Bumalik ulit sa ibabaw ng $93,000 ang Bitcoin nitong Lunes matapos lumabas ang pinakabagong US inflation data na nagpapakitang kontrolado pa rin ang pagtaas ng presyo. Mukhang bumabalik na ang risk appetite ng mga trader matapos ang mga linggo ng bentahan na dulot ng ETF.
Pinalabas ng Consumer Price Index na tuloy-tuloy pero kalmado lang ang pagtaas ng inflation. Hindi na sobra ang pagmahal ng mga bilihin, pero hindi rin naman bagsak. Dahil dyan, mas maliit ngayon ang chance na itaas pa ng Federal Reserve ang interest rate, kaya nagiging matibay ulit ang mga asset na malakas kapag stable ang pag-ikot ng pera, kasama na ang Bitcoin.
US CPI Data Pinakalma ang Market, Nagbigay ng Lakas sa Risk Assets
Ayon sa CPI report, nasa 2.7% ang inflation year-over-year. Ibig sabihin, tumataas pa rin ang presyo pero mas mabagal na kumpara noong matinding inflation shock ng 2022 at 2023.
Para sa mga pamilya, ibig sabihin nito mataas pa rin ang gastusin pero hindi na kasing bilis ng dati ang pagmahal ng mga bilihin.
Para naman sa merkado, nagpapakita ito na kayang panatilihin ng Federal Reserve ang interest rates imbes na dagdagan pa.
Kadalasan, pabor sa risk assets ang ganitong setup. Kapag stable lang ang inflation—hindi biglang taas, hindi biglang baba—mas kampante ang mga investor na mag-hold ng stocks at crypto.
Agad na nag-react ang Bitcoin. Mula sa $90,000 kaninang umaga, mas lalong tumaas ang presyo dahil nabawasan ang takot na magtaas muli ng rate ang gobyerno.
Pagbalik ng Bitcoin, Hindi Lang Dahil sa Macro Relief—May Iba pang Rason
Hindi lang CPI data ang nagtulak sa Bitcoin. Kasabay nito, nagsimula na ring mag-stabilize ang Bitcoin pagkatapos ng matinding pag-reset na dulot ng ETF outflows.
Noong January, umabot sa mahigit $6 billion ang lumabas sa US spot Bitcoin ETFs. Karamihan nito ay galing sa mga bumili noong October na naipit nang bumagsak ang presyo.
Pero ngayon, nababawasan na ang mga outflow. Halos nagtetrade na ang Bitcoin sa average cost ng mga ETF na nasa $86,000. Madalas nagiging support ang level na ‘yan kapag naitapon na ng mga mahihinang kamay ang kanilang hawak.
Base sa Coinbase Premium Index, mahina pa rin ang bilihan sa US. Ibig sabihin, umatras muna ang mga malalaking institusyon pagkatapos ng ETF sell-off.
Kahit ganun, nanatili sa range ang Bitcoin kahit marami pa rin ang supply na nilalagay sa exchanges. Ang ibig sabihin nito, sinasalo ng mga global buyer ang mga binabagsak ng ETF holders.
Mababalik Ba Agad sa $100K?
Nagkakaroon na ng suporta ang Bitcoin sa bandang $88,000 hanggang $92,000. Tinanggal na ng CPI data ang isang malaking macro risk, at kitang-kita rin sa on-chain at ETF data na halos tapos na ang reset phase.
Kung tuluyang mag-stabilize ang ETF flows at bumalik ang mga US buyer, puwedeng bawiin ng Bitcoin ang $95,000 sa short term. Mas lalong tataas ang chance na makabalik ito sa $100,000 sa mga susunod na buwan kung lalakas pa ang demand.
Sa ngayon, lalong tumibay ang senyales na nasa pahinga lang ang Bitcoin at mukhang naghahanda na para sa susunod na big move pataas—hindi pa ito simula ng bagong bear market.
