa ulit sa 30 ang RSI, mawawala na yung bullish divergence at sign na tuloy pa rin ang kahinaan. Basta’t hindi bumabagsak sa $77 at di bumababa sa 30 ang RSI (mas mahalaga yung pangalawang confirmation), intact pa rin ang early reversal setup.
Dito pumapasok yung rason kung bakit may mga whale na nagpo-posisyon nang maaga.
Halimbawa, may isang whale na nag-deposit ng $2 million sa USDC at nag-open ng 20× leveraged long position sa Solana, kahit pababa pa rin ang market.
Pero, ang mas malaking derivatives market ay ‘di pa rin kumbinsido sa bullish na pananaw na ‘to. Tumaas ng 2.6% ang open interest mula $1.93 billion papuntang $1.98 billion. Sabay nito, bumagsak nang malala ang funding rates mula -0.005% pababa sa -0.032%,—malaking 540% move na lalong nag-negative.
Ibig sabihin mas maraming tumataya na babagsak pa lalo ang market. Pero bakit may ilang matagal na at experienced na holders ang nag-a-accumulate kahit bearish pa rin karamihan ng trader? Malamang may iba pa silang tinitingnan bukod sa hindi pa kumpirmadong reversal setup.
Lumalakas ang Accumulation ng Long-Term Holder at Institusyon—May Nakatagong Lakas Ba?
Malaki ang tulong ng galaw ng long-term holders bilang clue. Yung tinatawag na Hodler Net Position Change—na sinusukat kung namimili o nagbebenta ang mga matagal nang investor—biglang tumalon dahil dumami ang accumulation. Tumaas ng 23.6% ang net buying ng mga long-term holders mula 786,539 SOL papuntang 972,417 SOL sa isang araw lang.
Gusto mo pa ng mas marami pang token insights? Mag-sign up na sa Daily Crypto Newsletter ni Editor Harsh Notariya dito.
Ipinapakita nito na nag-a-accumulate ang mga experienced investors habang weak pa yung market. Isa pang signal—yung Chaikin Money Flow (CMF) indicator. Pinapakita ng CMF kung malaki ba ang perang pumapasok o lumalabas sa isang asset gamit ang kombinasyon ng price at volume.
Kahit mahina pa ang presyo ng Solana, umaakyat na ulit ang CMF. Ibig sabihin, unti-unti nang pumapasok ang pera sa Solana kahit tahimik pa. Pero, para talaga magdala ng matinding epekto ang malalaking capital sa presyo ng SOL, kailangan munang mag-breakout sa ibabaw ng ascending trendline at saka sa ibabaw ng zero line.
Mas nagiging importante ang accumulation na ‘to kapag pinagsama sa weekly VWAP (Volume Weighted Average Price). Ang VWAP ay average price base sa volume at kadalasan ginagamit bilang indicator ng galaw ng mga bigatin at institutional sa market. Nitong huli, sandaling nabawi ng Solana ang level na ito—naka-10% bounce agad. Ganito rin ang nangyari nung January kung saan nag-rally ng halos 20% ang presyo. Sa ngayon, ang VWAP line ay nasa mahigit $79, halos katapat ng kasalukuyang trading price.
Nauna munang mag-breakout ang VWAP bago tumaas ang CMF nito sa ibabaw ng zero line. Ayon sa kasalukuyang pattern, parang nagsisimula na ulit ang institutional-style na accumulation. Kaya yung mga whale, mukhang nag-umpisa na agad mag-long positions. Pero, kahit optimistic ang sentiment, may kaakibat pa rin itong risk.
Mga Short Term Holder at Mga Key Price Level Magdi-decide Kung Saan Tutungo si Solana
Sa ngayon, yung mga short-term holder ang may pinakamalaking risk pagdating sa potential na recovery ng Solana. Makikita ito sa HODL Waves, isang tool na sinusukat kung gaano katagal hinahawakan ng mga investor ang coins nila, gamit ang pagbubukod ng supply batay sa time ranges.
Tumaas ang percentage ng mga 1-week hanggang 1-month holders mula 5.10% paakyat sa 7.18%. So, halos 40% ang itinaas. Madalas, mabilis magbenta ang mga short-term holder kapag gumagalaw nang malala ang market, kaya sila nagiging resistance kapag sinusubukang makabawi ang presyo.
Ang presyo ng Solana ngayon ay nasa matinding decision point. Kapag nag-hold ang Solana sa ibabaw ng $77 at nagstay ang RSI lagpas 30, solid pa rin ang bullish divergence. Pwede nitong itulak ang recovery paakyat sa $91, kaya posibleng umangat pa ng 15% mula rito.
Pero kung mabasag ang $77 at bumagsak ang RSI sa ilalim ng 30, bagsak ang bullish setup. Sa ganitong scenario, pwedeng bumaba ang Solana sa $68 at baka umabot pa ng $54, na mahigit 30% ang potential na ibagsak mula sa kasalukuyang level.
Kaya sobrang crucial ng level na ito ngayon. Karamihan sa market, negative pa rin ang sentiment sa presyo ng Solana — dami pa ring nagso-short at matindi ang negative funding rates. Pero yung mga whale at long-term holder, maaga nang pumoposisyon para sa possible na ibang outcome. Yung susunod na mga candlestick at kung magho-hold ang RSI sa 30 — dito malalaman kung sino ang tama.
