Ang Story (IP) ay isang Layer-1 blockchain na ginawa talaga para dalhin ang intellectual property (IP) on-chain at gawing programmable asset. Noong early 2026, nagpakitang-gilas ang IP token sa solid na recovery. Dumoble ang presyo nito mula sa local low na halos $1.50, umabot pa ito sa taas ng $3.00.
Anong dahilan ng mabilis na pag-angat na ‘to? At sapat ba ang lakas nito para magtuloy-tuloy pa sa mga susunod na buwan?
Pinapaakyat ng Korean Traders ang IP
Base sa trading data, mukhang mga trader sa South Korea ang may pinakamalaking ambag sa matinding pagtaas ng presyo ng IP.
Sa data ng CoinGecko, lumampas ng $300 million ang daily trading volume ng IP nitong January 13. Ito na ang pinakamataas mula noong nagkaroon ng matinding sell-off nitong October 2025, kung saan bumagsak nang higit 80% ang IP sa isang araw.
Sa Upbit pa lang, mahigit 47% na agad ng total trading volume ang galing dito. Ang Upbit ay isa sa pinakamalaki na crypto exchanges sa South Korea. Pinapakita lang nito na ang mga Korean trader talaga ang pangunahing nagsusulong ng rally ng IP.
Sa Upbit din, ang IP/KRW pair ay nagrepresenta ng mahigit 12% ng lahat ng trading activity. Pumangalawa lang ito sa XRP/KRW.
Pumapabor ‘to sa ideya na mostly galing sa regional demand (lalo na sa South Korea) ang pagtaas ng presyo — hindi pa ito totally global adoption.
May mga analyst din na nagsasabi na may involvement ang mga whale sa rally na ‘to.
“Malupit ang pag-angat ng Story Protocol ngayong linggo. Umabot ng higit 30% ang taas at sumigla ang IP dahil sa pagbuhay ng narrative. Sunod-sunod ang trading volume pagpasok ng mga bagong investor at mga whale,” ayon kay Investor Sjuul | AltCryptoGems sa X.
Walang Breakout na Pinapakita ng IP User Data
Kahit na sumipa ang presyo, iba pa rin ang kwento sa on-chain data. Halos walang matibay na fundamental support ang rally ngayon.
Sa data mula sa Storyscan, hindi halos gumagalaw ang dami ng active accounts sa Story network nitong mga nagdaang buwan.
Bumaba ang bilang mula mahigit 10,000 noong isang taon hanggang sa wala pang 500 ngayon. Nasa -95% na ang bagsak. Maging ang daily new users sa Layer-1 network na ito, halos di gumagalaw, laging below 100 kada araw. Malayo ito kumpara sa average na mahigit 2,000 per day noong August at September ng nakaraan taon.
Pinapakita ng mga numerong ‘to na ang rally ay mostly speculation lang at dahil sa lumaking trading volume. Hindi pa talaga ito tanda ng totoong network growth tulad ng mas maraming tokenized IP o mas malawak na gamit sa totoong mundo.
Habang ganito, nagwa-warning ang mga technical analyst tungkol sa posibleng pagbagsak. Sa daily timeframe, papalapit na ang IP sa resistance zone na nasa pagitan ng $3.00 at $3.30.
“Sa daily timeframe, pataas ang takbo ng IP na may solid candles at indicators. Pero malapit na ito sa $3.0–$3.3 resistance zone. Kapag nag-breakout, pwedeng makumpirma na nagbabago ang trend at posibleng mag-umpisa ng bullish run. Hintayin muna ang confirmation at wag magmadali,” comment ni CryptoPulse sa X.
Sa kabila ng recent na pagdoble ng presyo at pagtaas ng volume, bagsak pa rin ang IP ng halos 80% mula sa all-time high na $15 last year. Yung long-term growth ng altcoin na ‘to, depende pa rin kung dadami ang real users at magiging malakas ang demand para sa decentralized na IP management.
