Matapos ang solid na growth noong 2024 at kasunod ng 60% na pagbaba sa daily active addresses ng network, hinaharap na ng Solana ang isa sa pinaka-magulong yugto nito mula nang umangat ito sa ranks ng top-tier blockchains.
Ngayon, nahati ang community dahil sa usap-usapan tungkol sa $50 milyon na deal sa Western Union para sa anim na buwang partnership. Ito ba ay mahalagang galaw para palawakin ang real-world payment adoption, o mamahaling PR lang habang lumalamig ang on-chain activity ng Solana?
Totoong Kwento sa Likod ng 60% na Bagsak: Ano ang Nawawala sa Solana?
Mula sa technical na angle, higit pa sa simpleng statistical dip ang 60% na bagsak sa daily active users; nagsi-signal ito ng mas malalim na structural na problema. Pwedeng nanggaling ang pagbaba sa mas mataas na fees kapag congested ang network, wallet experience na medyo clunky pa rin, at mas tumitinding MEV (Maximal Extractable Value) — paraan kung paano kumukuha ng extra kita ang bots/validators sa mga transaksyon — na tumatarget sa retail users.
Ayon kay Haseeb, konektado rin ang pagbagsak na ito sa humuhupa na meme coin hype ng Solana. Daily active users sa Pump.fun (PUMP), na dating sentro ng meme coin boom ng Solana, bumagsak na sa nasa 120,000.
Sa context na ’to, may mga user na nag-aargue na bot-driven lang daw ang recent na lakas ng presyo ng SOL at hindi galing sa totoong paglago ng network. Para sa kanila, “running on hype” ang Solana at pwedeng maubusan ng momentum pag lumabas ang totoong usage data. Bahagyang sumang-ayon si Haseeb pero optimistic pa rin siya sa pangmatagalang pagbabago.
“Gumagalaw na ang Solana mula sa pagiging memecoin-centric papunta sa mas DeFi focus, gaya ng ibang successful na chain. Healthy transition,” komento ni Haseeb.
Itinampok din ng isa pang analysis sa X ang pagdami ng sandwich attacks sa Solana, isang uri ng MEV exploitation kung saan inuunahan ng bots ang trades, ginagalaw ang presyo, at sinasalo ang slippage ng users. Binabawasan nito ang tiwala at lumilikha ng perception na mas pinapaburan ng network ang mas advanced na players kaysa sa regular users. Para sa Solana, kasinghalaga na ng technical roadmap nito ang pagbabalik ng tiwala ng retail.
$50M na Deal ng Solana at Western Union: Tamang Diskarte ba o Maling Timing?
Pinaka-mainit na usapan sa community ngayon ang $50 milyon na deal ng Solana at Western Union, ’di umano’y hati sa $25 milyon na cash at $25 milyon na liquidity incentives sa loob ng anim na buwan. May mga nag-aakala na “marketing gamble” lang ito, dahil tingin ng marami sa crypto space na ang Western Union, isang legacy na financial giant, ay lumang institusyon ng centralized finance.
“Centralized na mapagsamantala ang Western Union na dahan-dahang namamatay, parang dinosaur na nagtayo ng imperyo sa friction at sobrang taas na fees, at ’di tayo nagpagod magtayo ng onchain financial infrastructure nang isang dekada para ibalik lang sa kanila ang mga susi,” komento ng isang user.
May iba pang nagpe-predict na baka ma-bankrupt ang Western Union bago pa sila makapag-move ng matinding volume sa Solana, na nagpapakita ng pagdududa ng crypto community sa mga tradisyunal na institusyon na pumapasok sa blockchain.
Pero may mga analyst na mas balansyado ang tingin. Sabi nga ni Ryan, gumagastos ang bawat ecosystem para buhayin ang partnerships, palakihin ang user base, at makakuha ng visibility.
Sa ganung anggulo, pwedeng kalkulado ang deal ng Solana sa Western Union, lalo na’t kakafile lang ng final S-1/A ang Fidelity sa SEC para sa Solana ETF, hudyat na dumarami ang institutional na atensyon sa network. Pwedeng magbigay ng dagdag na legitimacy sa Solana ang pag-partner sa isang kilalang global payment brand bago ang posibleng ETF approvals at mga future inflows.
“Nakakaumay na yung buong ‘Solana paid Western Union’ na usapan. May mga pondo ang mga foundation para i-activate ang mga partner sa network nila. Wala kayong idea kung ano yung deliverables, kaya hindi niyo mame-measure ang ROI ng mga deal na ’to. Sabihin ko na: LAHAT ng ecosystem nagko-compete at naglalabas ng pera.” Sabi ng analyst sa isang post.
Pero nananatili ang pinaka-importanteng tanong: Magdadala ba talaga ang deal na ’to ng real users at sustainable na volume? Kung mauwi lang ito sa PR campaign na walang measurable na on-chain traction, o aktwal na galaw sa mismong blockchain, mananatili ang core problem ng Solana—nababawasan ang user engagement—at mae-expose ito sa competition mula sa mas bagong, mas mabilis lumaking blockchains tulad ng Sui, Aptos, at Base.
Umaarangkada ang Technical Momentum, Malapit na sa Decision Zone
Sa technical analysis na pananaw, nananatiling structurally bullish ang SOL sa medium term. Sinasabi ng mga analyst na kamukha ng chart ng Solana ang setup noong Q4 2023, na may matibay na support malapit sa $194 at may potential upside papuntang $295–$400 kung mag-hold ang trend. Pwedeng mas tumaas pa ang sentiment at liquidity kung idagdag ang Solana sa institutional ETF portfolios.
Pero sa likod ng bullish na narratives, may mas mabigat na realidad. Nasa crossroads ang Solana—tinitimbang nito ang malalaking partnership tulad ng Western Union laban sa realidad na kumokonti ang organic users. Magde-depende ang susunod na yugto ng blockchain sa kung kaya ba nitong gawing sustainable adoption ang hype, maka-attract ng tunay na retail activity, at mapalakas ang tiwala sa ecosystem nito.
