Nagiging pangunahing risk ang pagpapahina ng labor market sa US para sa crypto pagpatak ng Disyembre at maagang bahagi ng 2026. Patuloy na dumarami ang layoffs, bumabagal ang pag-hire, at humihina ang kumpiyansa ng mga consumer na nagpapalala ng inaasahan sa pagputol ng rate ng Federal Reserve.
Posibleng mas maapektuhan ng shift na ito ang Bitcoin at Ethereum kumpara sa equities dahil sa mahina ang liquidity sa mga digital assets.
Pagtaas ng Stress sa Labour Market, Dagdag Pressure sa Fed
Tumaas ang mga anunsyo ng layoffs noong Oktubre na umabot sa kanilang pinakamataas na level mula 2003. Maraming mga malalaking kumpanya ang nagbawas ng trabaho o nag-freeze ng pag-hire sanhi ng gastos sa tariffs, restructuring sa AI, at hindi siguraduradong sitwasyon post-shutdown.
Bumaba rin ang kumpiyansa ng mga consumer noong Nobyembre dahil sa lumalalang job insecurity.
Sa kabila ng mga pressure na ito, mababa pa rin ang weekly jobless claims. Ipinapakita ng market ang mixed na larawan na palatandaan na lumalambot ang ekonomiya ngunit hindi pa bumabagsak.
Dahil dito, inaasahan ng mga trader ang 25-basis-point cut sa rate meeting sa Disyembre. Nakaakma na ang futures markets para sa malaking easing pagdating ng 2026.
Ang rate cut sa Disyembre ay magiging malaking pagbabago mula sa dating posisyon ng Fed na “higher for longer.” Senyales ito na tinutugunan ng central bank ang kahinaan sa labor market bago pa kumalat ang mas malawak na pinsala.
Crypto Markets Sobrang Apetito sa Liquidity Signals
Nasa manipis na liquidity pa rin ang Bitcoin at Ethereum matapos ang liquidation shock noong Oktubre 10. Bawas ang risk inventories ng market makers, dahilan para maging mababaw ang order books.
Binansagan ni Tom Lee na ang market ay “pilay” ng anim na linggo dahil sa nasirang liquidity capacity.
Nakakaapekto ito sa galaw ng merkado. Kapag manipis ang liquidity, karaniwang mas mabilis na gumalaw ang crypto kaysa equities sa mga pagbabago sa inaasahang interest-rate.
Malinaw ito noong Nobyembre, kung saan ang ETF outflows at selling pressure ay nagbunsod ng pagbulusok ng Bitcoin ng halos 30% mula sa peak nito noong Oktubre.
Pumapakita naman ngayon ang mga on-chain metrics ng unti-unting pag-stabilize. Ang 90-day Taker CVD ay umusad mula sa tuloy-tuloy na pagbebenta patungo sa neutral, tanda ng pagkahapo ng mga seller.
Sa parehong oras, imbes na ibenta, ginagamit ng mga users ang Bitcoin bilang kolateral, na binabawasan ang agarang pressure sa supply pero tinataas naman ang panganib ng latent liquidation.
December Rally Mukhang Posible Pero ‘Di Sigurado
Mababawasan ng rate cut sa Disyembre ang real yields at magdadagdag ng liquidity sa risk assets. Karaniwang tumataas ang Bitcoin sa ganitong kondisyon, lalo na pagkatapos ng malalim na pagbagsak.
Ilang mga metric na ang nagpapakita ng pagbuti ng momentum. Umangat mula 11 patungong 22 ang Fear and Greed Index readings. Pumalo naman pataas ng 60 ang average crypto RSI matapos makaabot sa oversold levels noong mas maaga sa buwan. Pati MACD ay naging positibo na rin.
Gayunpaman, nananatiling hindi tiyak ang data sa ETF flow. Noong Nobyembre, malalaking outflows ang naganap, pero may mga paunang pagpasok na nakikita nitong mga nakaraang araw.
Kapag bumalik muli ang demand sa ETF, maaring lumakas ang galaw pataas dahil sa manipis na liquidity. Kung magpapatuloy ang outflows, maaring bumalik ang merkado sa mga naunang low levels.
Ang mga macro signal ang maghahari sa crypto patungo sa year-end. Maaring mag-trigger ang dovish na posisyon ng Fed ng rally na katulad nito noong 2023.
Kung maging hawkish naman ang tono, baka masapawan ang kasalukuyang recovery at palakasin ang bearish trend na nakita noong Nobyembre.
January 2026: Mas Malaki Ang Risk ng Volatility
Kahit magka-rally ang crypto sa Disyembre, nananatiling hindi tiyak ang Enero. Ang pinagsamang ulat ng empleyo ng Oktubre–Nobyembre ay darating sa Disyembre 16. Maaring kumpirmahin ng report na ito ang mas malalim na stress sa labor na ‘di pa nakikita sa weekly data.
Kung bumilis ang layoffs pagdating ng Enero, maaring humina ang risk assets. Maaring ituring ng merkado ang paglala sa labor bilang tanda ng recession.
Sa ganitong sitwasyon, baka hindi sapat ang rate cuts para makabawi sa malawak na risk aversion. Madalas unang naaapektuhan ang Bitcoin sa ganitong kalagayan dahil sa liquidity profile nito.
Sa kabilang dako, kung ipakita ng report ang katamtamang lambot na may stable na paglago ng sahod, maaring mag-price ang merkado ng kontroladong slowdown.
Makatutulong ito sa pagpapatuloy ng anumang rally sa Disyembre patungo sa early 2026. Anuman ang mangyari, ang liquidity condition ang mag-gagabay sa laki ng price swings.
Sa pagbuti ng momentum at manipis na liquidity, nananatiling ready ang merkado para sa matinding pagkilos. Ang direksyon nito ay depende sa kung paano tutugon ang Federal Reserve sa lumalaking pressure sa labor-market at kung paano ito ipapakahulugan ng mga investor sa mga susunod na linggo.
