Umabot sa 52.6 ang US ISM Manufacturing Purchasing Managers Index (PMI) nitong January 2026, at unang beses ulit na lumampas sa critical na 50 level matapos ang isang taon.
Ibig sabihin nito, mula sa pagliit, expansion na ulit ang galaw ng manufacturing sector. Ngayon, pinag-aaralan na ng mga investor at analyst kung may koneksyon ba ang galaw ng manufacturing PMI at mga cycle ng presyo ng Bitcoin.
US PMI Nabawi ang Expansion Threshold Matapos ang Isang Taon na Lutang
Isa ang US ISM Manufacturing PMI sa mga pinaka-sinusubaybayan na economic indicator na nagbibigay ng mabilis na snapshot tungkol sa lagay ng US manufacturing sector. Ang index na ito ay nilalabas ng Institute for Supply Management (ISM).
Nagbabase ito sa mga survey ng mga purchasing manager sa buong US. Sila yung nagre-report kung may mga pagbabago sa new orders, level ng production, employment, supplier deliveries, at inventories kaya real-time din ang insights sa takbo ng mga factory.
Gumagamit ang PMI ng scale na 0 hanggang 100. Kapag lumampas sa 50, sign ito ng lumalakas na manufacturing activity. Kapag bumaba sa 50, ibig sabihin humihina o lumiit ang sektor.
Noong January 2026, lumampas sa expectations ang ISM Manufacturing PMI at tumaas sa 52.6 mula 47.9 noong December 2025. Ito na yung pinakamalakas na reading mula August 2022 at hudyat na balik expansion na ang sektor matapos halos isang taong contraction.
First time din ito na umakyat ulit ang index sa ibabaw ng 50 threshold simula January 2025. Yung 4.6-point na pagtaas, kita agad ang matinding pagbabago ng sentiment sa manufacturing sector nila.
Anong Ibig Sabihin ng Pagtaas ng Manufacturing PMI Para sa Bitcoin?
Dahil dito sa latest na rebound ng US Manufacturing PMI, mas naging optimistic lalo ang crypto community. Pero ang tanong—bakit nga ba? Sabi ng mga analyst, madalas daw magkasabay ang expansion ng PMI at mga major rally ng Bitcoin.
Kwento ng crypto trader na si Michaël van de Poppe, kadalasan nag-uumpisa ang mga bull market ng Bitcoin at iba pang crypto kapag nasa ibabaw ng 50 ang PMI.
Ngayon na balik expansion na ang index, nagsa-suggest siya na puwede ulit magbigay ang macro conditions ng matagalang lakas para sa digital asset market.
“Yung mga previous bull market ng Bitcoin at crypto nangyari nung nasa ibabaw ng 50. Galing tayo sa pinakamatagal na panahon <50 pero walang recession. Panahon na para mag-shine si Bitcoin. Mas malapit na tayo sa end ng bear market," sabi niya.
May dagdag pa si crypto analyst TheRealPlanC, na dapat daw tignan ang Bitcoin hindi lang sa luma nang four-year halving cycle, kundi sa mas malawak na macro at business cycle framework.
“Kung hindi mo ia-upgrade ang pag-intindi mo sa Bitcoin cycle mula sa four-year halving illusion papuntang business cycle / macro mindset… Malalagpasan mo ang pangalawang malaking wave ng bull market ng Bitcoin!” basahin ang post niya dito.
Manufacturing PMI: Indicator Para sa Monetary Policy, ‘Di Diretso Makaka-apekto sa Bitcoin
Pero may ibang analyst na nagre-remind na hindi automatic na nagpapa-galaw ng presyo ng Bitcoin ang pagtaas ng PMI. Sabi ni Brett, mas nagpapakita ang index ng mga posibleng pagbabago sa monetary policy sa hinaharap. Importante daw maintindihan ang difference na ‘to para hindi sumablay ang expectations sa crypto market.
“Hindi 1:1 indikasyon ang ISM para sa Bitcoin. Mas accurate itong indicator ng future na galaw ng Fed policies,” banggit niya.
Dagdag pa ni Brett, bullish nga ito generally para sa ekonomiya pero meron ding importanteng dapat bantayan ang market. Kapag malakas ang ISM, hindi nagmamadali ang Federal Reserve na magbaba ng interest rates.
Kung titignan ang kasaysayan, kapag nasa expansion ang ISM, mas malaki chance na mag-pause o magtaas pa ng rates ang Fed imbes na mag-cut agad. Mataas na interest rates kadalasan hindi maganda sa crypto market, kasi mas humihigpit ang liquidity at nababawasan ang risk appetite para sa mga assets tulad ng Bitcoin.
Pinunto din ng analyst na may ilang historical na pagkakataon na nagkahiwalay ang galaw ng Bitcoin at ng index. Gaya ng mula 2014 to 2015 at 2018 to 2019, nasa 52 hanggang 59 ang ISM pero pumasok pa rin ang Bitcoin sa mahahabang bear market.
Baliktad naman noong 2023 hanggang 2025, kahit halos dalawang taon na below 50 ang ISM, sobrang taas—mga 700%—ang nilipad ng Bitcoin.
Dahil hati pa rin ang pananaw, susi ang mga susunod na buwan kung talagang magtutuloy ang pag-angat ng US manufacturing sector at magtutulak ng sustained na Bitcoin recovery, o magiging macro signal lang na maliit ang epekto sa galaw ng crypto prices.
