Umabot sa 517 na securities trade ang ginawa ng mga account ni President Donald Trump nitong August, na nagkakahalaga ng hanggang $273 million. Isa sa mga binili niya, nangyari lang dalawang araw bago siya pumirma ng bagong policy na sumasaklaw sa industry ng kumpanyang iyon.
Walang batas na sumisita sa kanya, kasi naka-lista lang ang bawat trade bilang value range kaya ‘di natin alam ang eksaktong halaga nito.
Ano ang 5 Pinakakapansin-pansin na August Buys ni Trump?
Meta Platforms ang pinakamalaking trade niya — bumili ang account ng nasa $5 million hanggang $25 million noong August 21, ayon sa CNBC.
Bago ‘yan, bumili rin ang accounts niya ng SpaceX — August 18, nakabili sila ng bonds ng SpaceX na nasa $1 million hanggang $5 million. Ito ay corporate IOUs na may 5.35% balik taon-taon hanggang July 2031.
Dalawang araw matapos ‘yun, pumirma si Trump ng memorandum na ang target, higit 1,000 US launches at reentries kada taon pagsapit ng 2030. Hindi na-mention ang SpaceX doon, pero sila na ang regular na gumagawa ng missions para sa NASA.
Noong August 21 din, bumili pa ang accounts niya ng tag-$1 million hanggang $5 million na shares ng Netflix, Chevron, at AT&T.
Pero hindi lang puro bili ang nangyari noong buwan na ‘yun. Ang kabuuang mga purchases, nasa $44.2 million ang minimum, samantalang umabot naman ng nasa $30.1 million ang sales, kasama na ang hanggang $5 million na shares ng Advanced Micro Devices (AMD).
Paano Nakakapag-Trade nang Aktibo ang Isang Presidenteng Nasa Pwesto?
Walang batas na nagpapabenta ng stocks sa presidente. Yung pinaka-main federal conflict-of-interest law na nag-o-obliga sa ibang opisyal na umiwas sa decisions na may kinalaman sa investments nila, hindi sumasaklaw sa presidente.
Ang requirement sa batas, dapat i-disclose lang. Kailangan i-report ng president ang bawat trade sa Office of Government Ethics (OGE) sa loob ng 45 days, base sa federal ethics law.
Bawal pa rin ang insider trading. Sa 2012 STOCK Act — yung batas na nagbabawal sa officials mag-trade gamit ang internal o di-public na government info — malinaw na kabilang dito ang presidente.
Puwede namang gumamit ng blind trust — dito independent ang manager ng assets at walang alam ang may-ari kung anong nangyayari. Karamihan ng naging presidente simula kay Lyndon Johnson, gumagamit ng blind trust, ayon sa NPR.
Pero sa kaso ni Trump, discretionary accounts ang gamit niya — ibig sabihin, may managers na nagte-trade para sa kanya at wala siyang direct na go signal dito. Na-explain na ng spokesperson ng Trump Organization ang setup nila nitong May.
“Hindi sila binibigyan ng abiso kung may trade, at wala rin silang input kung alin ang mga investment decisions,” ayon sa Axios.
Mas grabe pa ang trading noong mga nakaraang buwan — June at July, lagpas 1,000 trades bawat buwan, at sa isang filing nitong July, na-detect na bumili ng MicroStrategy stock ang accounts bago ito tumaas ng 83%.
Habang nangyayari lahat ito, sinuportahan ni Trump ang proposal na mag-ban ng congressional stock trading na pero exempted siya mismo.
