Naiipit ngayon ang presyo ng XRP dahil sa mabilis na pagbagsak malapit sa mga recent high nito. Bumaba na ito ng halos 10% sa nakalipas na 24 na oras at nananatiling mga 13% pa rin ang binaba mula sa $1.67 na naabot nito noong February 15. Hindi lang ito basta-bastang retracement.
Ipinapakita nito na may malalim na pagbabago sa market: Ang mga malalaking XRP holders o whales ay nagsisimula nang magbenta, habang sinusubukan namang bilhin ng mga long-term holders (HODLers) ang supply na ‘to. Ang lakas ng balitaktakan ng whales at HODLers ang pwedeng maging crucial sa magiging movement ng presyo ng XRP sa mga susunod na linggo.
Lumilitaw ang Rising Wedge at Bearish Divergence—Binabantayan ng Sellers ang Matitinding Support
Kung titingnan ang chart, gumagalaw ang presyo ng XRP mula early February sa loob ng tinatawag na rising wedge pattern. Ang rising wedge ay bearish chart pattern kung saan paakyat ang price, pero paliit nang paliit ang galaw, at humihina ang momentum. Madalas, ang pattern na ‘to natatapos sa breakdown. Ayon sa kasalukuyang chart, pwedeng bumagsak pa ng hanggang 26% ang XRP kung mabutas ang suporta sa baba ng wedge.
Nagbigay na talaga ng warning ang momentum indicators na humihina ang galaw ng XRP. Mula January 26 hanggang February 15, gumawa ng lower high ang presyo ng XRP, ibig sabihin, bawat tuktok ng rally ay mas mahina kumpara sa nauna.
Pero sa parehong yugto, gumawa ng higher high ang Relative Strength Index o RSI. Ang RSI ay indicator na sumusukat kung gaano kalakas ang bentahan o bilihan ng isang coin. Kapag humihina ang price pero tumataas ang RSI, tinatawag itong hidden bearish divergence.
Ibig sabihin nito, nauubos na supporta sa pataas na galaw at pwedeng magtuloy-tuloy ang pagbagsak ng XRP ngayon.
Gusto mo pa ng mas maraming insights sa mga token? Mag-sign up sa Daily Crypto Newsletter ni Editor Harsh Notariya dito.
Mas naging obvious ang divergence noong February 15, nang biglang umakyat ang presyo ng XRP sa $1.67. Pero imbes na tuluyan nang lumipad lampas sa wedge, nabuo pa ang candle na may mahaba ang upper wick. Pinapakita ng wick na ‘yan na matindi ang bentahan ng mga sellers kaya napababa ang presyo.
Matapos ang rejection na ‘yon, bumagsak na agad ang XRP ng mga 13%. Malapit ng tamaan ng token ang lower boundary ng rising wedge, kaya mas mataas ngayon ang risk na mag-breakdown. Dahil dito, naging mahalaga ang technical weakness sa XRP price prediction at mas lamang ngayon ang sellers hangga’t ‘di pa bumabalik ang mga buyers.
XRP Whales Nagbebenta ng Milyon, Holders Pinipigilang Bumagsak
Hindi basta aksidente ang rejection malapit sa $1.67. Base sa on-chain data, talagang nagbabagsakan ng benta ang mga XRP whales sa kasagsagan ng rally. Ang mga wallet na may pagitan ng 100 million hanggang 1 billion XRP, nabawasan ang hawak nila mula 8.59 billion naging 8.58 billion. Ibig sabihin, may nasa 10 million na XRP o nasa $15 million ang napakawalan sa market sa panahong ‘yon.
Pati ‘yung mga relatively mas maliit na XRP whales na may 10 million hanggang 100 million XRP, sunod-sunod ang bentahan. Nabawasan ang holdings nila mula 10.91 billion (ngayong February 12) naging 10.87 billion XRP hanggang ngayon. So, nasa 40 million XRP pa ‘yon (nasa $60 million) ang nadagdag sa market. Sa kabuuan, halos 50 million XRP na nasa $75 million ang binenta ng mga whales sa rally attempt na ‘to.
Kasabay nito, nagsisimula nang mag-accumulate ang mga long-term holders. Base sa Hodler Net Position Change metric, tumaas ang hawak nila mula nasa 127 million XRP noong February 13 at ngayon, umabot na sa mga 150 million XRP — lumobo ng 17%. Ibig sabihin, may mga investor na sinusubukan i-absorb ang supply na nilalabas ng whales para mapatibay ang market.
Pero, limitado pa rin ang pagbili. Noong February 1, umabot pa sa over 337 million XRP ang naipon ng parehong group sa isang bagsakan. Kung ikukumpara, sobrang hina pa rin ng accumulation ngayon — more than 55% pa ang nabawas. Kaya dito, naiintindihan kung bakit hindi napigilan ang pag-breakdown ng XRP at nananatiling malabo pa ang price outlook ngayon.
Nagbabanggaan ngayon sa market ang mga XRP whales na naglalabas ng supply at holders na sinusubukang pigilan ang matinding pagbagsak. Pero parang kulang pa rin talaga sa lakas ang mga long-term holders.
XRP Price Prediction Nakadepende Kung Kakapit ang $1.26 Support
Puntirya ngayon ng presyo ng XRP ang pinakamahalagang level sa $1.26 area. Base sa cost basis data, may higit 442 million XRP ang naipon sa price range na $1.27 hanggang $1.28. Ang cost basis ay yung presyo kung kailan binili ng investors ang kanilang coins. Madalas, kapag bumabalik ang price sa ganitong level, todo-depensa ang mga holders para maiwasan ang malaki nilang lugi.
Dahil dito, nagiging sobrang importante ang $1.26 zone bilang last major support bago magka-matinding pagbulusok. Kung kakayanin ng presyo ng XRP na manatili sa ibabaw ng level na ’to, pwede nating makita na bumalik ang stability, at pwedeng magbago ang XRP price prediction papunta sa recovery. Pero kapag bumaba ang XRP sa ilalim ng $1.26, biglang babagsak ang overall outlook. Posibleng mag-umpisa agad ang wedge breakdown kapag nagsara ang 12-hour candle ng XRP sa ilalim ng lower trendline ng wedge, tapos susunod dito ang $1.35 level.
Pagsak ng presyo sa baba ng level na ito, ang next support ay malapit sa $1.16, tapos susundan ng $1.06. Tugma itong mga level na ’to sa buong wedge breakdown projection. Ibig sabihin niyan, kung tuloy-tuloy ang selling pressure, pwedeng malapit na bumaba ang presyo ng XRP sa $1 zone. Kapag nagkataon, kumpirmado na hawak na ng mga whale ang trend.
Pataas naman, kailangan marikober ng XRP ang $1.48 para mabawasan ang matinding bearish pressure. Kung tuluyan pa siyang umangat lampas $1.67, baliwala na ang wedge pattern at malamang buyers na ulit ang may kontrol sa market.
Sa ngayon, nakadepende pa rin ang XRP price prediction sa labanan ng mga whales at mga ordinaryong holder. Kapag di kinaya ng long-term holders hawakan ang selling na ginagawa ng whales, baka nga tuluyan nang bumaba ang XRP papalapit sa $1 dahil sa wedge breakdown. Sa mga susunod na session pa natin makikita kung sinong panig ang mananalo.
