Isang di-kilalang Solana token na tinatawag na “US Oil” (USOR) ang biglang lumipad ng mahigit 150% sa loob lang ng 24 oras nitong Lunes, at umabot pa ang market cap nito sa mahigit $40 milyon. Nangyari ito habang maraming traders ang biglang sumabay sa balita na nagbebenta na ang US ng mga oil blocks mula Venezuela.
Nagtrending ang token na ito sa CoinGecko kahit maraming on-chain analyst at traders na nagbabala na nagpapakita ito ng mga classic na galaw ng speculative pump.
Geopolitics Ginawang Trading Meme—Pwede Nang I-trade
Nangyari ang pagtaas ng presyo na ito kasabay ng mainit na usapan sa oil sa international scene. Ayon sa mga ulat, ngayon araw nagsimula na umanong ibenta ng Washington ang mga kinumpiskang oil assets ng Venezuela.
Mukhang pati crypto market ay nadala ng macro news na ito, dahil biglang kinabit ng traders ang political narrative sa USOR kahit wala naman talagang pruweba na konektado ito sa government oil reserves.
Nung kainitan ng hype, pumalo ang USOR sa mahigit $0.04 ang presyo at halos $20 milyon ang daily trading volume.
Naging halos tuwid ang price chart paakyat, at marami sa mga trader ang nagsabing parang hindi normal ang ganitong pattern.
Nasa Solana ecosystem umiikot ang USOR market, at karamihan ng trading ay nangyayari sa mga decentralized platform tulad ng Meteora. Naglagay pa ng “suspicious chart” warning ang ilang charting sites dahil sabay-sabay ang biglang taas ng volume at price.
Ayon sa website ng proyekto, gawa daw ang USOR bilang “on-chain reserve index” na kunwari ay nire-representa ang US oil reserves—pinopromote nila ito bilang oil-backed, US-aligned, at transparent sa publiko.
Pero, wala namang ipinapakitang kahit anong konkretong ebidensya ang site tungkol sa custody, legal na basehan, o kahit link sa official infrastructure ng US oil reserve.
Umaandar din ang tsismis na baka insider move lang ang token na ‘to, kasi dito rin ito nag-launch sa parehong platform ng TRUMP meme coin— ang Meteora.
Usap-Usapan ang Viral Charts, Kakaunti ang Prueba, Dumadami ang Red Flags
Samantala, hati ang opinyon ng crypto Twitter tungkol dito.
May ilang crypto traders na nagsasabi na gawa-gawa lang ang narrative para mapasabay ang real-world na balita—may coordinated promo, naglalakihang wallet na sabay-sabay gumagalaw, at walang halos organic na pagbili.
May iba naman na nagbabala na sobrang hawig ng branding ng token sa geopolitical events at baka gamitin pala for rug pull.
May isang post na viral na nagsasabing ang USOR ay “on-chain exposure” daw sa oil reserves ng Venezuela, kahit wala namang kumpirmasyon galing sa US authorities o energy agencies.
Marami ring analyst ang nagsabing halos kapareho ito ng ibang political meme coins—lumipad pagkatapos magkaroon ng malaking headline, tapos biglang bagsak.
Ayon sa on-chain data na shinare ng independent trackers, nakakalat lang sa iilang wallets ang supply ng token.
Ipinakita pa sa bubble map na trending sa X na magka-koneksyon ang mga top holders, kaya marami ang nag-aalala na baka centralized lang at malaki ang risk na maipit ang mga huling pumasok sa trade.
Sa kabuuan, isa na namang example ang USOR kung gaano kabilis nadadala sa hype ng macro at political news ang crypto market.
Habang tina-try ng US ayusin ang strategy nito sa Venezuela oil, mukhang marami sa crypto market ang eager i-trade ang narrative—kahit walang matinding ebidensya.
Kung meme coin lang na panandalian o talagang may potential ang USOR, hindi pa malinaw. Pero ang sigurado, mauuna pa rin ang mga traders mag-buy at sell sa anumang bago at trending na kuwento—kahit tumitindi na ang mga babala na baka kwento lang talaga ito.
