Isang ulat mula sa Axios ang nagpasiklab ng matinding diskusyon sa mga usaping geopolitics at finance, matapos lumabas ang balita na posibleng magkaroon ng 45-day ceasefire sa pagitan ng United States at Iran.
Ayon sa ulat, base raw sa mga source mula sa U.S., Israel, at sa rehiyon, gumagalaw na ang last-ditch push para mapatigil ang lumalalang gulo gamit ang temporary na truce na posibleng magbukas ng daan para sa pangmatagalang kasunduan.
Lalong Dumadami ang Duda: Iran Ayaw sa Temporary Truce, Hirap Pa rin sa Verification
Ayon sa ulat, ilang bansa gaya ng Pakistan, Egypt, at Turkey ang gumagalaw bilang mediators para sa isang two-phase proposal. Sa unang phase, magkakaroon ng 45-day ceasefire (pwedeng pahabain) kung saan magaganap ang mas malawak na negosasyon.
Ang second phase naman, target maabot ang isang kumpletong kasunduan tungkol sa nuclear issues, sanctions relief, at official na pagtatapos ng sigalot.
Kasama sa proposal ang indirect na pag-uusap ng U.S. envoy na si Steve Witkoff at Iranian Foreign Minister na si Abbas Araghchi.
Pero kahit sa mismong ulat, nagbabala ang mga source na maliit ang chance na mangyari agad ang deal sa loob ng susunod na 48 oras, lalo na’t may naiipit na deadline mula sa U.S. na puwedeng humatak ng mas matinding military escalation.
Kahit hype ang mga sinasabi sa headlines, nilinaw ng Reuters na hindi pa nila independently nako-confirm kung totoong may ganitong negosasyon.
Habang kinilala ng Reuters na umiikot nga ang ceasefire framework na galing Pakistan, nilinaw naman nila na walang official na kumpirmasyon galing sa Washington o Tehran.
Sa side ng Iran, matibay pa rin ang paninindigan nila at mukhang ‘di sila basta papayag sa temporary arrangement kung walang kasiguraduhan na magdadala ito ng tunay na kapayapaan.
May Nanggugulo Ba sa Market?
Dahil walang malinaw na verification, mas dumami pa ang pagdududa online at marami ang nagtatanong sa timing at tunay na intensyon ng lumabas na balita.
May ilang analyst at social media users na nagsa-suggest na baka sinadya ang paglabas ng ulat bago magbukas ang market trading ngayong Lunes, na posibleng makaapekto sa presyo ng langis at kabuuang sentiment sa finance markets.
Pinuna din ng ibang kritiko na may paulit-ulit nang ganitong mga balita nitong mga nakaraang linggo pero agad namang dine-deny ng Iran, kaya maraming nagaalala kung gaano ka-sensitive ang market sa mga geopolitical news na walang matibay na source.
Sa posisyon ng Iran, consistent sila: derechong tinatanggihan nila ang short term ceasefires na may deadline o pressure, at gusto nila, may solidong assurance na walang susunod na military action.
Sabi ng mga opisyal, kung walang ganitong assurance, ibig sabihin, temporary lang ang pagtigil at delay lang ng gulo — hindi solusyon.
Pinapakita ng kontrobersyang ito na malaking challenge ang pagsulat ukol sa mga conflict ngayon, lalo na kung mix ang anonymous sources, mabilis umikot ang info, at may direktang epekto sa market.
Habang tumataas ang tensyon at papalapit ang deadline, baka mas maging malinaw na ang totoo sa likod ng sinasabing negosasyon.
