Kumpirmado ng SWIFT, ang messaging backbone na kumokonekta sa mahigit 11,000 financial institution sa mahigit 200 bansa, na umuusad na papunta sa unang MVP o minimum viable product iteration ang blockchain-based shared ledger nila.
Matapos makipag-collaborate kasama ang global na grupo ng mga bangko para sa design phase, ngayon nagpe-prepare na ang network para gumamit ng totoong transaksyon mamaya ngayong taon.
Ano Nga Ba Talaga Ginagawa ng Blockchain Ledger ng SWIFT?
Hindi public blockchain ang shared ledger na ‘to at wala rin itong sariling cryptocurrency. Gawa ito bilang permissioned infrastructure layer sa ibabaw ng Linea, isang Ethereum layer-2 network na dinevelop ng ConsenSys.
Nagre-record, gumagawa ng sequence, at nagva-validate ng mga transaksyon ang ledger sa pagitan ng mga financial institution gamit ang smart contract. Dahil dito, pwedeng maglipat ng tokenized deposits, regulated stablecoin, at central bank digital currency sa iba’t ibang institusyon nang real time, 24/7.
Anong Problema ang Nasosolusyunan Nito
Sa tradisyonal na cross-border payments, sumusunod pa rin ang mga bangko sa correspondent banking networks na nakadepende sa business hours, madaming dumadaan na middleman, at nakadagdag pa sa dami ng pinoprosesong reconciliation.
Pinapasimple ng shared ledger ng SWIFT ang prosesong ‘yan sa pamamagitan ng pag-combine ng messaging at settlement sa isang single layer. Mas mabilis ang payment execution ng mga bangko, mas kita agad ang liquidity, at halos nabawasan o natanggal ang hassle ng reconciliation.
Kasama sa design phase ang mahigit 30 global financial institution tulad ng JPMorgan, HSBC, BNP Paribas, Deutsche Bank, at Bank of America.
Ginamit ang insights nila para i-shape ang mga feature ng ledger, governance model, at ang development plan para sa hinaharap.
Anong Sunod na Mangyayari?
Inaabangan na ilalabas ang MVP para sa mga totoong transaksyon ngayong taon. Hindi nito papalitan ang kasalukuyang messaging infrastructure ng SWIFT, kundi parang additional option ito kung gusto ng mga institution gumamit ng blockchain-based settlement nang hindi na kailangang baguhin pa ang mga internal workflow at compliance nila.
Para sa cross-border payments market na may $183 trillion bawat taon, matindi ang magiging epekto nito.
