Bagsak sa bagong all-time low na $7.95 ang stock ng Blue Owl Capital (OWL) noong April 2. Nangyari ito matapos mag-anunsyo ang kumpanya na lili-limitahan na nila ang withdrawals sa dalawa nilang private credit fund. Malaking bagay ito lalo na at umabot na sa $5.4 billion ang redemption requests nila nitong first quarter pa lang.
Ngayon, higit 40% na ng market value ng Blue Owl ang nabura ngayong taon habang lalong nababawasan ang tiwala ng mga investors sa $1.8 trillion private credit sector.
Inamin ng Blue Owl na ang $36 billion flagship fund nila, ang Blue Owl Credit Income Corp (OCIC), ay nakatanggap ng redemption requests na umaabot sa 21.9% ng lahat ng shares nitong first quarter pa lang.
Maging ang tech-focused fund nila na Blue Owl Technology Income Corp (OTIC) mas matindi pa ang nangyari. Gusto ng mga investor na i-withdraw ang 40.7% ng shares mula rito kahit $6.2 billion din ang laki ng pondo. Sa parehong fund, nilimitahan ng kumpanya sa 5% lang ang puwedeng maredeem.
“Patuloy naming napapansin na may matinding disconnect sa usap-usapan tungkol sa private credit at sa aktwal na galawan sa portfolio namin,” sabi ng Blue Owl sa kanilang shareholder letters.
Hindi lang Blue Owl ang nakakaranas nito. Yung Apollo Global Management ay nagpatupad din ng kaparehong 5% cap matapos makatanggap ng redemption requests na lagpas 11% ng outstanding shares. Ang BlackRock naman nilimitahan din ang withdrawals sa $26 billion fund nila.
I-follow kami sa X para laging updated sa latest crypto news
Ayon sa data ng Bloomberg, nasa $13 billion na ang total ng withdrawal requests mula sa mahigit isang dosenang private credit funds nitong katapusan ng Marso. Dumadami ang pressure sa mga private capital manager habang nagkakagulo ang market at dumadagdag ang takot ng mga investor sa posibleng epekto ng AI tech lalo na sa mga software borrower, kaya marami talaga ang gusto nang mag-exit.
