Ang Solana decentralized exchange na Drift Protocol ay umano’y na-hack. Wala pang kumpirmadong pahayag mula sa team nito, pero halos 20% agad ang binagsak ng presyo ng DRIFT token matapos ang kumalat na balita.
Ang decentralized exchange na ‘to ay naka-build sa Solana at nag-aalok ng perpetual futures trading, kung saan ginagamit din nito ang Circle USDC infrastructure para sa collateral at mga transfer.
Si Mert Mumtaz, ang co-founder at CEO ng Helius, nagbigay-babala sa isang post sa X.
Ayon sa kanya, “mataas ang posibilidad ng malaking exploit” kaya pinakiusapan niya ang Circle na mag-react agad.
Noong una, inisip ng crypto community na April Fool’s joke lang ito, pero paulit-ulit na nilinaw ni Mert na seryoso ang sitwasyon.
Dahil dito, mabilis kumalat ang kaba sa market at mga trader. Nagkaroon agad ng sell-off sa DRIFT token at ayon sa data, bumagsak nang mahigit 17% ang token sa loob ng isang oras, kaya naging nasa $0.058 na lang ang presyo nito.
Patuloy pa rin ang pag-develop ng story na ito.
