Bumagsak ng halos 10% ang WLFI token ng World Liberty Financial noong April 9 at bumaba sa $0.0888 — ito na ang pinakamababang presyo mula nang mag-launch noong late 2025. Sunod-sunod kasing tumama ang dalawang issue na pinag-uusapan ngayon, kaya mukhang nawalan ng gana ang mga trader na mag-hold ng token.
Kasalukuyang humaharap ang WLFI sa mga tanong kung sinu-sino ang mga ka-tie up nila at ano ang ginagawa nila sa sariling treasury nila.
Partner na May Kontrobersyal na Background
Isang imbestigasyon ng The Times na lumabas noong April 7 ang naglabas ng balita na nag-integrate ang WLFI ng USD1 stablecoin nito sa AB DAO, isang blockchain project mula Southeast Asia. Bago pa mag-deal, nagpo-promote ang AB DAO ng isang resort na konektado sa Prince Group ng Cambodia. Noong November, sinanction ng US at UK authorities si Chen Zhi na founder ng Prince Group kung saan nasamsam nila ang $15 billion sa bitcoin dahil umano sa pagkakasangkot sa malaking online fraud.
Ayon sa WLFI, pinag-aralan nila ng mabuti ang background at wala raw silang kaugnayan sa mga taong may sanction. Nadiskubre din ng The Times na hindi alam ng company ang dating koneksyon ng AB DAO nung magkabigay sila ng deal. Ang issue na ito ay kasunod pa ng naunang mga akusasyon — na pinabulaanan ng WLFI — tungkol naman sa pagbenta ng token sa mga wallet na konektado sa Iran, North Korea, at Russia.
Mga Galaw ng Treasury, Usap-usapan
Ayon sa ulat ng BeInCrypto noong April 8, nagdeposito ang treasury ng WLFI ng 3 billion tokens sa Dolomite at umutang ng mahigit 50 million USD1. Dahil dito, lumampas sa 100% ang utilization ng pool.
Base sa on-chain data, ang opisyal na treasury multisig ng WLFI, isang wallet na may hawak na $1.1 billion na assets (at naka-tag sa Etherscan bilang “World Liberty: Multisig”), ay ini-route ang halos 5 billion WLFI tokens papunta sa isang intermediary wallet na ginawa lang para sa operation na ito bago ideposito lahat ng token sa Dolomite. Kapalit ng itong mga deposit, umutang ang team ng 65.4 million USD1 at 10.3 million USDC, tapos nagpadala sila ng higit 40 million USD1 sa Coinbase Prime.
Kasalukuyang nasa $440 million ang value ng collateral mula April 9 ayon sa stats page ng Dolomite. Medyo mababaw ang liquidity ng WLFI token, kaya mahirap halos imposible magli-liquidate sa pilitan nang hindi bumabagsak ang presyo. Kapag nangyari ang sunod-sunod na liquidation, mananatili kay Dolomite ang bad debt na mahirap bawiin.
Nagdulot na agad ng problema ang ginawa nilang pag-utang. Umabot na sa 100% ang utilization ng USD1 lending pool ng Dolomite kaya wala nang liquidity na makuha. Imposible na ngayon mag-withdraw ang mga nagdeposito ng funds nila hangga’t hindi nababayaran ang utang. Sobrang taas na rin ng USD1 deposit rates — umabot na ng lampas 35% — at kitang-kitang dahil ito sa kulang-kulang na supply na gawa ng isang insider entity, hindi ng totoong demand sa market.
Umakyat na sa lampas $4.6 billion ang USD1 stablecoin ng WLFI na umeikot na ngayon sa market. Sa laki ng volume na ‘to, mas malaki ang impact ng issue na ito — hindi lang para sa WLFI mismo kundi para sa buong crypto ecosystem.
Kung may biglang mag-short ng WLFI nang agresibo, malamang magdudulot ito ng pagbagsak ng presyo na posibleng mag-cascade at mapilitan ang liquidation sa Dolomite — situwasyon na naranasan na dati ng DeFi, pinakamatindi noong Terra collapse sa 2022. Pero, hindi katulad ng Terra, backed ang USD1 ng US Treasuries at cash equivalents kaya nababawasan yung risk na mag-full depeg. Pero since $4.6 billion na ang umiikot na USD1, malamang hindi magiging tahimik yung magiging epekto kapag sumabog ang issue sa Dolomite.
Wala pang inilalabas na official na pahayag ang WLFI tungkol sa mga transfer na ‘to o kung saan napunta ang assets.
