Matagal nang mainit na pinag-uusapan sa crypto ang rivalry ng Binance at FTX. Ngayon, nagbigay si Changpeng Zhao (CZ) ng isa sa pinaka-detalyadong kwento tungkol sa relasyon nilang dalawa.
Kwenento ni CZ na ang dati nilang pagtutulungan ay naging matinding kumpetisyon bago pa man bumagsak ang FTX noong 2022.
Binuksan ni CZ ang Lihim sa Pagkakahiwalay ng Binance at FTX
Sa naging guesting niya sa All-In Podcast, binalikan ng dating CEO ng Binance ang simula ng samahan nila ni Sam Bankman-Fried (SBF), na noong 2019 ay pinamumunuan pa ang Alameda Research.
“Uh, sa tingin ko una ko siyang nakita noong January 2019 sa isang crypto conference nga sa Singapore na Binance ang nag-organize. Parang wala pang FTX nun… Si Sam… hawak pa niya Alameda,” kwento ni CZ sa interview, at sinabi din niyang major trading client ng Binance noon ang Alameda at maganda naman daw ang samahan nila nung una.
Ayon kay CZ, lumapit ang Alameda at ang future team ng FTX sa Binance para mag-offer ng collaboration sa pagbuo ng derivatives platform. Maraming beses na silang nagbigay ng proposals, kabilang na ‘yung joint venture setup na mas lamang sana ang Binance.
Sa huli, noong late 2019, pumayag ang Binance na mag-invest.
“Oo… nag-invest kami sa kanila, mga 20% lang yung equity at isang bahagi lang yun — tapos nag-exit na rin kami after isang taon… hindi kami nagtagal dun,” sabi ni CZ.
Kabilang sa deal yung token swap sa pagitan ng BNB at FTT, kaya naging minority shareholder ng FTX ang Binance. Nilinaw ni CZ na:
- Naging passive investor lang siya sa buong partnership
- Hindi niya hiniling na makita ang financial statements dahil magkakumpetisyon din sila sa futures trading.
“Dahil magka-kumpetisyon yung businesses… never talaga akong… humingi ng financial statements… passive investor talaga ako. Kapag nag-invest ako, hindi ako nakikialam, di ako hands-on sa negosyo nila,” kwento niya.
Tahimik Pero Maugong ang Alitan ng Binance at FTX
Kahit maganda ang samahan noong una, sinabi ni CZ na mabilis din lumala ang relasyon nila. May mga naririnig na daw siyang kumakalat na balita na kinukuwestyon ni SBF ang Binance sa mga policy at regulatory circles sa Washington.
“At halos pagkatapos ng deal na ‘yun, tuloy-tuloy na ‘kong nakakareceive ng mga balita… na si SBF, pinopoint out kami sa Washington,” kwento ni CZ.
Kwenento din niya ang frustration dahil sa hiring, sinasabi na nag-hire ang FTX ng mga Binance staff gamit ang mas malalaking offer sa suweldo. Tapos ‘yung mga hinire na ‘yon, ginagamit daw ng FTX para kausapin at agawan ng VIP clients ang Binance.
Habang sinubukan ni CZ na panatilihin ang diplomatic na image sa publiko at tumanggap pa ng mga invites para magpakita silang magkasama sa crypto events, sinabi niyang sa likod ng camera, umiinit na talaga ang rivalry.
Bakit Nag-exit ang Binance?
Pagsapit ng 2021, nagra-raise na ng pondo ang FTX na umaabot daw sa $32 billion ang valuation. Sabi ni CZ, may karapatan ang Binance na i-veto ang mga future fundraising round ng FTX, pero pinili nilang huwag gamitin ‘yon.
“Kaya… sabi namin… mag-exit na lang kaya tayo?” ayon kay CZ, habang pinaliwanag niyang mas gusto ng Binance na labanan na lang head to head ang FTX imbes na maging shareholder pa ng kalabbing mabilis lumaki.
Na-finalize ang exit noong July 2021, halos isang taon at kalahati bago bumagsak ang FTX noong November 2022.
“Parang full year and a half pa bago sila nagka-problema… wala kaming alam nun,” sabi niya, bilang sagot sa mga nagsasabing may inside info ang Binance kaya sila nag-exit. “Hindi ‘yan totoo.”
Pagbagsak ng FTX at Mga Nangyari Pagkatapos
Sa huli, bumagsak ang FTX matapos mabunyag na ginamit nila ang pondo ng customers para takpan ang lugi ng Alameda Research, na naging sanhi ng liquidity crisis at bankruptcy.
Pinalala pa ang nangyari nung nagdesisyon ang Binance na magli-liquidate ng FTT holdings nila noong November 2022, na nag-trigger ng panic at bank run. Pero ayon sa mga sumunod na investigation at korte, ang ugat talaga ng pagbagsak ay internal fraud at mismanagement.
Ayaw na ni CZ mag-comment ng malalim tungkol sa ongoing legal issues, tulad nung effort ng FTX bankruptcy estate na bawiin ang funds mula sa pag-exit nila noong 2021. Binigyang-diin din niya na wala talagang access ang Binance sa internal finances ng FTX habang shareholder pa sila.
Kung pagbabasehan ang kwento ni CZ, hindi biglaan ang paglala ng relasyon ng Binance at FTX kundi unti-unting lumala. Sa mga sinabi niya, nagsimula ang lahat sa pagtutulungan, nauwi sa matinding kumpetisyon, at natapos sa strategic exit — matagal bago yumanig sa crypto industry ang krisis ng FTX.
Hindi pa nagre-reply si SBF sa request ng BeInCrypto para mag-comment ukol sa mga sinabi ni CZ.
