Nagbabalak mag-demanda ang Bank Policy Institute (BPI), na kumakatawan sa 40 malalaking bangko tulad ng JPMorgan at Goldman Sachs, laban sa Office of the Comptroller of the Currency (OCC) dahil sa pag-apruba nito ng national trust charters para sa mga crypto company.
Ipinadali ng OCC, sa pangunguna ni Jonathan Gould (dating crypto executive at Trump appointee), ang proseso ng pagkuha ng national bank trust charters para sa mga crypto at fintech company.
Bakit importante ‘to:
- Pinuna ng mga bangko na ang mga crypto company na may OCC charter ay naiwasan ang mas mahigpit na supervision at mga kontrol na kinakailangan para sa regular na bangko — nagiging mas risky tuloy para sa mga consumer.
- Kapag nanalo ang kaso, posibleng maapektuhan pati yung naunang approved na charters, tulad ng sa Crypto.com at Ripple.
- Noong late 2024, nag-file na rin ng kaso ang BPI laban sa Federal Reserve tungkol sa stress tests. Pumayag ang Fed na i-update ang rules nila pagkatapos.
Mga detalye:
- Ayon sa ulat ng The Guardian mula sa source na malapit sa lobby, pinag-iisipan talagang mag-demanda ang BPI dahil hindi pinakinggan ng regulator ang paulit-ulit na babala mula sa mga banking group at state regulators kaugnay ng pagbabago nito sa federal licensing rules.
- Noong October, hiniling ng BPI sa OCC na i-reject ang charter application ng Circle, Ripple, at Wise.
- Nakuha ng Crypto.com ang conditional OCC approval nitong Pebrero. Sina Ripple, Circle, Paxos, at Fidelity ay nabigyan din ng parehas na approval noong 2025. Full OCC approval naman ang nakuha ng BitGo noong December 2025.
- Isinubmite ng subsidiary ng Trump-backed World Liberty Financial ang application nito sa OCC nitong January para magtatag ng World Liberty Trust Company, National Association (WLTC).
- Hiniling ni US Senator Elizabeth Warren sa OCC na i-delay ang review ng aplikasyon na ito.
- Kamakailan lang, nag-file din ng sariling charter request ang Zerohash.
Malaking usapan ito kasi:
- Maging ang Conference of State Bank Supervisors at Independent Community Bankers of America ay pumalag din sa desisyon ng OCC na bigyan ng national trust bank charters ang mga crypto company.
- Ipinapakita ng legal na banta na ito ang bihirang direktang sagupaan ng mga pinakamalalaking bangko sa Wall Street at ng regulator.
