Dalawang Democrat ang nagpanukala ng batas ngayon na magbabawal sa pagtaya sa prediction markets para sa mga government action kung saan alam na o hawak ng isang tao ang resulta.
Gawa ito bilang sagot sa mga lumabas na balita kung saan may mga account na naglagay ng malalaking taya ilang oras bago magsimula ang ilang US military operations. Sabi ng mga mambabatas, mukhang may government insider na ginamit ang classified info at tumaya base dito.
Mambabatas Tinututukan ang Pustahan Tuwing Giyera
Pinakilala nina Sen. Chris Murphy (D-Conn.) at Rep. Greg Casar (D-Texas) ang panukala na naglalayong pagbawalan ang pagtaya sa desisyon ng gobyerno at mga national security events.
BET OFF Act ang tawag sa batas na ito, na ang ibig sabihin ay Banning Event Trading on Sensitive Operations and Federal Functions. Kapag naipasa, magbabawal ito ng prediction market bets sa mga government action, terorismo, gyera, assassination, at anumang resulta na kontrolado o alam na ng tumataya.
Nagsimula ang hakbang na ito dahil sa mga report na may malalaking bets bago isang US military operation sa Venezuela at sunod na airstrikes sa Iran.
Sabi ng mga mambabatas, yung timing ng mga taya malakas ang hinala na insider trading dahil mukhang may access sa classified government info ang mga tumaya.
“Mukhang obvious naman ang nangyari. May mga tao sa loob ng White House, o malapit sa White House, na alam yung tatahakin na atake, kumita pa sila dito. Matindi ‘to — corrupt na corrupt at nakakagulat na legal pa rin pala ‘yan,” sabi ni Murphy sa press conference.
Dinitalye pa ni Casar ang nangyari, lalo na tungkol sa mga prediction market bets na nangyari ilang oras bago umatake ang US at Israel sa Iran.
Insider Kumikita ng $500K sa Pustahan Tungkol sa Attack sa Iran
Noong araw bago nagsimula ang pag-atake ng US sa Iran, may mga specific bets na tinaya. Karamihan sa mga account, doon din lang ginawa sa parehong araw na tumaya sila.
Ayon sa data ni Casar, nasa 150 na account ang naglagay ng sinasabi niyang “super unusual na bets” sa Polymarket.
Sa mga account na ito, 109 ang naglagay ng higit $10,000 na taya. May 16 na naglagay ng mahigit $100,000, habang isang tao ay halos $500,000 ang tinaya.
“Kalahating milyon dollar ang kinita sa pagtaya kung kailan magsisimula ang gyera na gumastos ng bilyon-bilyong pera ng taxpayers, buhay ng higit isang dosenang US soldiers, at di na mabilang na civilians. Habang yung mga anak ng working-class pinapadala para makipaggyera at madisgrasya, meron namang iba na yumaman pa,” sabi ni Casar sa press conference.
Parehong binanatan ng dalawang kongresista ang Trump administration sa hype sa prediction markets. Pinagbintangan nila ang pamilya ng presidente na pinapalakas pa ang ganitong gawain.
“Alam na alam naman natin, gaya ng ibang corruption sa Washington, D.C., may parte din dito yung Trump family,” dagdag pa ni Casar.
Pinuntirya niya lalo si Donald Trump Jr. na investor sa Polymarket at paid advisor sa Kalshi. Nilinaw din niya ang tungkol sa Truth Predict, yung pinakabagong crypto project ng Trump family na prediction market ang galawan.
