Bagsak ang US stocks sa ikatlong sunod na araw nitong Miyerkules. Patuloy na tumataas ang Treasury yields at muling tumaas din ang presyo ng oil na naging dahilan ng pangamba sa market.
Bumaba ng 405.41 points ang Dow Jones Industrial Average, o 0.77%, sa 52,380.66. Nag-drop din ng 0.48% ang S&P 500 sa 7,636.36. Ang Nasdaq Composite naman, bumagsak ng 0.64% sa 26,253.34.
Mas Malaking Treasury Buyback, Mas Mataas na Yields
Sinabi ng Treasury Department na triplehin nila ang buyback para sa longer-dated debt at gawing $6 billion. Pero kahit ganun, hindi pa rin napatigil ang pagtaas ng 10-year yield na ngayon nasa 4.84% na — pinakamataas mula noong November 2023.
May ibang trader na umasa pa ng mas malaking repurchase. Ayon kay Peter Boockvar ng The Boock Report, umabot pa hanggang $7 billion hanggang $8 billion ang expectations ng Wall Street.
Sinabi ni Thomas Martin ng Globalt Investments na may kakaibang sitwasyon ngayon pagdating sa sentiment ng market.
“Mapapansin mong extreme na ang equity sentiment. At the same time, extreme din ang sentiment pagdating sa mas mataas na interest rates. Hindi puwedeng magtagal na sabay sila nang ganyan.”
Martin, CNBC
Oil Tuloy-Tuloy ang Pag-akyat Dahil sa Iran Tensions
Umabot na sa $101.21 kada barrel ang Brent crude (up ng 3.36%) — pinakamataas mula May. Ang West Texas Intermediate (WTI) naman, tumaas ng 3.25% sa $96.05.
Lalong tumitindi ang tensyon sa pagitan ng US at Iran kaya nagkakaroon ng takot na baka maapektuhan ang supply ng enerhiya mula Middle East. Mas bumibigat ang pressure sa bond market na dati nang strained dahil sa stand-off nila.
Dahil din sa takot na ito, nagbagsakan din ang mga Asian equity benchmark nitong buwan. Nauna nang nag-surge ang presyo ng oil noon dahil sa mga strike.
Sinabi ni Martin na kung umabot pa sa $120 per barrel ang oil, siguradong mapapansin na ng buong market. Sa ngayon, hindi pa doon umaabot ang galaw ngayong Miyerkules.
Nag-umpisa ang losses matapos ang pinaka-worst na trading day ng Dow sa loob ng halos tatlong linggo, nitong Martes. Pumasok ang session na ‘to sa isang holiday-shortened week matapos ang pagsasara noong Labor Day, Lunes.
