Si Ben Delo, co-founder ng BitMEX at tumanggap ng pardon kay Trump, nag-donate ng £4 milyon (nasa $5.3 milyon) para sa Reform UK party ni Nigel Farage.
Inanunsyo ni Delo ang donation sa isang op-ed article sa Telegraph noong April 8, at sinabi niyang ito ang unang beses niyang sumabak sa political activism.
Bakit Sinusuportahan ng Isang Pardoned Crypto Founder ang Reform UK
Si Delo ang co-founder ng BitMEX, isang sikat na crypto derivatives exchange, na nag-launch noong 2014. Pero noong 2022, umamin siya na guilty sa paglabag ng US Bank Secrecy Act (BSA) dahil hindi niya napa-implement ng maayos ang anti-money laundering controls sa platform.
Nagbayad siya ng $10 milyon na civil fine at nagkaroon ng 30 buwan na probation. Sa March 2025, binigyan sila ni President Donald Trump ng full pardon — kasama niya sina Arthur Hayes at Samuel Reed, mga co-founders din ng BitMEX.
Sa op-ed niya, nilinaw ni Delo na ginawa niya ang donation dahil sa tingin niya may malalang issue ng honesty o kataapatan sa gobyerno ng UK ngayon.
Sinabi niya na ang Reform UK lang ang partido na kayang harapin ang mga problema ng bansa nang diretso.
“Mula umpisa ng taon, nagbigay na ako ng £4m para matulungan si Nigel Farage na buuin ang Reform UK bilang isang totoong alternative party ng gobyerno,” sabi ni Delo ayon sa The Telegraph.
Plano ni Delo na Iwasan ang Overseas Donor Cap ng Labour Party
Noong March 25, nagpatupad ang gobyerno ng UK ng £100,000 na annual cap para sa political donations mula sa mga British na naninirahan sa ibang bansa. Kasama dito ang temporary ban sa donations gamit ang cryptocurrency.
Ipinasok ang mga batas na ito matapos ang independent review tungkol sa foreign financial interference sa British politics, na pinangunahan ni former Permanent Secretary Philip Rycroft.
Base na ngayon si Delo sa Hong Kong pero sabi niya, lilipat siya sa UK para malampasan ang donor cap at magpatuloy pa sa pagpondo sa Reform UK.
Sa nakaraang taon, umabot na sa £12 milyon ang natanggap ng Reform UK mula kay Christopher Harborne, isang British investor na nakabase sa Thailand. Pero dahil sa bagong cap na ito, posibleng mabawasan ng malaki ang mga susunod na contribution ni Harborne.
