Sinupalpal ni Adam Back, na siyang nag-imbento ng Hashcash at isa sa mga pioneer noong early days ng Bitcoin, ang bagong Satoshi Nakamoto documentary. Binara ni Back ang mga technical na assumptions nito tungkol sa Bitcoin mining patterns at coin ownership.
Sa detalyadong sagot ni Back sa X, tinutukan niya yung mga critical na problema sa paraan ng pag-interpret ng documentary sa early mining data, pati na rin sa tinatawag na Patoshi pattern na ginagamit para i-estimate ang holdings ni Satoshi.
Problema sa Patoshi Pattern
Sobrang naka-base ang documentary sa Patoshi pattern—isang statistical analysis ng mga Bitcoin block timestamp na sinasabi ng mga researcher na kayang tukuyin kung aling blocks nga ba ang mina ni Satoshi. Sinasabi ng analysis na minina ni Satoshi ang nasa 20-40% ng mga blocks noong unang taon ng Bitcoin, ibig sabihin daw, hawak niya ang 500,000 hanggang 1 milyong Bitcoin.
Chinallange ni Back ang analysis na ito at sinabing talagang hindi ito reliable.
“Klaro naman na marami talagang ibang miners (60-80% ng hashrate o higit pa, pati na noong first year pa lang),” sabi ni Back.
Habang lumalaki ang Bitcoin network at dumadami ang mga sumasali, lalong nagiging magulo at mahirap nang tiyakin tong pattern na ‘to.
Kaya din may nagsa-suggest na habang dumarami yung miners, mas lalong hindi na malinaw kung sino ang nagmina ng mga blocks. Baka yung Patoshi pattern ay parang nagiging background noise na rin, kaya mukhang na-o-overstate ng documentary ang kung gaano ka-precise pwedeng i-link yung early mining activity sa particular na tao.
Problema sa Assumption na “Never Sold” si Satoshi
Naka-base din ang main claim ng documentary sa paniwala na never nagbenta ng kahit isang Bitcoin si Satoshi, kaya raw baka patay na siya.
Sa kwento ng docu, parang imposibleng hindi gagalaw o magbebenta si Satoshi ng Bitcoin, lalo na’t ang presyo galing $0 tapos ngayon umabot ng $100,000 bawat isa.
Diretsahan din tinira ni Back itong logic na ‘to. Tanong niya, kaya ba talaga patunayan ng Patoshi pattern na hawak pa rin ni Satoshi lahat ng coins na ‘yon at hindi niya binenta? Kahit maging tama nga na siya yung nagmina ng blocks na ‘yon, hindi ibig sabihin non na hindi na nagalaw yung coins.
“Kung nagbenta man si Satoshi, pwede naman siyang magbenta mula sa mas latest at mas mahirap i-trace na coins,” sabi ni Back.
Ibig sabihin, baka mas pinili lang ni Satoshi na i-liquidate ang coins sa mga ambiguous na mining period kung kailan di na ganun ka-reliable ang Patoshi pattern—kaya hindi ma-trace talaga.
Mga Timeline Inconsistency at Technical na Butas
Pinuna din ni Back yung sablay ng documentary sa pagbibigay ng timeline evidence. Tinukoy niya yung mas dating research ni Jameson Lopp na nagpapatunay na abala si Hal Finney sa pagtakbo ng marathon sa eksaktong oras na nagpapadala si Satoshi ng test transactions sa Bitcoin network—kaya imposible na si Finney si Satoshi.
Inilarawan ni Back ang approach ng documentary na parang may “Gell-Mann amnesia,” o yung ugali na dedmahin yung contradictory evidence basta nasimulan na ang isang theory. Nung na-raise na hindi pasok si Finney, basta-basta na lang pinalitan ng filmmakers at isinama si Len Sassaman sa theory, na hindi man lang ipinaliwanag kung bakit hindi na kinonsider yung original evidence.
Nabanggit din ni Back na pina-disregard ng documentary ang mga nakatira sa EU timezone base sa forum post analysis, tapos biglang pinangalanan pa rin si Sassaman kahit pa may inconsistencies sa timezone.
Ipinapakita ng pattern na ‘to yung tendency ng docu na magsimula sa conclusion at tsaka na lang humanap ng katibayan, imbes na i-base sa totoong ebidensya.
C++ at Windows: Matitinding Problema
Binalikan din ni Back yung napaka-critical na objection mula kina Cam at ang asawa ni Len Sassaman: Hindi daw talaga marunong mag-C++ si Sassaman at never din nagkaroon ng Windows machine. Eh, yung original code ng Bitcoin, C++ ginawa, so obvious na malaki tong technical na butas.
Apart pa dito, open critic din si Sassaman ng Bitcoin habang nabubuhay pa siya—kaya parang imposible na lihim pala siyang co-creator nito.
Ano Ang Ibig Sabihin Para sa Satoshi Mystery?
Hindi naman tuluyang nasagot ni Back ang Satoshi mystery, pero tila winasak niya isa-isa ang theory ng documentary. Main point niya: sobrang ambiguous ng early mining data, at yung assumption na “never sold coins” ay walang matibay na basehan. Hindi ito sapat para ma-conclude kung sino talaga si Satoshi.
Ipinapakita ng diskusyon na sobrang hirap patunayan kung sino si Satoshi gamit lang ang technical na analysis. Kahit sobrang sophisticated na pattern analysis, nalalabuan pa rin habang dumarami ang users at lalong nagiging distributed ang mining.
Lumabas ulit sa usapan ang ibang candidates gaya ni Nick Szabo matapos pumalpak yung documentary. Sinasabi ng iba na maaring hindi na talaga malalaman kung sino si Satoshi maliban na lang kung kusa siyang maglalantad o may lumabas pang bagong ebidensya.
