Balik na sa normal ang operasyon ng Sui (SUI) Mainnet matapos ang tatlong sunod-sunod na network outage sa loob ng dalawang araw, lahat dahil sa mga bug na lumabas sa bagong 1.72 software release.
Nangyari ang mga pag-freeze ng Sui network mainnet noong May 28 at May 29, 2026 at pansamantalang na-stop lahat ng activity sa network habang nagka-coordinate ang mga validator para ayusin ang problema.
Sui Mainnet Outage: Ano ang Nasira sa 1.72 Upgrade
Nagsimula yung unang outage mga bandang 7am PT ng Thursday at tumagal hanggang mga 1:30pm PT. Sa update na 1.72, nagdagdag sila ng bagong paraan para magbayad ng transaction fees gamit ang tinatawag na address balances. Nagkaroon dito ng bug kapag dalawa ang transaction na sabay gumamit ng parehong address balance, tapos na-cancel yung isa. Kahit na-cancel na ang isang transaction, sinubukan pa rin ng network na kunin yung fee, kaya napunta sa negative balance na hindi pwede sa system at tuluyan nang nag-crash.
Nag-adopt ng pansamantalang solusyon ang mga validator para mabalik agad ang network, pero inamin ng team na alam nilang may edge case pa rin. Lumabas ‘tong edge case na ‘to noong Friday ng umaga mga alas-5am PT. Ibang error code ang nag-overwrite sa original reason ng pagkaka-cancel at nakalusot sa bantay, kaya nagkaroon ng pangalawang pag-freeze. Nag-deploy ng mas kumpletong ayos ang team pagdating ng 8:30am PT.
May Hidden Bug na Nagdulot ng Pangatlong Pag-freeze sa Epoch Change
Yung pangatlong outage, mula mga 1:30pm hanggang 7:20pm PT ng Friday, iba naman ang naging dahilan. Sa tuwing lilipat ang Sui sa bagong epoch, may setup process na ginagawa ang mga validator. Dito nabubuo yung shared random value na ginagamit ng ilang transaction. Nag-restart ang mga validator para magpatupad ng fix mula Friday ng umaga. Pero dahil kulang yung sumali sa process na ‘to, na-disable ito para sa epoch na yun. Dahil sa isang tagong bug, hindi na-save sa disk ang resulta. Kaya nung nag-restart ulit ang mga validator, wala silang memory ng fail na setup at tuloy-tuloy lang silang naghihintay ng resulta na hindi naman darating. Nahinto tuloy ang end-of-epoch logic at nag-freeze uli ang network.
Walang Nawalang Pondo, Naayos na ang Mga Sira
Sa lahat ng insidente, nilinaw ng Sui Core Team na walang user fund na nalagay sa alanganin at hindi rin na-revert ang mga kumpirmadong transaction. Sa ngayon, ang presyo ng SUI token ay nasa $0.88. Bumababa ito ng 2.57% sa nakalipas na 24 oras, may market cap na nasa $3.5 bilyon at rank 32 sa buong crypto market.
Matapos nito, nagbigay ng tatlong direksyon ang team para mapatatag pa ang network: palakasin ang stability tuwing epoch change, ayusin ang gas charging logic para mas madaling i-test at gawing modular, at gumawa ng paraan para kahit may isang mali o bug na pumasok eh hindi matitigil ang buong network. Nangyari ang insidenteng ito matapos ang $10 milyon security commitment ng Sui kasunod ng Cetus hack. Ipinapakita nito ang patuloy na pag-check sa mga outage ng Sui at ang kakayanan ng chain na mabilis mag-ayos ng mga network bug.
Hindi pa sigurado kung ang bilis ng pagka-recover ng Sui ngayong linggo at yung pagiging open nila sa paglabas ng mga detalye tungkol sa naging issue ay makakaapekto sa market sentiment bago ang susunod na epoch upgrade.
