Kung titignan mo lang ang Bitcoin price ngayon, parang walang nangyayari. Sa nakaraang 24 oras, halos hindi gumalaw ang presyo — bumaba lang ng 0.2%. Kahit sa buong linggo, halos flat pa rin, kasi nasa 0.7% lang tinaas nito. Tahimik ang market, kaya maraming traders ang nagsasabi na parang naipit lang sa isang range ang galaw ng Bitcoin.
Pero kung sisilipin mo sa likod ng chart, may ilang signal na nagpapakitang hindi ganun kahina ang Bitcoin (BTC) gaya ng iniisip ng iba. Unti-unting nagbabago ang momentum, nababawasan na yung conviction ng mga seller, at tahimik pa ring nagpo-position yung mga malalaking holders. Dahil dito, nananatili ang bullish Bitcoin price predictions ng mga expert tulad ni Tom Lee, kahit wala pang malakas na breakout.
Unti-Unti Nang Gumaganda ang Momentum at Volume Signals
Sa daily chart, makikita na patuloy na iginagalang ng Bitcoin price ang $90,100 level. Solid talaga itong zone na ‘to bilang support kahit pa nagkaroon ng volatility recently; naging base ito at hindi hinayaan bumagsak pa ng matindi kahit hindi pa talaga sumisilipad ang presyo.
Isa sa pinaka-klarong early signal ay galing sa On-Balance Volume (OBV). Ginagamit ang OBV para malaman kung tinatambakan ng volume ang isang asset (ibig sabihin—maraming bumibili) o nilalabasan ng volume (ibig sabihin—maraming nagbebenta). Nakakatulong ito para makita yung mga tagong buying o selling pressure.
Sa pagitan ng December 9 at December 11, habang bumaba ng lower high ang Bitcoin price, nagtala naman ang OBV ng higher high. Ibig sabihin, kahit bumababa ang price, mas active pa rin ang mga buyer na nag-a-accumulate sa likod ng price action.
Gusto mo pa ng insights sa tokens? Pwede kang mag-sign up sa Daily Crypto Newsletter ni Editor Harsh Notariya dito.
Lalo pang lumakas ang signal between December 10 at December 12. Dito, gumawa ng lower low ang Bitcoin price pero ang OBV naman, nagtala ng higher low. Pareho lang ang kwento—pinipilit ng sellers pababa ang presyo pero mahina ang support ng volume.
Kaya magkasama kung magbigay ng signal ang dalawang OBV divergences na ‘to. Ibig sabihin, unti-unting nababawasan ang selling pressure at hindi na lumalakas. Hindi pa dito sure ang breakout, pero kadalasan, ganitong signals ang nauuna bago magkaroon ng malakas na galaw pataas.
May Galawan pa rin ang mga Holder at Whale Kahit Pa Flat ang Presyo
Hindi sapat ang momentum signals lang. Kailangan din tingnan ang on-chain data para kumpirmahin. Yung Holder Net Position Change, ito yung sumusubaybay kung nagdadagdag o nababawasan ng hawak sa Bitcoin yung mga long-term holder. Kapag negative ang reading, ibig sabihin, nagbebenta. Kapag mas kaunti yung negative, nababawasan ang selling pressure.
Noong December 10, nasa 155,999 BTC ang dinidistribute ng mga long-term holder. Pagdating ng December 13, bumaba ito sa around 150,614 BTC. Ibig sabihin, bumaba ng nasa 3.4% ang selling pressure mula sa kanila.
Hindi naman super laki ng pagbabago, pero ramdam pa rin. Walang panic selling sa Bitcoin kahit parang napako ang presyo. Ang nangyayari, mas konti na ang nagbebenta habang nagsta-stabilize yung galaw. Karaniwan, ganito ang ugali ng market kapag consolidation, hindi kapag pabagsak talaga.
Pero pinaka-matinding signal nanggagaling sa mga whales. Yung bilang ng entities na may hawak na at least 1,000 BTC, halos hindi gumagalaw at malapit sa six-month high. Sila yung mga malalaking investors na kadalasan matagal kung mag-hold.
Mula late October, kahit bumagsak at naging sideways ang Bitcoin price, tuloy pa rin ang pag-accumulate ng mga whale. May malinaw na divergence dito: Mahina ang price, pero sunod-sunod pa rin ang pagdagdag ng mga large holders. At kadalasan, may malalim na dahilan sila bakit nag-iipon sila.
Dahil dito, mas naiintindihan kung bakit nananatili ang bullish Bitcoin price predictions ng mga analyst tulad ni Tom Lee.
Hindi lang basta short term candles ang basehan ng prediction na ‘to. Kasama dito ang bawas sa selling, mas magandang volume structure, at tuloy-tuloy na pag-accumulate ng mga whales. Pero siyempre — kailangan pa ring patunayan ng Bitcoin price ito sa actual na galaw.
Anong Price Levels ng Bitcoin ang Magde-decide Kung Babawi ang Bulls?
Para mapatunayan talaga ng Bitcoin ang mga signals na ‘to, kailangan ng price confirmation.
Pinaka-importanteng level pa rin ang $94,600. Kapag nag-close ang daily candle above dito, ibig sabihin tataas ng nasa 5% ang presyo mula current level at mababasag na yung upper boundary ng compression structure. Ito ang magsi-signal na naka-recover na ang buyers at sila na uli ang may control sa short term.
Kapag nabasag ang $94,600, malapit na ang next resistance sa $99,800. Kapag nag-stay sa ibabaw ng level na ‘to si Bitcoin, possible na gumalaw paakyat hanggang $107,500 — syempre depende pa rin kung okay ang market. Kapag nangyari ito, pwede itong maging starting point ng matinding prediction ni Tom Lee na papalo raw ng $180,000 ang Bitcoin, gaya ng nabanggit dati.
Pero kung malalaglag ang presyo ng Bitcoin sa $90,000, may support na malapit sa $89,200. Kung bababa pa lalo, $87,500 na ang susunod na bantayan. Kapag nabutas pa ang mga level na ‘yan, mababasag na ang bullish setup, kahit short term lang.
