Ilang teams mula sa Ethereum Foundation ang nag-launch ng “Post-Quantum Ethereum,” isang website na dedicated para sa post-quantum security ng Ethereum. Dito makikita sa isang lugar lahat ng roadmap, technical specs, research papers, at EIPs na related sa quantum security efforts ng Ethereum.
May kasama ding 14 na tanong sa FAQ na sinulat ng PQ team, at 6-part na serye ng interview sa website na ‘to.
May Tatlong Yugto Bago Dumating ang Q-Day
Itong initiative na ‘to ay produkto ng walong taon na pagtatrabaho, nagsimula pa sa research ng STARK-based signature aggregation noong 2018.
Apat na team mula sa Foundation ang nagtulong-tulong para rito. Nasa advance level na ang progress at lumalagpas na sa theory. Mahigit 10 client teams ang aktibong nagbu-build at nagshi-ship ng devnets kada linggo gamit ang PQ Interop process.
I-follow kami sa X para palagi kang updated sa mga balita habang nangyayari
Nilinaw ng team na wala pa namang cryptographically relevant na quantum computer na malapit ng mangyari. Pero dahil sobrang komplikado ang pag-upgrade sa isang decentralized global network, kailangan talaga ng matagal na paghahanda, development, at testing — kaya sinimulan nila agad bago pa dumating yung totoong risk.
“Nakabase ang approach ng Ethereum sa cryptographic agility — ibig sabihin, kaya nitong mag-upgrade ng core cryptography nang hindi pinapabagsak ang network — at tinitreat din nila ‘tong transition bilang chance para mas patibayin pa ang security, simplicity, at decentralization ng protocol,” dagdag pa ng team.
Sa assessment ng team ngayon, posibleng matapos ang L1 protocol upgrades ng Ethereum sa 2029 at ilang taon pa bago makumpleto ang buong migration ng execution layer.
Ang transition na ‘to ay may tatlong phase: una, readiness at infrastructure; pangalawa, gradual adoption; at pangatlo, protocol-level consolidation. May ibang blockchain networks din na gumagawa ng hakbang para sagutin ang pwede maging banta ng quantum tech.
Ang Solana Foundation, nagde-deploy na ng post-quantum digital signatures sa Solana testnet. Noong January, nag-announce din ang CEO ng Coinbase na si Brian Armstrong tungkol sa pagbuo ng independent advisory board na tututok sa quantum computing at blockchain security.
Mag-subscribe sa YouTube channel namin para mapanood ang mga insights ng mga crypto leaders at journalists
