Naglabas ang World Liberty Financial (WLFI) ng isang governance proposal kung saan ilolock ang 62.2 bilyong token gamit ang bagong vesting schedule at susunugin ng tuluyan hanggang 4.5 bilyong WLFI token.
Target nitong proposal ang lahat ng insider at early supporter allocations, at papalitan ang indefinite na lock ng structured na cliff-and-vest timeline na pwedeng tumagal ng hanggang limang taon.
Paano Gagana ang WLFI Token Lock
Ayon sa proposal, lilipat ang 45.2 bilyong WLFI na hawak ng founders, team, advisors, at institutional partners sa isang two-year cliff tapos magsisimula ang three-year linear vesting.
Kailangan ding tanggapin ng mga holders na ito ang required na 10% token burn kapag sumali sila. Dahil dito, posibleng permanenteng masunog ng hanggang 4.5 bilyong WLFI at bababa ang 100 bilyon total supply nito.
Mababa nang kaunti ang requirements para sa mga early supporters na may hawak na 17 bilyong WLFI. Mapupunta ito sa two-year cliff at tapos two-year linear vest, kaya buo pa rin ang allocation nila at walang kailangang token burn.
Pero marami sa holders na ito ang naghintay na ng halos 550 araw mula nung nag-launch noong October 2024 ang project at ngayon, madadagdag pa ng apat na taon bago nila makuha lahat ng tokens nila.
Yung mga holders na hindi sasali sa loob ng 10-day acceptance window, mananatili pa ring nakalock habang buhay under sa dating terms nila.
Sinabi ng World Liberty Financial sa pamamagitan ng post nila na 77% ng mga WLFI na nakakandado ngayon eh pag-aari ng mga inactive o hindi bumoboto, kaya parang filter na rin daw ‘tong proposal para maipakita kung sinong tunay na participant sa governance.
“…we believe it represents one of the strongest long-term governance alignment signals in DeFi,” ayon sa kanila sa X.
Feedback ng Komunidad at Kalagayan ng Market
Nagkataon ang proposal na ‘to habang magulo ang market para sa Trump-family-associated na DeFi project na ito. Nitong mga nakaraang linggo, pinuna ang WLFI treasury dahil ginamit bilang kolateral ang halos 5 bilyong token sa Dolomite lending protocol para manghiram ng around $75 million na stablecoin. Basahin ang buong detalye rito.
Dahil dito, inubos ng posisyon ng WLFI ang mahigit kalahati ng total value na nakakandado sa Dolomite at naiipit ang liquidity ng ibang depositors.
Kasalukuyan nagte-trade ang WLFI sa $0.07987, halos 3% ang binaba sa nakalipas na 24 oras, at nasa 82% na bagsak mula sa all-time high nitong $0.46 noong September 2025.
Mixed ang reaksyon sa governance forum at social media. Yung mga supporter masaya sa burn at extended lock period kasi proof daw ito na committed talaga ang team.
Pero maraming kritiko ang tumutuligsa dahil masyadong mabigat para sa early buyers–mas mapapahaba pa ang waiting time nila, o baka hindi na talaga nila mabuksan ang tokens.
“Kahit ano pa ang desisyon tungkol sa WLFI sa stage na ito, nangyari na ang financial damage sa libu-libong investors…wala nang babalikan sa mga nalugi. Hindi nakakatulong ang mga announcement na ganito para maibalik ang tiwala…parang mas para makahatak pa ng bagong pera at hindi tunay na accountability,” ayon sa isang user na nag-comment.
Kailangan pa ring pagbotohan ng community ang proposal ng pitong araw, at dapat may minimum na isang bilyong WLFI na quorum bago mag-take effect.
