Para sa ilang institutional investors, tinitingnan nilang opportunity ang pag-trade ng ETH na mas mababa sa $2,000 imbes na panganib, kahit pa marami na ang nag-aalala sa paglaki ng mga unrealized loss.
Pumasok na ang ETH sa ika-anim na sunod-sunod na buwan ng pagbaba ng presyo nito. Ito na yung pinakamatagal na losing streak simula noong matinding downtrend ng 2018.
Dinagdagan nina Tom Lee at K3 Capital ang ETH Holdings habang Umaabot sa Record High ang Staking Ratio
Ayon sa Lookonchain, bumili ng malaking volume ng ETH si Tom Lee — founder ng Fundstrat at head ng Bitmine — noong ikatlong linggo ng Pebrero.
Noong February 18 lang, bumili ang Bitmine ng dagdag na 35,000 ETH na nasa $69.37 million ang halaga. Kasama dito ang 20,000 ETH na nagkakahalaga ng $39.8 million mula sa BitGo, at 15,000 ETH na nasa $29.57 million ang halaga mula sa FalconX.
K3 Capital din gumawa ng matinding galaw. Ayon sa data ng OnchainLens, makikita na bumili ang wallet na konektado sa investment fund ng 20,000 ETH na nasa $40.08 million mula sa Binance.
Ipinapakita ng mga malalaking transaksyong ito na todo ang long-term conviction ng mga big players sa ETH kahit bumagsak ito below $2,000.
Base sa data ng CryptoRank, kitang-kita na dumagdag pa ang accumulation ng Ethereum ng mga long-term investors sa gitna ng pagbulusok ng market ngayon.
Samantala, ayon sa data ng CryptoQuant, ang inflow ng ETH sa mga accumulation address nitong nakaraang anim na buwan ang pinaka-aktibo sa buong kasaysayan ng network. Sa data makikita na noong 2018, umabot sa pitong sunod na buwan ang pagbagsak ng ETH bago ito naka-recover.
“Ang mga whale at pinakamalalaking bangko ay bumili at nagbu-build sa ETH. Ito na ang pinakamataas na inflows na nakita namin papunta sa mga whale-accumulation wallet. Habang yung mga retail trader, iniwan na ang ETH at ang dami nang nagsasabi na wala na itong pag-asa. Sawang-sawa at pagod na sila sa halos limang taon na price chop sa loob ng napakalaking range na ‘to.” – Comment ni crypto investor na si Seth sa X.
May bago ring milestone na nangyari. Sa unang pagkakataon mula nagsimula ang Ethereum 11 taon na ang nakalipas, mahigit kalahati na ng total supply ng ETH ang naka-stake na.
Ipinapakita ng on-chain data mula Santiment na mahigit 50% ng supply ng ETH ay nasa Proof-of-Stake (PoS) contract na ngayon.
Gumagana itong contract na parang one-way vault. Dito nilalagay ng mga investors ang kanilang ETH para sa staking na nagsisiguro rin sa network. Yung mga naka-stake na coin, tatanggalin muna sa sirkulasyon at hindi muna puwedeng i-trade.
Patuloy na lumalakas ang staking activity, lalo na tuwing bearish ang market. Habang dumarami ang ETH na naka-lock, nababawasan ang liquid supply nito.
“Kapag mahigit 50% na ng supply ang naka-lock sa staking, lumiit ang liquid supply. Mas konti ang available na coin para i-trade. Dahil dito, bumababa ang sell pressure at nagiging mas sensitive ang market sa bagong demand,” paliwanag ng validator na Everstake sa X.
Nilinaw din ng Everstake na yung 50.18% ay kumakatawan sa total ETH na nasa PoS contract address ng Ethereum, habang yung natitirang 30% ay “active stake”.
Pero base sa huling analysis ng BeInCrypto, hindi pa rin imposible na bumaba pa ang ETH hanggang $1,385 sa short term, kasabay ng pinakamalalang market sentiment sa mga nakaraang taon.
Kahit mangyari yung scenario na negative pa rin ang market, pinapakita pa rin ng on-chain data na patuloy na nagpaposisyon ang malalaking investors at institutions para sa long-term recovery ng ETH.
