Sumali ang Terra (LUNA) sa mga top gainers sa crypto market ngayong araw matapos magpakita ng matinding double-digit na pagtaas sa presyo.
Nangyari ang matinding rally na ito kasabay ng nakatakdang sentencing kay founder Do Kwon ngayong araw, pati na rin ang mga bagong update sa ecosystem na naging sentro ng atensyon para sa network.
Bakit Biglang Lipad ang Presyo ng Terra (LUNA) Token?
Nagsimulang umakyat ang altcoin noong huling bahagi ng nakaraang linggo, at mas naging mabilis ang momentum nito nitong Monday dahil sa network upgrade sa v2.18.0. Sina Bybit at Binance — dalawang malalaking exchange — nagbigay ng suporta sa update na ito at pansamantalang sinuspinde ang deposits at withdrawals para masigurong smooth ang transition ng mga users.
Nakatulong ito para biglang tumaas ang positive na sentiment sa market. Sa katunayan, umakyat ang token sa pinakamatataas na presyo nito sa loob ng 7 buwan kahapon. Nagpapatuloy pa rin ang paglakas ng presyo ngayon.
Base sa data ng BeInCrypto Markets, nasa 55.58% ang itinaas ng presyo ng LUNA nitong huling 24 oras. Habang tinitignan ito ngayon, nasa $0.232 ang trading price ng altcoin.
Kabog talaga ang LUNA dahil naging second-largest daily gainer ito sa CoinGecko ngayong araw. Tumaas din ang trading activity, kung saan halos x2 ang daily volume na umabot sa mahigit $700 million (+192.10%).
Bukod sa update ng network, malaki rin ang naging epekto ng sentencing ni Terraform Labs founder Do Kwon sa hype at atensyon na natanggap ng LUNA.
Sasalang si Kwon ngayong araw sa harap ni Judge Engelmayer sa Southern District of New York. Ang US Department of Justice gusto siyang ma-sentensyahan ng 12 taon na pagkakakulong.
Pero ayon sa isang analyst, hindi laging tumutugma ang final sentence sa hinihingi ng prosecution. Katulad ng kay Sam Bankman-Fried na 25 taon lang ang nakuha kahit ang gusto ng prosecutors ay 40-50 taon. Si Alex Mashinsky naman, 12 taon ang hatol kahit na 20 taon ang request.
“Hindi ko ipe-predict kung ilang taon talaga ang makukuha niya, pero medyo impossible na aabot sa 12+ years, lalo na kung isasama pa ‘yung time served,” sabi ni Camol.
Pero naglabas ng babala ang Toknex tungkol sa biglang pag-akyat ng presyo ng LUNA, at pinaalalahanan ang mga traders na huwag i-treat ang rally na ‘to bilang totoong pagbangon ng project.
“Hindi ito comeback. Hindi ito dahil sa fundamentals. Purely community-driven lang ang trading pressure dito. Namatay na ang totoong Terra ecosystem noong 2022. Ang new LUNA na ‘to, walang kwentong dala at walang tunay na value. Gumagalaw lang ‘to kapag pumatol ang mga traders na gustong maglaro sa volatility,” sulat ni Toknex.
Habang malapit na ang sentencing, todo tindi rin ang interest ng community hindi lang sa LUNA, pero pati na rin sa Terra Luna Classic (LUNC). Nagdulot ito ng renewed hype at napasama agad ang dalawang token sa trending list ng CoinGecko ngayong araw.
Na-report ng BeInCrypto noong isang linggo na sumipa nang 100% ang presyo ng LUNC matapos magpakita ng vintage Terra Luna t-shirt ang isang journalist sa Binance Blockchain Week Dubai.
Kaya habang parehong bumabalik sa spotlight ang LUNA at LUNC, hati pa rin ang tingin ng mga traders kung totoong pagbabalik na ito ng ecosystem o sadyang nadala lang ng isa na namang hype at volatility.
