Nakapag-raise ng pondo ang Anthropic na nasa $965 billion ang valuation noong nakaraang buwan at mukhang malapit na ring mag-IPO at mapunta sa public stock market. Pero para makapagpatayo sila ng mga datacenter at manatiling competitive, kailangan talaga nila ng matibay na support. Ayon sa mga balita, ang AI company na ‘to ay lumalapit mismo sa Google—na pinaka-direct na kalaban nila—para mapaggarantiya ang mga bayarin nila.
Mahigit dose-dosenang preliminary agreements na ang pinirmahan ng Anthropic para mag-lease ng mga US datacenter na pinagsama ay lagpas 1 gigawatt ang kapasidad. May mga report din na pinag-uusapan ng mga executives ng Anthropic kung posible bang magtiwala sila sa Google na back-up pagdating sa mga lease payments nila, kung sakaling kapusin. Kasama rin sa plano sina Apollo Global Management at Blackstone, na magpo-provide ng private credit bilang parte ng mas malawak na financing setup.
Magkalaban ang Google at Anthropic, Pero Sila Rin ang Nagpo-pondo sa Isa’t Isa
Direktang magkalaban ang Google Gemini at Anthropic Claude—lalo na sa AI assistants, coding tools, at enterprise software. Pero sa kabila nito, nag-commit ang Google ng hanggang $40 billion sa Anthropic at co-designer din sila ng mga server chip na gagamitin ng Anthropic sa bago nilang datacenter.
Kapag natuloy itong lease guarantee, mas lalalim ang connection ng dalawang kumpanya—ibig sabihin, aakuin ng Google ang bayarin ng Anthropic kung hindi nila matuloy ang bayad.
Walang kumumpirmang opisyal sa kahit alin sa mga kumpanya. Sinabi ng Google sa Reuters na wala silang komento sa mga tsismis o haka-haka. Hindi rin sumagot ang Anthropic sa mga tanong ng media.
Anthropic Data Centers at ang Milestone na IPO
Noon, naka-depende lang ang Anthropic sa mga cloud provider tulad ng Google Cloud para sa compute capacity nila. Ngayon, gusto nilang mag-lease at magpatakbo ng sarili nilang datacenter para mas makontrol nila ang gastos, performance, at hindi na sila todo-depende sa mga provider na katapat din nila sa market.
Confidential na nag-file ang Anthropic para sa US IPO ngayong buwan, pero hindi pa sinasabi kung magkano o ano ang terms. Sa pinaka-latest na funding round nila nitong May, naka-raise sila ng $65 billion na nagdala sa valuation nila ng $965 billion—mas mataas pa sa implied value ng OpenAI.
AI Race: Magkaagawan Pero Magkaka-business Din
Hindi lang equity returns o kita ang habol ng Google sa Anthropic. Gusto rin nilang hindi mag-monopolize ang OpenAI sa enterprise AI market, at validation din ito sa AI infrastructure na tinaya ng Google.
Samantala, nagbabayad rin ang Anthropic ng $1.25 billion kada buwan sa SpaceX—isa pang kakompetensya nila via xAI—para sa AI compute. Parehong kumpanya ay nag-aabang ng IPO. Ipinapakita lang nito na kahit magkaagawan, nagtutulungan pa rin ang malalaking AI companies para sa institutional capital, habang sabay pa silang lumalaban sa parehong market.
