Bumagsak uli ng 2% ang presyo ng gold nitong Lunes. Nasa paligid na ito ng $4,400 na huling naabot noong late 2025. Sa matinding selloff nitong tatlong linggo, nabura lahat ng gains ng gold ngayong 2026.
Hindi lang oil market ang nagulantang dahil sa Iran war — nagulo rin ang mga dahilan kung bakit tuloy-tuloy ang pag-akyat ng gold dati.
Nag-iba ang Galawan Dahil sa Oil Shock
Safe haven daw ang gold, kaya madalas itong bilhin ng investors kapag risky at magulo ang mundo. Pero ngayong may oil shock dahil sa giyera, nagbago ang takbo ng market.
Pinalalala ng sobrang taas ng presyo ng oil ang inflation sa iba’t ibang bansa. Inaasahan dati na magcu-cut ng interest rates ang mga central bank ngayong taon, pero ngayon hindi na sila gagalaw — at yung iba, baka magtaas pa. Kung mataas ang rates, mas malaki ang kita sa bonds. Ang gold kasi walang binibigay na kita, kaya nawawala ang appeal nito kumpara sa bonds.
Lumakas din ang US dollar mula nang magsimula ang giyera. Dollar ang gamit sa presyo ng gold, kaya kapag mas malakas ang dollar, mas mahal bilhin ang gold para sa mga buyer na hindi dollars ang gamit. Dahil dito, nababawasan ang demand sa ibang bansa at lalong bumababa ang presyo nito.
May isa pang problema: momentum. Umakyat ng 64% ang gold noong 2025 at umabot pa ng $5,000 for the first time nitong January. Dahil dito, maraming speculators at mga mabilis mag-trade ang sumali. Pero nung nagbago ang sentiment, bigla silang nagbentahan nang sabay-sabay — at yun ang nangyari ngayon.
Anong Sabi ng Chart sa mga Trader?
Walong sunod-sunod na araw nang bagsak ang gold. Nakaabot na sa 12% ang weekly loss nito at yung yearly gain, halos mabura na rin — mababa na sa 2%.
Noong Lunes, nagkaroon ng mabilis na bounce pataas ng $4,500 pero hindi tumagal at bumalik agad sa ilalim ng $4,400 pagkalipas ng ilang oras. Bumaba pa sa 30 ang RSI, na isa nang signal na oversold na ang gold. Yung ibang traders, nakikita ito bilang opportunity para bumili, pero yung iba, parang babala raw ito lalo na kung tuloy pa ang pagbagsak.
Malaking bagay na ngayon ang $4,300 zone bilang suporta. Kapag nabasag pa ito, puwedeng mas mabilis lumala ang selloff. Hanggang ngayon, marami pa ring forecast sa Wall Street na aangat uli sa lagpas $5,000 ang gold bago matapos ang taon, pero simula na ring baguhin at i-review nang tahimik ang mga prediction na ito.
