Bumaba ang presyo ng Ethereum (ETH) hanggang nasa $1,711 habang tuloy-tuloy ang spot Ethereum ETF outflows sa ikapitong linggo — kahit na iba ang ipinapakitang data mismo ng network.
Maraming naglalabas ng pera mula sa pinakamalalaking crypto funds papunta sa mas mga bagong produkto, kaya parang nagkaka-rotaion ng investment ngayon. Naiipit si Ethereum sa gitna ng galawang ito.
Bitcoin at Ethereum ETFs, Sunod-sunod ang Paglabas ng Pera sa Ikapitong Linggo
Pitong linggo na ring tuloy-tuloy ang mga redemption o paglabas ng pera mula sa spot Bitcoin (BTC) ETFs. Yung tinatawag na weekly spot ETF flows — ang diperensya ng pumapasok at lumalabas na pondo — lumiit mula $1.72 billion na exit noong June 5, naging $68 million na lang pagdating ng June 22.
Sumabay din ang Ethereum ETF outflows sa parehong run, pitong linggo na ring tuloy-tuloy na exit. Nitong huli, nasa $66 million lang ang weekly exit, na mas maliit kumpara sa $255 million na nilabas noong kalagitnaan ng May, kaya bumabagal na yung paglabas ng pera. Pero kakaumpisa pa lang ng linggo ngayon kaya abangan kung ano mangyayari pagdating ng Friday.
Parehong nalulugi ang dalawang malalaking asset, pero bumabagal na yung paglabas ng pera imbes na lalong lumala.
Makikita ang malaking pagkakaiba kapag pumapasok na sa picture ang mga mas maliit na funds.
XRP, Solana at HYPE Funds, Pumapasok pa rin ang Pera
Habang puro palabas ng pera ang nangyayari sa majors, tuloy-tuloy naman ang XRP ETF inflows sa ikawalong sunod na linggo, nanatiling green kahit bumaba yung presyo nung unang bahagi ng June.
Ang Solana (SOL) funds naman, halos laging positive simula kalagitnaan ng May, maliban sa ilang maliliit na red weeks, at umabot na sa mga $836 million ang net assets.
Hindi pa nagkakaroon ng red week ang Hyperliquid (HYPE) funds mula nang nag-launch noong May 13, at umabot na sa $183 million ang nakuha. Para itong maagang senyales ng crypto ETF rotation, pero maliit pa rin ang amount ng inflow sa mga altcoins.
Kahit ganito yung galawan ng pera palabas kay Ethereum, parang ‘di alam ng mismong network ang nangyayari.
Mas Matindi ang Demand sa Ethereum Staking Kaysa Sa Nag-u-unstake
Yung data mismo sa blockchain, taliwas sa outflows na nakikita sa ETF. Sa ngayon, may nasa 223,000 ETH na nakapila pa para mag-unstake, pero halos 2.68 million ETH naman ang naghihintay para pasukin ang staking.
Kung tutuusin, mga dose beses pa ang dami ng Ethereum staking demand kumpara sa pressure na mag-unstake, baliktad sa karaniwang senyales ng sell-off. Kapareho rin ang nakikitang trend sa realized flows: nitong nakaraang sampung araw, net positive ang mga daily validator deposits, pagkatapos ng mga araw na sunud-sunod ang exit nung simula ng June.
Ang unstaked ETH na napupunta sa mga exchange, maliit pa rin ang volume. Kahit noong pinaka-aktibong araw, nasa 24,000 ETH lang ang nailipat—sobrang liit nito kumpara sa normal na daily inflows sa exchanges. Ibig sabihin, hindi talaga nababaha ang market ng ETH mula sa mga nag-unstake.
Pareho ang nakikita natin sa exchange balances at sa staking token, parehong chill lang ang movement.
Kumakalma ang Outflows sa Exchange, Tapos Stable pa rin ang stETH Peg
Stable ang takbo ng outflows sa exchanges. Pag-check sa exchange net position change (indicator kung gaano karaming tokens ang lumalabas at pumapasok sa exchanges), makikita mong nabawasan ito mula negative 564,000 ETH noong June 9, naging negative 442,000 ETH noong June 22. Pero net withdrawals pa rin ito—mas maraming ETH pa rin ang nilalabas kaysa pinapasok.
Yung stETH peg naman, halos stick pa rin sa 1.0 kahit bumaba ng halos 20% ang presyo ng ETH nitong June. Dahil dito, mukhang hindi nag-panic ang holders na mag-unstake at magbenta.
Kaya kung committed ang movement sa chain mismo, lumilipat ang tanong: saan nga ba talaga tumutulak ang flow?
May Rotation na Natatago ng ETF Numbers
May isang direct na metric na nagpapakita ng real score ng rotation. Gumagamit ito ng custom rotation score kung saan sinusukat ang share ng ETH sa combined BTC at ETH net flow sa limang araw, tapos kinukumpara yan gamit ang z-score sa sariling 30-day history. Ang lumabas na reading ay positive 1.05—ibig sabihin, may bahagyang paglipat pabor sa ETH. Pero, tandaan, 21% lang ng flow na ‘yon ang napunta kay ETH—kaya dominant pa rin si Bitcoin sa flow.
Gusto mo pa ng mga ganitong token insights? Pwede kang mag-sign up sa Daily Crypto Newsletter ni Editor Harsh Notariya dito.
Kaya tumaas ang score kasi nabago ang share, hindi dahil malaki ang overall level. Dati, 12% hanggang 15% lang nakukuha ni ETH sa flow. Ngayon, umangat siya sa 21%—ibig sabihin, isa na siyang standard deviation above sa nakasanayan niyang share.
Sa simpleng usapan, mas mabilis nang lumilipat ang pera papunta sa ETH kaysa dati, kahit puro pula (negative) pa rin ang ETF numbers. Hindi ito agad lumalabas sa headline fund flows, pero kapag tinignan mo yung paghati ng flow, makikita mo na. Lagpas lang ito ng +1 sa scale, kaya early signal pa lang ito—hindi pa valid na trend.
Yung pagitan ng weekly ETF reports at ng actual na on-chain splits, dito talaga susubukin kung magtutuloy ba ang rotation.
Ano ang Magpapatunay talaga ng Matinding Rotation?
Sa ngayon, pattern pa lang ang matinding rotation—di pa siya solid na movement. Kailangan munang makita na sabay-sabay lumalakas ang inflows ng XRP, SOL, at HYPE, habang dire-diretso pa rin ang paglabas ng pera mula Bitcoin at Ethereum.
May dalawang bagay na pwedeng sumira sa theory na ‘to: Una, kung magka-green ang weekly record ng mga major coins, tapos kung titigil ang inflows sa mga altcoins—pareho nitong pipigil sa rotation.
Parang naiiba pa rin ang sitwasyon ng Ethereum—healthy pa rin ang network pero mahina ang demand sa ETF. Sa ngayon, kahit may lumalabas na pera sa Ethereum ETF, hindi lahat nito parang nilalabasan talaga ng ETH. Kung babalik sa positive ang weekly inflows, ibig sabihin, magkaiba na ang scenario: baka baka bumawi uli ang Ethereum ETF imbes na lakasan pa ang paglipat ng pera sa mga kalabang funds.
