Papasok ang Bitcoin price sa isa sa pinaka-importanteng linggo para sa macro news ngayong first quarter, na-trade sa paligid ng $66,000. Bahagya itong bumaba habang ramdam ang hina ng kumpiyansa ng market, manipis na liquidity, at mga nangyayaring geopolitical issues.
Matapos ang napakaraming sunod-sunod na mas mababang high, at matapos mag-record ang Bitcoin ng pinakamahinang simula ng taon sa kasaysayan nito, naghahanap ngayon ang mga traders ng malaking indikasyon mula sa US economic data—pwedeng ito yung magbago ng expectations sa Federal Reserve (Fed) rate cuts, at direksyon ng crypto market.
US Economic Data Mag-aapekto sa Galaw ng Bitcoin Price Ngayong Linggo
Nasa ibaba ang limang pinaka-importanteng report na pwedeng magbago ng Bitcoin sentiment ngayong linggo.
Manufacturing PMI
Nagsisimula ang linggo sa S&P Global Manufacturing PMI para sa February at sa lagi pinag-uusapang ISM Manufacturing PMI.
Karamihan sa analysts ay nagaabang ng readings na nasa 51.2 para sa S&P at 52.0–52.3 para sa ISM, kasunod ng January na nagulat ang lahat nang umangat ito sa 52.6—pinakamalakas na expansion mula 2022.
Pwedeng maapektuhan dito ang Bitcoin. Kapag tumaas pa sa 52.5 ang reading, lalo na pag lumakas pa ang new orders at production, mas lalakas ang narrative na “matibay pa rin ang economy.”
Sa ganyang senaryo, madalas na natatagalan ang Fed sa pag-cut ng rates, tumataas ang Treasury yields at U.S. dollar, at nabibigatan ang assets na walang yield tulad ng BTC.
Pero kung bumagsak papalapit sa 50—ang threshold kung saan contraction na ang usapan—magkakaroon ng expectations ng mas maagang pagluwag ng policy. Nakita na natin dati, kapag contraction ang nilabas na report kasabay ng mahinang Bitcoin positioning, nagkakaroon ng matinding upside reversal.
“ISM above 50 ay bullish para sa markets,” sabi ng analyst na si Bull Theory.
Kahit hindi manufacturing ang pinakamalaking sektor ng US economy, itong PMI report ang unang magbibigay ng ehemplo ng volatility para sa buong March.
Nagpapakita ang ADP Employment ng Masikip na Labor Market
Samantala, ngayong Wednesday, lalabas ang ADP Employment Change report. Ito ang unang malakas na labor data para sa February. Nagaabang ang mga analysts ng mga nasa 50,000 na bagong private-sector jobs, mas mataas kaysa sa 22,000 na naitala nitong January.
Kadalasan, parang preview ang ADP para sa Non-Farm Payrolls (NFP) na lalabas tuwing Friday. Kaya kung may malaking deviation, mabilis magreact ang mga traders. Kung malakas ang number, like above 60,000–75,000, lumalabas na matibay ang trabaho sa US at tumitibay yung “higher for longer” na stance ng Fed. Tataas ang yields at dollar, at usual na bumababa ang Bitcoin.
Kabaliktaran naman, kung sobrang mahina ang reading, lalo na kung below 40,000, babalik yung narrative ng liquidity. Kapag nakita ang medyo humihinang labor market, tataas ang expectations para sa rate cut sa mga susunod na buwan—at historically, okay ito para sa risk assets at crypto.
Sa ngayon, pricing ng market ay mga two to three Fed rate cuts sa 2026, pero kahit kaunting surpresa sa data, pwedeng maiba ang positions ng traders.
Services PMI
Sa kalagitnaan ng Wednesday, lilipat naman ang atensyon ng market sa service sector — kasabay ng labas ng S&P Services PMI at ISM Services PMI report.
Inaasahan na nasa 52.3–53.5 ang range nito, nagpapakita ng steady growth. Sa January, umabot sa 53.8 ang ISM Services reading.
Since halos lahat ng economic activity sa US ay nasa services, mas mabigat ang epekto ng report na ito kumpara sa manufacturing.
Kung malakas ang resulta ng services kasabay ng solid employment number, lalakas lalo yung view na matatag ang economy. Dahil dito, mababawasan ang chance ng mabilis na rate cuts at napipilitan ang BTC na bumaba.
Pero kapag lumabas na mahina ang demand o labor, mabilis magbago ang kwento. Sobrang sensitibo ng market kahit sa kaunting biglang pagbagal ng growth momentum.
Kapag sabay lumampas sa expectations ang weakness sa ADP at services PMI, mas lalaki ang dovish bets at posibleng magkaroon ng relief rally ang Bitcoin papunta sa $70,000 psychological level.
Mga Bagong Jobless Claims sa US
Lalabas ngayong Thursday ang Initial Jobless Claims ng US, na inaasahan nasa 215,000 kumpara sa 212,000 nung nakaraan. Madalas ginagamit ang data na ito bilang mabilisang panukat kung gaano kalakas o kahina ang job market.
Kahit mas madalas na nababaling ang atensyon sa NFP report, malaki pa rin ang epekto ng claims na ‘to sa expectations kapag malapit na ang headline data ng Friday.
Noong nakaraang linggo, mas mababa sa inaasahan ang lumabas na claims kaya mas kitang-kita ang sikip ng job market — sakto ring bumaba ang presyo ng BTC sa ilalim ng $68,000.
Kapag patuloy na mababa ang claims, mas lalakas ang posisyon na hawkish pa rin ang Fed: mahigpit na job market kaya walang madaliang dahilan para magbaba ng interest rate.
Pero kung biglang tataas ang claims, mas magiging supportado ang kwento na lumalamig na ang ekonomiya, pwedeng lumuwag ang yield pressure, at magbigay ng short term na suporta sa crypto.
Dahil malapit ito sa NFP release, pwedeng patunayan ng Thursday data ang mga naunang senyales, o magdulot ng bagong uncertainty sa market.
Non-Farm Payrolls: Lumabas na Resulta, Apektado Ba ang Crypto Market?
Ang US Employment Report sa Friday ang pinaka-hinihintay ngayong linggo at malaki ang epekto nito sa market. Sinasabing nasa 54,000 lang ang bagong trabaho ngayong February — malayo sa 130,000 na naitala noong January.
Inaasahang nasa 4.3% ang unemployment rate, tapos magdadagdag ng 0.3% ang hourly wages month-over-month. Para sa Bitcoin, solid paring game-changer ang NFP tuwing macro events.
Kapag mataas ang labas ng jobs data, like lagpas 80,000 at strong pa rin ang wage growth, more likely isipin ng market na hindi pa rin magbababa ng rates agad ang Fed dahil matibay pa ang ekonomiya.
Possible mag-spike ang yields, lumakas ang dollar, at baka itest ng BTC ang lower support area sa bandang $62,000 hanggang $59,000.
Pero kung sobrang hina ng report—mababa pa sa 40,000 jobs o tumaas pa ang unemployment, posibleng dumami ang nag-e-expect ng rate cut at mauwi sa rally sa markets dahil sa dagdag liquidity.
Ngayon na fragile ang sentiment at below resistance pa ang Bitcoin sa $72,000 hanggang $75,000, pwede talagang madikta ng data ngayong linggo ang galaw ng market ngayong March.
