Itinanggi ng WhiteBIT ang mga paratang ng Russia, kung saan sinabing tinulungan daw nila ang illegal na paglipat ng pondo palabas ng Russia para pondohan ang military ng Ukraine.
Sinabi ng Ukrainian crypto exchange na matagal na silang tumigil sa operasyon sa Russia simula nang sumiklab ang giyera ng dalawang bansa.
Dineny ng WhiteBIT ang Paratang ng Russia
Sa official statement ng WhiteBIT, tinutulan nila ang ban ng Russia at nilinaw na completely nilang itinigil ang operation sa bansa kasunod ng paglusob ng Russia sa Ukraine.
“Simula nang nag full-scale invasion ang Russia sa Ukraine noong 2022, tumindig ang WhiteBIT: ni-block nila lahat ng users mula Russia at Belarus, at tinanggal ang mga trading pair gamit ang Russian ruble,” sabi ng statement.
Dagdag pa ng centralized exchange, malaki ang naging epekto ng desisyong ito dahil nabawasan ng nasa 30% ang user base nila noon.
Lumabas ang mga paglilinaw na ito ilang araw matapos i-ban ng Prosecutor General ng Russia ang WhiteBIT, na tinawag pa silang “undesirable organization.”
Nangyari ito pagkatapos magbato ng paratang ang Russia na tumulong daw ang exchange sa illegal na paglilipat ng pondo palabas ng bansa at pinondohan ang military ng Ukraine.
Mga Nilipat na Fund, Pinaikot Daw Bilang ‘Donation’
Inakusahan pa ng Russian authorities ang management ng WhiteBIT na naglipat daw ng nasa $11 million papuntang Ukraine simula 2022. Nilinaw ng WhiteBIT na hindi galing sa loob ng Russia ang mga pondo na ito.
“Sa apat na taon ng full-scale na giyera, nag-donate ng nasa 11 million USD ang WhiteBIT mula sa sariling pondo nila para suportahan ang defense forces at humanitarian projects sa Ukraine,” pahayag ng kumpanya.
Bukod pa sa pondo, sinasabi rin ng Russian officials na nagbigay raw ng technical support ang WhiteBIT sa UNITED24, isang crypto donation platform na sinusuportahan ng Ukrainian government.
Kumpirma ng WhiteBIT na may collaboration sila sa UNITED24 sa pamamagitan ng Whitepay, isang crypto-processing service na tumutulong magproseso ng crypto donations para sa UNITED24 at iba pang humanitarian foundation sa Ukraine.
“Sa kabuuan, nakatulong ang WhiteBIT at Whitepay para mag-generate ng mahigit 160 million USD na crypto donations, at napunta ito sa humanitarian at defense fundraising,” sabi ng statement nila.
Dagdag pa ng exchange, kahit umatras sila sa Russia at nabawasan ang mga user, mas tumibay daw ang negosyo nila at lumaki nang higit walong beses.
Pina-bilis ng Ukraine ang Paggamit ng Crypto Habang May Giyera
Matagal nang nauna ang Ukraine pagdating sa paggamit ng crypto, pero lalo pang bumilis ang adoption pagkatapos lusubin ng Russia ang bansa.
Mas dumami ang gumagamit ng crypto para sa fundraising at donations dahil mas mabilis at mas madali siya para makapagpadala ng tulong sa mga nangangailangan. Nagsimula na ang shift na ‘to kahit bago pa ang full-scale invasion ng Russia sa Ukraine.
Ayon sa ulat ng Elliptic, gumamit ng crypto wallet ang mga Ukrainian NGOs at volunteer groups para tumanggap ng donasyon, umabot ito ng nasa $570,000 noong 2021 pa lang.
Pagsapit ng Pebrero 2022, pinasa na ng Ukrainian parliament yung batas na nagpapalegal sa cryptocurrencies.
Pagkalipas ng isang taon mula nang salakayin ng Russia ang Ukraine, tumaas ng halos 122x ang bilang ng donations. Sa 2023 Chainalysis report, lumabas na malapit na sa $70 million ang na-donate sa mga address ng Ukraine government.
Malawak pa rin ang paggamit ng cryptocurrency sa Ukraine. Kahit may basic na batas nang nagpapalegal ng digital assets, tinatrabaho pa rin ng mga authorities ang mas konkreto na regulation at tax framework.
