Ang World Liberty Financial (WLFI), isang DeFi protocol na konektado sa Trump Family, magla-launch ng SPACE token ngayong January 23 kasabay ng bagong infrastructure partner nilang Spacecoin.
Itong launch ang kauna-unahang pagpasok sa public market ng proyektong nagkeklaim na gumagawa ng satellite-based internet network gamit ang decentralized system. Pinapromise nila na pagsasamahin ang blockchain payments at mga low-Earth-orbit (LEO) satellites. Inaasahan na ang Binance Alpha ang magiging unang platform na magli-list ng token.
Ano ang Spacecoin?
Ang Spacecoin ay isang decentralized physical infrastructure network (DePIN) na nakatuon sa satellite internet connectivity.
Imbes na umasa sa fiber cables, cell towers, o mga centralized satellite operator, ginagamit ng project ang mga maliliit na LEO satellites para mag-route ng data at mag-log ng transmissions on-chain.
Bali, ang goal nila ay mag-offer ng permissionless at censorship-resistant na internet access, lalo na para sa mga lugar na mahina o limitado ang connectivity.
Tumatakbo sa blockchain ng Creditcoin ang network na ito, kung saan narerecord ang mga activity at data verification ng satellites. Dahil dito, puwedeng macheck ng users kung gumagana ba ang satellites at kung talagang nade-deliver ang data gaya ng sinasabi nila.
Kung tutuusin, nilalarawan ng Spacecoin ang sarili na parang alternative sa mga centralized provider kagaya ng Starlink. Medyo matindi ang claim na ‘yon.
Nasa Orbit na ang mga Satellite
Kung ikukumpara sa iba pang DePIN projects na hanggang concept lang, itong Spacecoin ay meron nang actual na hardware.
Noong December 2024, nagpadala na sila ng unang proof-of-concept satellite na tinawag na CTC-0, papuntang orbit. Naipasa ng satellite na ‘yun ang encrypted blockchain transactions gamit ang space, kaya napatunayan na puwedeng mag-transmit at mag-verify ng cryptographic data kahit walang gamit na terrestrial infrastructure.
Pagsapit ng November 2025, pinalawak pa ng Spacecoin ang satellite constellation nila gamit ang tatlong bagong satellites na tinawag na CTC-1 mission. Ang mga sat na ‘to ay pang-test ng tuloy-tuloy na coverage, satellite-to-satellite na komunikasyon, at user authentication habang gumagalaw ang mga satellites sa paligid ng Earth.
Pero ngayon, pilot mode pa lang ang network at wala pa talagang malakihang commercial na deployment. May mga nagtatanong na rin yata tungkol dito sa Crypto Twitter.
Ano Ba Itong WLFI Partnership? Heto ang Paliwanag
Mas naging visible ang Spacecoin nitong linggo, lalo na pagkatapos nila i-announce ang partnership nila sa World Liberty Financial (WLFI), isang DeFi protocol na nag-i-issue ng USD1 stablecoin.
Basically, ang partnership na ‘to ay isang token swap, kaya aligned ang incentives ng parehong ecosystem. Ang USD1 ng WLFI ang gagamitin bilang settlement currency para sa payments at finance services gamit ang network ng Spacecoin.
Ibig sabihin nito, kahit nasa lugar ka na walang normal na banking, puwedeng makapag-stablecoin payment, padala, o gumamit ng DeFi tools basta nakakabit ka sa Spacecoin satellites.
Dinidikit din ng WLFI na ang partnership na ‘to ay isa talagang long-term infrastructure bet, hindi lang pang-maikling panahon na token play. Pero dahil dito, napapasok ang Spacecoin sa DeFi ecosystem na medyo may pagka-political, kaya asahan na mas maraming papansin at magbabantay.
Para Saan Ginagamit ang SPACE Token
Ang SPACE token ay native asset ng Spacecoin network.
Ayon sa mga dokumento nila, gagamitin daw ang SPACE para sa mga sumusunod na bagay:
- Pambayad ng data transmission at network services
- Pang-reward sa mga satellite operator at nagsu-supply ng infrastructure
- Pang-participate sa network governance
- Pang-secure ng network gamit ang staking
Ang total supply ng token ay nasa 21 billion SPACE, pero kahit mag-launch na, maliit lang ang lalabas na umiikot agad. Most ng tokens ay ipo-provide muna via airdrop at early exchange distribution.
Sa kabuuan, ibig sabihin ng structure na ‘to, maraming future token unlocks, kaya pwede talagang makaapekto sa price performance going forward.
Business Model nila: Mukhang Ambisyoso, Pero Wala Pang Prueba
Ayon sa Spacecoin, plano nilang mag-offer ng basic internet connectivity sa halagang $1–2 kada buwan, at target nila ang mga developing market sa Africa, South Asia, at bahagi ng Latin America.
Sobrang baba nito kumpara sa current na satellite internet na servisyo, kasi itong Starlink, kadalasan nasa $50 hanggang $120 kada buwan ang bayad.
Bali, sabi ng project, kung decentralized ang satellite ownership at payments, puwedeng bumaba talaga ang gastos.
Pero, hindi pa rin sigurado kung scalable at sustainable talaga ang model na ‘to. Maski maliit lang ang hardware, malaki pa rin ang gastos sa rocket launches, maintenance, at kailangan pa ng regulatory approval.
Sa ngayon, ang SPACE launch ay parang test ng market confidence para sa decentralized satellite infrastructure—ibig sabihin, hindi pa ito garantiya na gagana na talaga ang model nila long-term.
