Bagsak nang matindi ang Apple (AAPL) stock noong Biyernes at nagbukas ito sa $304 — lagpas 9% ang binaba. Mas nangibabaw sa market ang mahinang outlook para sa next quarter, na natabunan na yung record-breaking na June quarter na lumampas pa sa inaasahan ang revenue at earnings.
Matatandaan na nagsara ang shares sa $333.43 nitong Huwebes, down ng 1.41%, ilang araw lang matapos halos umabot ang market cap ng Apple sa $5 trillion.
Record Quarter, Pero Cautious ang Outlook
Nagreport ang Apple ng June-quarter revenue na $109.42 billion, mas mataas kaysa sa $108.65 billion na consensus. Umabot sa $2.02 per share ang earnings, mas mataas sa $1.89 estimate. Base sa buong resulta, tumaas ng 16% year-over-year ang revenue — all-time high ito para sa June quarter.
Tumaas ng 22% ang kinita mula sa iPhone at umabot ito ng $54.25 billion, habang 29% naman ang itinaas ng Mac sales kaya napunta sa $10.35 billion. Pero yung Services revenue na $30.74 billion at benta sa Greater China na $18.82 billion, parehong hindi umabot sa mga expectations.
Dito talaga tumama ang bagsik: Sa outlook. Sinabi ng CFO na si Kevan Parekh na 9%-11% lang ang inaasahang revenue growth sa September quarter, na mas mababa sa halos 12% na gusto ng mga analysts. Ang dahilan daw ay supply constraints, problema sa currency, at tumataas na gastos sa memory chips (DRAM at NAND) dahil na rin sa AI demand.
Mamarkahan din ng report na ito yung huling earnings call ni Tim Cook bilang CEO. Si John Ternus ang papalit starting September 1, at sabi niya may malaking opportunity ang Apple sa AI.
Lumalaking Volume at RSI na Nasa 62, Patuloy na Ginaganahan ang Buyers
Bago bumagsak ang outlook, solid na bullish pa ang nakikita sa daily chart. Kaunti lang ang binaba ng AAPL mula sa $344.57 all-time high nito — nag-hold pa nga sa bagong support area na $333. Naging resistance yan noong July bago tuluyang nag-breakout, so classic na resistance-turned-support move siya.
Solid din ang momentum base sa indicators. Yung daily Relative Strength Index (RSI) ay nasa 62, malapit na sa bullish territory. Habang lumalaki din ang trading volume nitong mga nakaraang araw, na sign na dumarami ang sumasali sa market. Yan din ang tumulong para marating ng Apple yung milestone na $5 trillion valuation ngayong linggo.
Kung magtutuloy yung hina, magiging matinding labanan ang $280 level. Na-reject na jan ang price nung February, at yan din ang sumalo nung malakas na dip nung early July.
AAPL Price Prediction, Nakaabang sa $315 Zone
Minsan, pagkatapos ng malakas na pagbagsak dahil sa earnings, umaakyat rin uli ang presyo pag humupa na yung panic selling. Kung mababawi ng buyers ang $315 sa susunod na mga araw, mag-stay solid pa rin yung formation ng “higher highs and higher lows.” Kapag na-recover pa lalo ang $333 zone, pwede nang balikan yung all-time high na $344.57 — halos 12% taas mula sa premarket levels.
Pero kung di mag-hold ang $315, hawak pa rin ng sellers ang market at pwedeng bumagsak pa sa $280. Yun na yung magiging pinakamalalim na correction simula nung dip ng July.
May dalawang posibleng mangyari na magdadala ng malaking effect: Una, kung magka-long-term supply agreement sa memory chips, mawawala na yung takot ng investors na lumiit ang margin dahil sa weak guidance. Pangalawa, kung mailaunch na yung bagong Siri ngayong fall, baka magbalik yung AI hype na naging driver ng rally base sa July forecast.
Sa madaling salita, sa susunod na mga araw, malalaman na kung sisikapin ng buyers abutin uli ang $315, o tuluyan nang babagsak at lalawak pa yung gap pagkatapos ng earnings report.
