Patuloy na naiipit ang presyo ng XRP nitong mga nakaraang linggo dahil hindi makabawi kahit ilang beses subukang mag-recover. Habang nalalapit matapos ang 2025, mukhang tuloy-tuloy pa rin ang bearish momentum ng altcoin na ‘to, matapos magtala ng bahagyang negative na performance buong taon.
Nababawasan ang demand sa spot market at mukhang nagiging maingat ang mga retail trader kaya apektado ang galaw ng presyo. Pero ang mga bigatin o institutional investor, sila ngayon ang dahilan kaya nananatiling matatag ang XRP kahit may tuloy-tuloy na bentahan at, sa ganun, hindi agad bumabagsak pa lalo ang presyo.
XRP Pinapaburan ng Mga Institusyon
Mula umpisa pa ng 2025, consistent na suporta ng institutional investors ang nagpapalakas sa XRP. Base sa CoinShares, nakatanggap ang XRP ng $70 million na inflows para sa linggo ng December 27, na nagpataas sa month-to-date inflows nito sa $424 million. Ibig sabihin, tuloy-tuloy ang pagpasok ng kapital kahit pa pababa ang presyo.
Kahanga-hanga rin, nilampasan ng performance ng XRP ang mga malalaking digital asset noong parehong yugto. Sa Bitcoin, may $25 million na outflows; mas malaki naman ang nabawas sa Ethereum na umabot ng $241 million ang outflows.
Gusto mo pa ng mga ganitong token insights? Mag-subscribe sa Daily Crypto Newsletter ni Editor Harsh Notariya dito.
Kung titignan ang buong taon, umabot sa $3.3 billion ang inflows ng XRP — solid na patunay na buo pa rin ang tiwala ng mga institution kahit patuloy ang volatility at mga isyu sa legal side ng crypto market.
Matibay ang Performance ng XRP ETFs
Ngayon, hindi lang basta sa traditional na exchange-traded products (ETP) ang suporta ng institutions. Simula nang mag-launch ang XRP ETFs ngayong taon, hindi pa ito nakaranas ng ni isang araw na net outflows. Isang trading session lang ang walang inflows — steady talaga ang demand, at bihirang bihira ang ganito para sa crypto ETF.
Sa eksklusibong kwento sa BeInCrypto, binigyang-diin ni Ray Youssef, CEO ng crypto app na NoOnes, na nakatutok ang mga institutional investor sa mga planadong long-term strategies.
“Ang accumulation ng XRP nitong early December, strategy talaga ‘yan ng mga market participant para samantalahin ang posibleng pag-angat sa momentum ng ETF. Parang sa nangyari dati sa Bitcoin at Ethereum ETF launch cycles, karaniwan talagang nag-a-accumulate ng asset ang institutions bago pa tumaas ang presyo dahil sa mga developments na ‘to,” paliwanag ni Youssef.
Sabi pa niya, nakikita na ngayon ang XRP bilang high beta asset na may solid na value proposition.
“[Ito] ay dahil mas aktibo na ang mga institutional player sa trading ng asset na ‘to, kaya mas nagiging mainstream na ang XRP. Kahit bagsak o mahina ang presyo, tingin pa rin ng mga trader na may magandang entry opportunity ngayon para maka-ride kapag nag-reflect na ang tunay na momentum ng ETF sa presyo,” dagdag ni Youssef.
Mga XRP Holder na Ayaw Mag-Hold, Gusto Nang Ibenta?
Mahalaga pa rin ang papel ng mga long-term holder habang papalapit ng 2026. Historically, sila ‘yung tumutulong tumatag ang presyo pag downtrend ang market. Sa nakalipas na taon, nagpalipat-lipat ang long-term holders sa accumulation at distribution — senyales na nag-aalangan pa sila sa medium-term prospects ng XRP.
Pagsapit ng Q4 2025, mas nangibabaw ang bentahan sa mga long-term holder. Ibig sabihin, parang nababawasan ang kumpiyansa ng mga dati’y sanay mag-hold kahit anong volatility. Kung tuloy-tuloy ang ganitong attitude at umabot hanggang 2026, mas lalakas ang banta ng pagbaba ng presyo ng XRP. Madalas, kapag tuloy-tuloy ang distribution ng mga holder na mahilig mag-hold, nauuwi ito sa matagal na consolidation o mas malalim na correction sa market.
XRP Mukhang Di Pa Magpapakitang-Gilas sa Simula ng 2026
Sa ngayon, malapit sa $1.87 ang trading price ng XRP matapos bumagsak ng 38% noong Q4 2025. Kung titignan buong taon, negative 9.7% ang performance ng altcoin mula sa opening price nito. Walang dinalang positive momentum ang December, kaya lalong lumakas ang bearish sentiment sa pagtatapos ng taon.
Kahit ganito ang sitwasyon, pwedeng mag-take ng sariling direction ang 2026. Sabi ni Ray Youssef, mukhang magiging stagnant pa rin ang XRP ngayong January at posible pati hanggang dulo ng first quarter.
“Malaki ang chance na mag-consolidate lang at umiikot sa pagitan ng $2 hanggang $2.50 ang XRP ngayong January at Q1 2026, maliban na lang kung may biglaang matinding catalyst sa macro. Hindi pa nakakabawi ang market dahil sa patuloy na volatility at mga aberya mula sa tensyon sa global trade. Dahil sa dami ng deleveraging at risk-off na galaw, mas nagiging maingat ang mga trader na magdagdag ng exposure habang hindi pa tuluyang nawawala ang headwinds sa market,” paliwanag ni Youssef.
Malaki pa rin ang goal na mabawi ang mga recent na talo. Kailangan talagang mag-breakout ng presyo pataas sa $3.00 para manumbalik ang bullish na galaw at baka magbukas ito ng daan papuntang $3.66 all-time high.
Hindi pa rin mawawala ang threat na bumagsak lalo ang presyo kung lumakas pa lalo ang bentahan. Kung magtuluy-tuloy ang consolidation at lumala ang kakulangan ng demand, pwedeng mas bumaba pa ang presyo ng XRP. Pag nabasag ng tuluyan ang $1.79 na support, possible na bumaksak ito hanggang $1.50 zone. Kapag nangyari ito, malalampasan na ng bears ang bulls at malalagay sa alanganin ang bullish-neutral na pananaw.
May isa pang dagdag-ingat dahil sa seasonality.
“Mahina ang performance ng XRP noong December dahil sa hina ng buong market. Naging mahigpit ang liquidity, mahina ang risk appetite ng mga tao, tapos nagkaroon pa ng AI bubble scare na nagdala ng sell-off, pati high-risk assets at buong digital asset market nadamay. Kaya kahit may seasonality boost na ine-expect, hindi masyado naramdaman. Sa totoo lang, isa ito sa pinakamasaklap na Q4 ng crypto market sa halos pitong taon,” dagdag pa ni Youssef.
Batay sa historical performance ng XRP sa nakalipas na 12 taon, kadalasang may 3% na average gain tuwing January. Pero sa totoo lang, madalas pa nga bumaba dahil negative 7.8% ang median return — ibig sabihin, mas marami pa rin ang underperformance.
Kaya kung walang matinding pagbabago sa market sentiment at galaw ng mga investor, mukhang mahihirapan pa rin ang presyo ng XRP sa mga unang buwan ng 2026 bago magpakita ng malinaw na trend kung saan tutungo ang market.
